2 ɛTimɔti 2:9 - ɛWee ne ìTsɛm iHywas

⁹ Daa ɛli ne nzi tɔng iBol iYɛnɛng ngge, nzi ne sɔ nggbang gbom, kɛ phyii rop me te ɛnyi ɛbebhe. Gbik ne iphɛ ɛlɛy, sɔng yaa ne yɛɛ ne rop ibol ɛTaanggbey de nang.

2 ɛTimɔti 2:9 Iomraidhean Croise

ɛLuka 23:32

Kaa ne ma boos nidɛng ninaa ɛyi na ifaa ne yaa bhɛ phobho nibhɛ gbik ne ɛYɛso gha.

ɛTomɛ 21:33

Ɛndiinday ya ne yɛɛs ɛ wum ɛBulus segha, ɛ yɛk ngɛ rop ɛbhɛ ne inyang ihywɛɛ ihywaa. Nɛ ji phom ɛBulus segha ɛ yaak ɛbhɛ. “I bok kɛ ɛhay? Kyee ne ɛ kɛ mɔn no?”

ɛTomɛ 28:31

Sɔng kaa ne i ring ɛbhɛ ne sanga ibol ɛTaanggbey de nang, iphɛ ɛlɛy ne ɛɛ sanga ibol ne igbɔm ɛTaanggbey da, ɛ mɛmɛ ninyi na ne ibol ɛDaray ɛYɛso ɛKiriti de wɛlɛng ɛnik.

ɛTomɛ 9:16

Na tɔɔrek ɛbhɛ nggbang ngga ne iphɛ so ngbingbing ɛ sɔ mpɛ ɛlɔ me wo.”

iFisus 3:1

ɛKɔn nɛghaa wo bhɛ kɛ te mee ɛBulus sa, nzo ne nyang, ɛlɔ ɛYɛso ɛKiriti te iphɛ phyik nyini, nyinɛn no ne ɛ sang so ɛn niYahodawa. Nzi ne bol ne ɛTaanggbey ya daa ne ito mon de.

iFilibi 1:17

Ninaa nɛ nibhɛ tɔng ibol ɛKiriti de ne ɛnkyis sa i ne mɔn ɛlɛ wo ne sim ito, sɔng ndɔ ne itin nɛ nang. Nibhɛ yang sim te sɛ hante me ne nggbang ndɔ ne ijwee ne inyang ngo.

iFilibi 1:7

Gbik mon no ˆɛ so ɛn ne irway nge. iPhɛ kɛ ne jam mɛ nzi tas nɛ nyinɛn ɛlɛ wo, daa ɛli ne ˆɛ kɛ byinki ɛn ito ne mee ndɔ ne izɛɛng ɛTaanggbey de nten de ne kɛ gangke me ndɔ ne ijwee ne inyang ngo, ˆɛ phyik ɛn mɛɛn nten de ne nggɛ kyinak ne ihwet daa ne itin ne iBol iYɛnɛng ngge ɛnu ɛyisɛ ninaa nɛ nibhɛ mbaray yo.

iKɔlɔsi 4:18

Mee ɛBulus, nzi haa kyiisi yɛdaa wo ne iwɔ nge. Sɔng ˆɛ te ɛn bap wu nzo ne nyang ge nang. Te izɛɛng ɛTaanggbey shɛɛ ne nyinɛn. Ɛɛy.

iKɔlɔsi 4:3

Ma bol ɛn ne ɛTaanggbey ya ɛlɔ mos ne mang, te ɛTaanggbey ya phaal njwi ɛnu ne izuk ne tɔng ibol ɛbhɛ de, te njwi tɔng ibol igying ɛbhɛ de daa ɛKiriti gha. iBol igying ngɛdee wo iphɛ iphɛ kɛ te nzo ne nyang ge.

1 iTasɔlɔnika 1:8

iBol ɛDaray de kɛ ne le ɛlɔ mon na iphɛ shwalat nilɔ na gbarang, sɔng iphɛ kɛ ne kyinak ne iMakyidɔniya de ne iKaya de zɔng nang. Gbik ɛlɔ gha ne njwi kɛ bok ngɛ njwi ne phok i darat ngka ne ìnang ne itin mon de ne ɛTaanggbey ya. iPhɛ ɛlɛy sɔng njwi ne ta bok ihak ibol ne njwi yaa ta yɔngɔ dɔng nang.

2 iTasɔlɔnika 3:1

ɛTsim mɛ gbik nigwaa en, bol ne ɛTaanggbey daa mos, te ibol ɛDaray de sɛ iphɛ shwalat gbom i ta nang iphɛ ne ndiinday te ɛli ne iphɛ kaa so ndɔ mon no.

2 ɛTimɔti 1:12

ɛKɔn nɛghaa wo ɛbhɛ kɛ te nzi sɔ nggbang ngga ne nzi sɔ wo. Gbik ne iphɛ ɛlɛy, sɔng ne n bok ncwa yɛ nang, daa ɛli ne nzi yɛɛ ɛhaa ne nggɛ nang ne itin nɛ ne ɛbhɛ, nzi ne yɛɛ ncɛncɛng aa yɛɛ ne hyep ɛkɔn na ne ɛ kɛ tek me nɛ ne iwɔ wo ɛTuk ɛDaray ya phyii tuu.

2 ɛTimɔti 1:16

Te ɛTaanggbey ya sit ninaa ne ijwee ɛNisipharus sa ne ɛwɛng. Ɛbhɛ kɛ i phyighis me cɛcɛɛy, sɔng ɛ kɛ ne ta kyii phok ncwa ne inyang ngge ne nzo nɛ wo nang.

2 ɛTimɔti 1:8

iPhɛ ɛlɛy, sɔng ne ˆɛ phok ncwa ne tɔng ibol ɛDaray ɛYɛso njwɛɛn de ne ncwa nge ne nzo ne inyang ngge ɛlɔ ɛDaray ɛYɛso gha nang. Yang byinki ito ne mee ndɔ ne nggbang ɛlɔ ne sanga ibol iyɛnɛng ngge, te ɛTaanggbey ya nang njwii ihwet tɛ.

2 ɛTimɔti 2:3

Rop iku ndɔ ne nggbang ne njwit to te ɛsooja ɛyɛnɛng ɛYɛso ɛKiriti.

2 ɛTimɔti 4:17

ɛTaanggbey ya kaa ne phyik me ɛ nang me ihwet, te lenɛ ne me wo sanga ibol ɛbhɛ de gbik, tɛ ninyi na ne hame nibhɛ soye niYahodawa na phok iphɛ. Ɛ kaa ne phɔt me ɛnu ne izaa gha, kaabi ndɔ ɛshara ne iku gha.

1 ɛBiturus 2:12

Shɛɛ ɛn ishwɛɛ iywɛnɛng ndɔ ninyi na nɛ nibhɛ sang yɛɛ ɛTaanggbey yegha. Te yaa ne sɛ nibhɛ bol ivol ne rip ba daa mon no nang, ne yang kyii lenɛ nɛ nikɔn niyɛnɛng nga ne ɛ mɔn ɛn no nibhɛ nang ɛTaanggbey ye ne ndiinday ɛtuk ka ne ɛTaanggbey ya sɛ yɛɛs ɛlɔ njwɛɛn na.

1 ɛBiturus 2:14

Roos ɛn ibol nigɔm-na de ne ɛgbaang ɛgɔm ma kɛ tom nibhɛ tɛ nibhɛ baasek ninyi nibebhe na nggbang ngga, nibhɛ ne jii dɛp ninyi na nɛ nibhɛ mɔn iyɛnɛng ngge.

1 ɛBiturus 3:16

Te izɔlɔs ne irway mon da ne ku shɛɛ byirik tang ɛkɔn ne tok te yaa ne sɛ ninaa ne bol ivol ikpɛɛ da kɛ yaa bol daa ne ishwɛɛ iywɛnɛng mon da ndɔ ɛKiriti gha, nibhɛ ne sɔ ncwa.

1 ɛBiturus 4:15

Ne ɛ wɛɛ ɛn nyini yɛnɛng, sɔng ne towos nyini wo daa ɛli ne ɛ kɛ phoo ɛn ɛnyi nang, sɔng ne towos nyini daa ɛli ne ɛ kɛ hyel ɛn ɛyi nang, hang ɛ kɛ mɔn ɛn ɛdɛ ɛkɔn ɛkpɛɛ yɔɔ. Sɔng ma yung towos nyini daa ɛli ne ɛ kɛ lel ɛn ɛdɛ ɛkɔn na ne ɛ sang so ɛhaa mon nang.