2 ɛTimɔti 2:7 - ɛWee ne ìTsɛm iHywas

⁷ Tas daa ɛkɔn na ne nggɛ tɔng ngɛ wo, daa ɛli ne ɛDaray ya yaa nang ngɛ ishweng ngga ne ˆaa seng gbik.

2 ɛTimɔti 2:7 Iomraidhean Croise

ɛLuka 21:15

Nzɛ nang nyini ivol ne ntsɛntsɛng ɛli ne hame ɛdɛ ɛhaa ne iphup mon na sɛ yee ne hyere ibol mon de, ɛ ta re ishamas ne nyinɛn.

ɛLuka 24:45

ɛYɛso gha ne ji phaal irway nibhɛ da tɛ nibhɛ seng ɛkɔn na ne kɛ haa ndɔ ne ɛWee ne iBol ɛTaanggbey yo.

ɛLuka 9:44

“Sɔng ɛ te ɛn bap ne ibol de ne naa mɔng nyini wo nang: Yaa bhɛ nang ɛNgɔn ɛNyi ne iwɔ ne igbɔm ninyi.”

ɛYohana 14:26

ɛHaa ne iPhyik ka, ne ɛ soye iKabyik ɛTaanggbey de, ne ɛkyɛɛ gha sɛ tom ɛbhɛ ndɔ ne irywɛɛk nge wo, sɛ ne mɛmɛ nyini nɛ nikɔn na gbik. Ɛ taate nyini gbik nikɔn na ne nggɛ tɔng nyini wo.

ɛYohana 16:13

Sɛ́ ne sɛ iKabyik ntin de kɛ yɛɛs sang, iphɛ sɛ ne hyel nɛ nyinɛn ndɔ itin de. Sɔng iphɛ sɛ bol ivol ne ito ne iphɛ nang, iphɛ sɛ bol ɛkɔn na ne iphɛ kɛ phok zɔng, iphɛ ne tɔng nyini nikɔn na nɛ nibhɛ tɔ tang yɛɛs.

ɛTomɛ 7:10

ne ɛ phyik ɛbhɛ ndɔ ne nggbang ɛbhɛ da gbik. ɛTaanggbey ya ne nang ɛYisifu yegha ntsɛntsɛng gbom, ɛHyiridus sa ne ɛ kaa soye ɛgɔm ne iMasad ta ne yaa sim ɛbhɛ ɛ yɛk ngɛ ɛbhɛ teye ɛhaa ne ifaa yɛ ne igbɔm iMasad da, nikɔn ne ijwee ɛgɔm ma gbik nibhɛ kyii ne iwɔ ɛbhɛ.”

1 iKɔrɔntos 12:8

iKabyik ɛTaanggbey de kɛ nang ɛdɛng ivol ne ntsɛntsɛng, iKabyik idaan nɛ ne ma ta nang ɛdɛng ishweng.

iFilibi 4:8

ɛTsim mɛ gbik nigwaa nge, te icwas mon da kyii daa ɛkɔn na ne ɛ so itin, ne ɛkɔn na ne ɛ kɛ hɔn sɛ nang ɛbhɛ ne ndiinday, ne ɛkɔn na ne ɛ sɛ so kancɛng, ne ɛkɔn na ne ɛ so wɛwɛy, ne ɛkɔn na ne ɛ yɛɛs ne ishwim, ne ɛkɔn na ne ɛ kɛ jam wɛɛ. Wu ɛdɛ ɛkɔn na sonɛ ne ɛ kɛ jam ɛ shɛs, ne ɛhaa ne ɛ kɛ hɔn idɛp, te icwas mon da ne kyii ne ɛdak kɛ.

iKɔlɔsi 1:9

iPhɛ phɛ kɛ te, kaa sɛ ɛtuk ka ne njwi kɛ phok ibol mon de, sɔng njwi kɛ ne kɔɔng nge i bol ne ɛTaanggbey ya ɛlɔ mon na nang. Njwii roro ne ɛTaanggbey ya wu te ɛ yɛk nyini ne ntsɛntsɛng ne iKabyik ɛbhɛ hyɔrɔ, te iphɛ te ˆɛ seng ɛn ɛkɔn na ne ɛ sim.

1 ɛTimɔti 4:15

See ito ne mɔn nikɔn nɛnaa wo. Nang ibek mo ndɔ nibhɛ gbik te ɛrɔngɔ yaang ire ɛnu ɛyisɛ mo.

2 ɛTimɔti 2:6

ɛHaa ne hap ihwap ririk ka, iphɛ kɛ jam mɛ ɛbhɛ ɛ sɛ tsa ɛ phɔwɔ ire ne ihwap ɛbhɛ de.

2 ɛTimɔti 2:8

Taate ne ɛYɛso ɛKiriti gha ne kɛ yiisik ɛbhɛ ne ikpuu da. Ɛbhɛ wo ne ɛ le ne icwaang ɛDoda wo ɛli ne kɛ mɛmɛ nɛ ndɔ iBol iYɛnɛng ngge ne nzi tɔng ngo.

iBirani 12:3

Yung tas ɛn ne ɛYɛso gha ne ihywee ɛbɔk ge ne ɛ kɛ bo daa ne mbaray da nɛ ninaa ne ɛfɔt ta kɛ mbaray ɛbhɛ wo! iPhɛ ɛlɛy sɔng ne ɛ te ɛn kpos, ɛ tul ɛn irway nang.

iBirani 13:7

Taate ɛn nɛ nindiinday mon na nɛ nibhɛ kɛ tɔng nyini ibol ɛTaanggbey de. Wɛɛ ɛn ishwɛɛ nibhɛ da, wɛɛ ɛn ɛli nɛ nibhɛ kaa taal. Roos ɛn ihywee ne ìnang ne itin nibhɛ de.

iBirani 3:1

iPhɛ ɛlɛy, nigwaa nge ne kɛ tul kang, ne ɛTaanggbey kɛ ma yel-le nyini, sit ɛn irwisɛ daa ɛYɛso gha ne ɛbhɛ so ɛNgɔn ne Tom ma ne ɛGɔm nibo gha ne njwi tɔng ibol ɛbhɛ de.

iBirani 7:4

Yung yaang ɛn ihywee ne igbom be ne ɛMakyisɛdɛk ka bok ko! Ɛ kaa bok igbom be daa ɛli ne ɛBaraying nga ne ɛbhɛ soye ɛkyɛɛ-nikyɛɛ njwɛɛn na kaa nang ɛbhɛ ɛzaka nikɔn na ne ɛ kaa bhɛ kpuusi ne itsom be.

ɛYakub 1:5

Wu ɛdɛ mon ne sang ntsɛntsɛng, te ne ɛ roo ɛTaanggbey ye ne ɛbhɛ ɛ so ɛhaa ne nang izɛɛng ngge walala tang kyii bol ivol ne ɛdak kɛ, ɛTaanggbey ya yaa ne nang ɛbhɛ.

ɛYakub 3:15

Sɔng ihywee ne ntsɛntsɛng ngɛdee wo so ihywee ne izee ne ihywɛ le daa ne irywa nang, ihywɛ yang so izee ɛzay. Sɔng ihywɛ ne ta so izee ne ikabyik nang, ihywɛ so izee niphoo.

ɛYakub 3:17

Ntsɛntsɛng ngge ne ihywɛ ne le ɛlɔ ɛTaanggbey ya nang, idee ɛyisɛ yɛ, ihywɛ so wɛwɛy, ihywɛ i ne yɛɛs ne shɛɛ ncaang, ihywɛ bok ihywɛɛ, ihywɛ so lyaak, ihywɛ bok isan iyɔm, ihywɛ bok izɛɛng, sɔng ihywɛ i tɔɔrek sim ito nang, sɔng ihywɛ ne bok iluk nang.

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.