2 ɛTimɔti 2:16 - ɛWee ne ìTsɛm iHywas

¹⁶ Tel ivol ɛbuu ne bɛɛs ɛTaanggbey yegha, daa ɛli ne ifɛ hanas ninyi na ne shɛɛ ishwɛɛ ne ifɛ sang so ivaa ɛTaanggbey.

2 ɛTimɔti 2:16 Iomraidhean Croise

1 iKɔrɔntos 15:33

Sɔng i luk nyini nang, “iShwɛɛ da nɛ ninyi nibebhe na i bees ishwɛɛ ninyi niyɛnɛng.”

1 iKɔrɔntos 5:6

Sɔng i hal ɛggyɛy mon da kɛ jam mang. Ɛ doo ɛn ɛli ne ɛfɔt to so te iyis ncɛt de ne i cwaak ndɔ ne inuk ga iphɛ te ibɛrɛdi de wara gbik ko naa?

1 ɛTimɔti 1:9

Njwi i ne ta yɛɛ, sɔng iMɛmɛ ɛMuusaa da so daa ne ito ninyi ne cik nang. iMɛmɛ yɛ yang so daa ne ito ninaa nɛ nibhɛ tes ikpii ne imɛmɛ da tsaan. Nɛ ninaa ne ito ihet. Nɛ ninaa nɛ nibhɛ sang shɛɛ ishwɛɛ ɛTaanggbey. Nɛ ninaa ne ɛfɔt. Nɛ ninaa ne hame nibhɛ kɛ tul en kang. Nɛ ninaa ne bɛɛs ɛTaanggbey ye. Nɛ ninaa ne phobho nikyɛɛ gbik nɛ nigyinɛ, nɛ ninaa ne phobho ninyi.

1 ɛTimɔti 4:7

Shɛɛ kyaam ne nggbyɛrɛs ne bɛɛs ɛTaanggbey yegha gbik ne ivol ɛbuu da. Yang gbaat ito mo te ɛ shɛɛ ihywee ne ishwɛɛ ɛTaanggbey da.

1 ɛTimɔti 6:20

ɛTimɔti, wɛɛ ɛkɔn na ne kɛ tek kɛ nɛ ne iwɔ wo yɛnɛng. Hosop pɛ ne ivol ɛbuu da ne ifɛ sang bok ɛnik ɛTaanggbey yo gbik ne ishamas ne iwamang ngge gbik nɛ ninaa nɛ nibhɛ bok iphup ne igyɛ wo nibhɛ ji yɔng wu iphɛ so ishweng ngga, kaabi irywɛɛk ga.

2 ɛTimɔti 2:14

Ku i tas nibhɛ nɛ nikɔn nɛnaa wo. Kpɛng nibhɛ ɛnu ɛyisɛ ɛTaanggbey wu hang nibhɛ re ishamas daa ne ivol da. Sɔng ishamas de bok iphyik nang, ihywɛ yang bees ninyi na nɛ nibhɛ tenes so.

2 ɛTimɔti 2:21

ɛLɛy ne iphɛ ne sonɛ ninyi na ne mang. Wu ɛnyi gha kɛ kuus ito ɛbhɛ ndɔ ne ibebhe de, ne ɛ so tɛ nikɔn na ne i mɔn ne ɛtomɛ ɛgbaang ɛtuk ka. Ɛ kɛ tul le kang ɛ teye ɛnyi ne aa mɔn ɛkyɛɛ ne ijwee ɛbhɛ gha ɛtomɛ, ɛ kɛ ne ryɔng te ɛ mɔn gbik ɛtomɛ ɛyɛnɛng nga ne ɛ kɛ jam.

2 ɛTimɔti 3:13

Ninyi nibebhe na nɛ ninaa ne irywɛɛk ka ya ne i hanas ne bees en. Yaa i luk nibhɛ, nibhɛ ne maa luk ninyi na.

ɛTitus 1:11

Nggbinggbing i yɛk nibhɛ nɛ nibhɛ kunggbyak, daa ɛli nɛ nibhɛ suruk ihywɛɛ ne idee de gbom daa ne mɛmɛ ne ɛkɔn na ne ɛ kɛ sang jam lenɛ ne sim iryat ɛbuu.

ɛTitus 1:14

Tɛ nibhɛ kɔɔng nge tenes nggbyɛrɛs niYahodawa da ne ifɛ sang so itin de. Tɛ nibhɛ ta kɔɔng nge roos ikpii ninyi da nɛ nibhɛ mbaray itin de.

ɛTitus 3:9

Tel lɛ ishamas ɛbuu de gbik ne ibol ne wɛɛ irɛɛk ne itaang ngge, ne izok ge, ne ishisim daa ne ibol iMɛmɛ ɛMuusaa da. Daa ɛli ne sɔng nikɔn nɛnaa wo bok iphyik nang, sɔng nibhɛ kɛ ne ta jam nang.

iBirani 12:15

Wɛɛ ɛn yɛnɛng, sɔng ɛdɛ mon hyere ɛTaanggbey yegha ne ɛ nang izɛɛng ngge ɛduu nang. Sɔng ɛdɛ mon yɛk irway ivebhe ne ifɛ yaa hɔn ifɛ yɛɛs ne ishisim, ifɛ bees ninyi na gbom mo nang.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.

2 ɛBiturus 2:2

Ninyi gbom sɛ ne roos ihywel ikpɛɛ nibhɛ da ne ifɛ so ivaa ne ishwɛɛ ne phok yɛnɛng nikɔn ne yɔm ncwa. Sɛ ne lenɛ ne ibol nibhɛ de ɛbyin ninyi na bol ivol ikpɛɛ daa ne ɛnkiinɛ ne itin no.

Nikɔn ne kɛ Phaal 13:14

iHywɛ ne luk ninyi ɛzay ya lenɛ nɛ nikɔn ne kparat ta ne kɛ nang ihywɛ ɛnkiinɛ yɛ ihywɛ mɔn ɛnu ɛyisɛ ne inyam ɛyisɛ de. iHywɛ ne yaak ninyi na wu tɛ nibhɛ ryɔng izazurum te i nang inyam ɛyisɛ de ne ndiinday. iNyam be ne kaa phok ihywɛ ikpom ba ihywɛ jung shɛɛ ɛken na.

Nikɔn ne kɛ Phaal 13:3

iDɛ ito ne inyam mɛdee nggyɛ wo ne so te kɛ phok iphɛ ikpom gbom ne ifɛ sɛ yɛɛ ne phoo ihywɛ, inyuu yɛ kɛ ne ku bel. iNyam mɛdee nggyɛ wo ne kpuru ihywɛɛ ninyi ɛzay ya gbik, ne sɛ nibhɛ kɛ yaang ɛkɔn ne kparat tɛghaa nggyɛ wo, nibhɛ kpuru en nibhɛ roos ihywɛ.