2 ɛTimɔti 2:12 - ɛWee ne ìTsɛm iHywas

¹² Wu njwɛɛn kɛ ne rop iku, njwɛɛn sɛ ne re igbɔm ne ɛbhɛ. Wu njwɛɛn kɛ ne yɔng wu hang i yɛɛ ɛbhɛ, ɛ sɛ ne ma yɔng wu hang i yɛɛ njwɛɛn.

2 ɛTimɔti 2:12 Iomraidhean Croise

ɛMacu 10:33

ɛHiha ɛnyi ne ɛ kɛ ne re ishamas nge de ɛnu ɛyisɛ ninyi na, nzɛ ne ma bhɛ re ishamas ɛbhɛ ɛnu ɛyisɛ ɛKyɛɛ nge gha daa ne irywa wo.

ɛMacu 26:35

ɛBiturus sa ne yaak ɛYɛso yegha, “Sɛɛ kyi yɔng yaa phoo me te igyɛ wo, sɔng naa ne mɔn ɛlɛ wo nang.” Gbik ninɔn ne icwam ma ne ma bol ɛlɛy.

ɛMacu 26:75

ɛBiturus sa ne ji shii taate ne ibol de ne ɛYɛso gha kɛ mɔng ɛbhɛ, ɛ yɔngɔ, “Aa bhɛ re ishamas wu hang ɛ yɛɛ mo wo ɛtat nyɛɛn, ɛrom kyii tɛpeey.” ɛBiturus sa ne wuru ne izay ɛbhɛ san gbom.

ɛMarakus 10:33

“Njwɛɛn phɛɛs daa ne iYɛrushɛlɛm de nang. Yaa ne bhɛ nang me, mee ɛNgɔn ɛNyi gha ndɔ ne iwɔ ne nindiinday nibo ɛTaanggbey gbik nɛ ninaa ne kpɛl ɛShara. Nibhɛ ne bol me ɛshara nibhɛ yɔng wu te phoo me. Nibhɛ ne ji nang me ndɔ ne iwɔ ninaa ne hame nibhɛ so niYahodawa.

ɛMarakus 8:38

ɛHiha ɛnyi ne kɛ phok ncwa nge ne ncwa ne ibol nge de ndɔ ne izam ne ɛfɔt tɛdee wo nɛ nibhɛ doo ɛTaanggbey yegha, mee ne ɛngɔn ɛnyi wo n nzɛ ne ma phok ncwa ɛbhɛ nten de ne nggɛ bhɛ kyii, nɛ niMalɛka ɛTaanggbey ya nibhɛ kɛ tul en kang ngo ndɔ ne igbom ɛKyɛɛ nge da.”

ɛLuka 12:9

Ninaa nɛ nibhɛ kɛ ne wuru kpas nibhɛ mbaray me wo, ɛNgɔn ɛNyi gha sɛ ne ma mbaray nibhɛ ɛnu ɛyisɛ nimalɛka ɛTaanggbey ya.”

ɛLuka 22:29

Nzi ne naas nyini igbɔm ba ɛli ne ɛKyɛɛ nge gha kɛ ma nang me wo.

ɛLuka 22:30

Ɛ sɛ re ɛn ɛ ta sɔ ɛn ɛlɔ ne re ire nge gha daa ne igbɔm da, ɛ sooset ɛn nilɔ ne soos ne igbɔm ɛ bol itaang nzuwubɔ ne iphɛ ifaa niSɛrɛla de ɛshara.

ɛLuka 9:26

ɛNyi gha ne ɛ kɛ ne phok ncwa nge, ne ncwa ne ibol nge de; ɛNgɔn ɛNyi gha sɛ ne ma phok ncwa ɛbhɛ, nten de ne ɛ sɛ bhɛ kyii ndɔ ndiinday ɛbhɛ de, ne idee ɛKyɛɛ de gbik ne idee niMalɛka ɛTaanggbey de.

ɛTomɛ 14:22

Nibhɛ ne kpɛng ninaa ne roos sa nibhɛ te nibhɛ itsɔngɔl gɛgɛy wu tɛ nibhɛ ma boos ìnang ne itin de gɛgɛy. Nibhɛ bok nibhɛ, “iPhɛ so sɔ nggbinggbing njwɛɛn sɔ nggbang gbom nyɛɛn njwɛɛn kyi bhɛ lel ne igbɔm ɛTaanggbey ba.”

iRooma 5:17

ɛTsak, kɛ lenɛ ne ɛfɔt ɛnyi ɛdaan no ne ɛ so ɛDɛmu gha, iku de kɛ ne yaa re igbɔm daa ninyi na gbik. Sɔng igbɔm mɛ ne so ɛkɔn nang wu kɛ ten-nɛ ɛkɔn na ne ɛnyi ɛdaan na kɛ ma yɛɛs nɛ wo, ɛbhɛ ɛYɛso ɛKiriti gha. Gbik ninyi na nɛ nibhɛ kɛ ne say ɛgbaang ne izɛɛng ɛTaanggbey yo ne ɛKiriti gha kɛ yɛɛs nɛ wo, ɛTaanggbey ya sɛ ne say nibhɛ wu nibhɛ so cik, sɛ ne lenɛ ne ɛKiriti ghe nibhɛ shɛɛ niken nibhɛ re igbɔm.

iRooma 8:17

ɛLyilyɛghaa wo, wu njwɛɛn ne soye ninɔn ɛTaanggbey ya, njwɛɛn sɛ ne ma sɛ Niwɛng nga ne ɛ sɛ nang ninyi ɛbhɛ na, njwɛɛn sɛ ne ma ta sɛ Niwɛng nga ne ɛTaanggbey ya kɛ tek ɛKiriti yegha nɛ wo. Wu njwɛɛn kɛ sɔ nggbang ngga gbik ne ɛKiriti gha, sɛ ne ma ta bak njwɛɛn ndiinday ɛbhɛ de.

iFilibi 1:28

Sɔng ˆɛ phok ɛn ɛnik ninaa ne iphup mon na nang, yang kyinak ɛn ne irway nviit. ɛBɛ wo kɛ tɔɔrek ncɛncɛng wu nibhɛ ne sɛ bees so, i ji phɔt nyini wo daa ɛli ne ɛTaanggbey ya ɛbhɛ so ɛhaa ne nang ɛwɛng nga.

1 ɛTimɔti 5:8

Gbik ɛnyi gha ne ɛ kɛ sang nang icwaang ɛbhɛ wo ɛkɔn, yang ji so ninaa ne ijwee ɛbhɛ na, ɛ kɛ ne ton ìnang ne itin ɛbhɛ de. Ne ɛ phyin ɛnyi gha ne ɛ sang so ɛhaa ne roos sa ne ibebhe.

ɛYahuza 1:4

Daa ɛli nɛ nidɛng ninyi na sonɛ nɛ nibhɛ kɛ lel ndɔ mon no gying. Sɔng nibhɛ so ɛli ne ɛTaanggbey ya i sim mo nang. Nibhɛ kɛ misi izɛɛng ɛTaanggbey de iphɛ teye ɛnkiinɛ ne roos ihyop igywebhe ne ibek, nibhɛ ishamas ɛYɛso ɛKiriti yegha ne ɛbhɛ ɛ soye ɛndiinday ya gbik ne ɛDaray njwɛɛn na. Kaa ne ku haa ibol ne hyɛ nibhɛ ɛshara ne iku gha ndɔ ne ɛWee ne iBol ɛTaanggbey yo ne ile.

Nikɔn ne kɛ Phaal 1:6

Ɛ kɛ te njwɛɛn njwɛɛn teye ninaa ne re igbɔm, nɛ nibo ninaa ne mɔn ɛtomɛ ɛTaanggbey ne ɛbhɛ ɛ soye ɛKyɛɛ ɛbhɛ. iPhɛ ɛlɛy, te ne yɔng ɛYɛso ɛKiriti gha bok ndiinday ne igbɔm ne ishay-ishay. Ɛɛy.

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

Nikɔn ne kɛ Phaal 20:4

ɛTsim mɛ ɛlɛy ne n yaang nicuruu ne igbɔm nɛ ninyi kɛ sooset nɛ, kɛ nang nibhɛ ito ne bol ɛshara. Ne n da yaang ikpen ninyi da ne kaa phobho nibhɛ ɛlɔ ne ishɛɛda de nɛ nibhɛ nang daa ɛYɛso gha, ne bol ɛTaanggbey de. Sɔng nibhɛ kaa re inyam igywebhe de ntsong nang, sɔng nibhɛ ne say ɛlamba ne ihywɛ gha ne icwiri nibhɛ nang, sɔng nibhɛ ne say ne ibɔ nibhɛ nang. Nibhɛ kaa kyi ta shɛɛ niken nibhɛ re igbɔm ne ɛKiriti gha ishay ɛnom ɛdaan.

Nikɔn ne kɛ Phaal 20:6

Ninaa ɛwɛng ngaa nggyɛy, nɛ ninaa ne kɛ tul kang, nɛ nibhɛ sɛ́ so ndɔ ne yilitsik ɛyisɛ da. Sɔng iku ne ifaa de sɛ bok ihwet daa nibhɛ nang. Nibhɛ sɛ yang tes en nibo ɛTaanggbey nɛ ninaa ɛKiriti, nibhɛ re igbɔm ne ɛbhɛ ishay ɛnom ɛdaan.

Nikɔn ne kɛ Phaal 3:10

Daa ɛli ne ɛ kɛ bo ɛbɔk ka ɛ hyep ibol nge de, nzɛ ne ma hyep pɛ nten ne nggbang ngɛdee nggyɛ wo ne mpɛ sɛ yɛɛs ninaa ɛzay ya gbik ko te phɔwɔ nibhɛ wo.

Nikɔn ne kɛ Phaal 3:21

Gbik ɛnyi gha ne ɛ kɛ re ɛwɛng ndɔ ne itsom mɛdee wo, nzɛ ne nang ɛbhɛ ɛnkiinɛ ɛ soos ne mee ɛcuruu ne igbɔm nge gha te ɛli ne nggɛ ma re ɛwɛng nga nggɛ soos ne ɛKyɛɛ nge gha ɛcuruu ne igbɔm ɛbhɛ gha.

Nikɔn ne kɛ Phaal 3:8

Nzi yɛɛ nikɔn na ne ɛɛ mɔn no gbik. Nzi yɛɛ ihwet mo da so ncɛt, gbik ne iphɛ ɛlɛy ɛ kɛ roos imɛmɛ nge da gbik, sɔng ɛ kɛ ton irywɛɛk nge wo nang. Nggɛ ne phaal ɛnu ne izuk ɛnu ɛyisɛ mo ne hame ɛnyi ya yɛɛ ne gangke yɛ.

Nikɔn ne kɛ Phaal 5:10

ˆƐ kɛ yɛk ngɛ nibhɛ teye ninaa ne re igbɔm nɛ nibo, te nibhɛ mɔn ɛTaanggbey ye ɛtomɛ, nibhɛ ta re igbɔm ɛzay.”