2 ɛTimɔti 3:10 - ɛWee ne ìTsɛm iHywas

¹⁰ iGyɛ ne ɛTimɔti, ˆɛ kɛ roos imɛmɛ nge da, ˆɛ yɛɛ ɛli ne nzi shɛɛ, ˆɛ yɛɛ ɛkɔn na ne nzi sak me nɛ, ne ìnang ne itin nge, ne ɛbɔk nge, ne ishwim nge gbik ne irop iku nge.

2 ɛTimɔti 3:10 Iomraidhean Croise

ɛLuka 1:3

iPhɛ ɛlɛy igyɛ ne ndiinday ɛTiyɔfɔlɔs, nggɛ ne phɛl ibol lɛ hywɛɛ, lenɛ nɛ ne ɛtum mɛ. Nzi ne yaang iphɛ kɛ ma jam mɛ te n tɔng ngɛ iphɛ ɛli nɛ nikabhak kɛ so.

ɛTomɛ 11:23

Kɛ ne sɛ ɛBanabas sa kɛ bhɛ tuu iNtakiya de ɛ yaang izɛɛng ngge ne ɛTaanggbey ya kɛ nang nibhɛ wo, ne ɛ yɛk irway ihwala. ɛBanabas sa ne kpɛng nibhɛ wu tɛ nibhɛ shɛɛ ndɔ ne itin ne ibol ɛDaray de ne irway nibhɛ gbik.

ɛTomɛ 2:42

Nibhɛ ne nang irway nibhɛ gbigbik daa nikɔn na ne ninɔn ne tom ma mɛmɛ nibhɛ nɛ wo, nibhɛ ne i byingis ìtsɛm, nibhɛ re ire ɛlɔ ɛdaan, nibhɛ ne jii roro.

ɛTomɛ 20:18

Ne sɛ nibhɛ kɛ tuu, ɛBulus sa ne yaak nibhɛ, “Nyinɛn no ne ito mon, ɛ yɛɛ ɛn ihywee ne ishwɛɛ da ne nggɛ shɛɛ ne nyinɛn gbik nten de ne nggɛ shɛɛ ne nyinɛn no, ihywee ne ishwɛɛ da ne nggɛ shɛɛ nten de ne nggaa tsa n tuu ivel ne iSiya da.

ɛTomɛ 26:4

niYahodawa na gbik, nibhɛ yɛɛ ihywee ne ihywel da ne nggɛ hyel ɛli ne nggɛ tɔ ne ifas nge. Nibhɛ yɛɛ me ɛli ne nggɛ shɛɛ ɛgarang nge gha, nibhɛ ne ta yɛɛ ɛli nggɛ shɛɛ ne iYɛrushɛlɛm be.

iRooma 16:17

Nigwaa ɛn, nzi bok nyini te ɛ wɛɛ ɛn nyini yɛnɛng ɛlɔ ninyi na nɛ nibhɛ te nyini ɛ hosop ɛn nyini wo, nibhɛ yɛɛset ne imɛmɛ ifas ne ifɛ soye nikɔn kyibhɛ nɛ nibhɛ labhe nɛ nikɔn na ne kɛ ku mɛmɛ nyini nɛ wo. Shɛɛ ɛn kyakyak nɛ nibhɛ!

2 iKɔrɔntos 1:17

Ɛ wɛɛ ɛn te nggɛ ryɔng me nzi doo ɛkɔn na ne nzi mɔn naa? Hang ɛ wɛɛ ɛn te nggɛ ryɔng me ne icwas ɛten ɛsii, ne naa yɔng “Ɛɛy,” nggyi ta yɔng “Kwa naa?”

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

iFilibi 2:20

Sɔng n bok ɛdɛ ɛnyi gha te ɛTimɔti gha ne icwas ɛbhɛ so daa mon no nang.

iFilibi 2:22

ˆƐ yɛɛ ɛn ɛTimɔti yegha ɛli ne ɛ so, daa ɛli ne njwi kɛ mɔn ɛtomɛ ne sanga ibol iyɛnɛng ngge ne ɛbhɛ wo te ɛngɔn ne ɛkyɛɛ.

1 iTasɔlɔnika 1:5

Daa ɛli ne sɔng njwi kaa yɛɛs nyini ne ibol iyɛnɛng ngge ne ɛnu zɔng nang, iphɛ kaa bok ihwet, iphɛ bok iKabyik ɛTaanggbey, iphɛ ne so hyɔrɔ ne itin. Ɛ yɛɛ ɛn ihywee ne ishwɛɛ da ne njwi kaa shɛɛ ndɔ mon no, ishwɛɛ yɛ kaa so te njwi phyik nyini.

1 ɛTimɔti 1:3

Nzi sim te ˆɛ sɛ shɛɛ ne iFisus de, ɛli ne ngga mɔng ngɛ nten de ne naa phɛ ne iMakyidɔniya de. Nidɛng ninyi na so ne iFisus de nɛ nibhɛ i mɛmɛ ninyi na ne ivol ne irywɛɛk, nzi ne sim te ɛ sɛ yɛk nibhɛ nɛ nibhɛ kɔɔnge.

1 ɛTimɔti 4:6

Yaa sɛ ˆɛ kɛ mɛmɛ nigwaa na nɛ nikɔn nɛnaa wo, ˆaa ne teyɛ ɛkpuru ɛyɛnɛng ɛYɛso ɛKiriti gha. ɛHaa ne ɛ kɛ hɔn ndɔ ne ibol ne ìnang ne itin de gbik ne imɛmɛ iyɛnɛng ngga ne ˆɛ roos so.

1 ɛTimɔti 6:11

iGyɛ ne ɛTimɔti wo ne ɛ soyɛ ɛnyi ɛTaanggbey, tel nikɔn nɛnaa wo. See ito ne tɔk ihywel cik, ne ishwɛɛ ihywee ne ishwɛɛ ɛTaanggbey, ne ìnang ne itin, ne ishwim, ne rop iku gbik ne ihywɛɛ.

2 ɛTimɔti 2:22

Tel lɛ ihyop igywebhe ne ifas da te ɛ see ito ne roos icik, ne ìnang ne itin, ne ishwim gbik ne irway ne laal. Mɔn ɛlɛ wo nɛ ninaa nibhɛ yeres daa ne irywɛɛk ɛDaray yo ne irway iwɛwɛy.

2 ɛTimɔti 4:2

Nzi bok kɛ, hang nten sonɛ yɔɔ, hang iphɛ sang sonɛ yɔɔ, see ito ne sanga ibol ɛTaanggbey de. Hɔ ihywɛɛ ninyi de, te ɛ nep nibhɛ, ɛ te nibhɛ itsɔngɔl gɛgɛy ɛ mɛmɛ nibhɛ nɛ ndɔ ɛbɔk ne ɛ sang ɛgak.

2 ɛTimɔti 4:3

Daa ɛli ne nten yaaso nɛ ninyi na sɛ mbaray imɛmɛ ne itin de. Nibhɛ sɛ yang tumɛ nikyɛɛ ne icwam nɛ nibhɛ yaa mɛmɛ nibhɛ nɛ nikɔn na ne itoro ne rangas nibhɛ i sim te iphɛ yaa phok.

2 ɛTimɔti 4:7

Nggɛ ta itsom be yɛnɛng, nggɛ taal nggbiy da, nggɛ boos ìnang ne itin de byirik.

ɛTitus 2:7

Ndɔ nikɔn na gbik teyɛ ɛkɔn ne mɛmɛ nɛ ɛlɔ nibhɛ gha daa ne mɔn nikɔn niyɛnɛng. Ndɔ ne imɛmɛ mo da tɔɔrek itin nɛ, sɔng ˆɛ ra ne ijɔwɔ nang.

iBirani 13:9

Sɔng ˆɛ tek ɛn imɛmɛ ifas, ihywee-ihywee kpuru ihywɛɛ mon de nang. iPhɛ kɛ jam mɛ ˆɛ hante ɛn irway mon ne ihwet ne izɛɛng ɛTaanggbey, sɔng daa ne roos ikpii ne re ire nang. Sɔng ninyi na nɛ nibhɛ roos ikpii yɛdaa nggyɛ wo i sɛ iphyik nang.

2 ɛBiturus 3:11

Daa ɛli ne sɛ ne bees nikɔn na gbik ɛlɛ wo, iphɛ kɛ ne jam mɛ ɛ sɛ te ɛn nyini iya ihywee ninyi daa mɛɛ? iPhɛ kɛ jam mɛ ɛ sɛ tul ɛn nyini kang ɛ te ɛn ninyi ninaa ɛTaanggbey.