2 ɛTimɔti 1:3 - ɛWee ne ìTsɛm iHywas

³ N bok irway ihwala ne ɛTaanggbey ɛhaa ne nzi mɔn ɛbhɛ ɛtomɛ gha ɛli nɛ nikyɛɛ-nikyɛɛ nge kɛ mɔn, izɔlɔs ne irway nge ne so tɔrɔk. Nzi tas ne igyɛ ne igbey ne ɛtuk gbik nten de ne nzi bol ne ɛTaanggbey ya.

2 ɛTimɔti 1:3 Iomraidhean Croise

ɛLuka 2:37

Ne ɛ shɛɛ ne ɛkusang ngge, ɛbhɛ hɔn ishay nzuwubɔ ɛnaras ne iphɛ nwaas, ɛɛ re ɛTaanggbey ye ntsong cɛcɛɛy. Sɔng ɛ kaa ne i hosop bhe ne iDeng ngge nang, ɛ kaa ku i roro ne ɛTaanggbey ya cɛcɛɛy, ɛ kuma.

ɛTomɛ 22:3

“Nzo ɛnyi niYahodawa, kɛ yɛk me ɛgarang ne iTaasus ne ɛ so ne ivel ne iSilisiya. Nggɛ ne hɔn ɛgarang ngɛghaa bɛ wo. ɛGamaniyɛl ɛbhɛ ne ɛ so ɛkyɛɛ ne icwam nge, ɛbhɛ mɛmɛ me ne ɛShara nikyɛɛ njwɛɛn na gbik, nggaa ne ma so ɛhaa ne ɛ bok irway ne roos ibol ɛTaanggbey yede ɛli ne gbik mon no ɛ bok izenge wo.

ɛTomɛ 23:1

ɛBulus sa ne sit itɔrɔng ngge ne irwisɛ, ne ɛ yɔngɔ, “Nigwaa nge niSɛrɛla, izɔlɔs ne irway nge so byirik daa ɛTaanggbey ya ne nggɛ mɔn no, sɔng nzi to irway izenge wo ɛlɛ daa ɛtomɛ gha ne nggɛ mɔn no nang.”

ɛTomɛ 24:14

ɛKɔn ɛdaan ne nzi yɛɛ zɔng, ɛbhɛ ghaa ɛlɛ, nzi re ɛTaanggbey nikyɛɛ-nikyɛɛ mos ntsong ne Nkiinɛ yɛwoo wo nɛ nibhɛ bo wu ninyi yɛ so ‘ɛGuu ninaa ne irywɛɛk ka.’ Nggɛ nang ne itin nɛ ne ɛShara ɛMuusaa gha gbik nɛ nikɔn na nɛ ninabawa na kɛ haa wo.

ɛTomɛ 24:16

iPhɛ phɛ kɛ ne te nzi kyangas me nɛ te n yaang izɔlɔs ne irway so byirik, ɛnu ɛyisɛ ɛTaanggbey ya gbik nɛ niten nisii.”

ɛTomɛ 26:4

niYahodawa na gbik, nibhɛ yɛɛ ihywee ne ihywel da ne nggɛ hyel ɛli ne nggɛ tɔ ne ifas nge. Nibhɛ yɛɛ me ɛli ne nggɛ shɛɛ ɛgarang nge gha, nibhɛ ne ta yɛɛ ɛli nggɛ shɛɛ ne iYɛrushɛlɛm be.

ɛTomɛ 27:23

Ne ɛtuk ɛdɛ ɛmalɛka ɛTaanggbey ya ne nzi mɔn ɛbhɛ ɛtomɛ, nzi ta re ɛbhɛ ntsong kɛ yɛɛs ɛlɔ nge.

iRooma 9:1

Nzi tɔng itin nɛ ndɔ ɛKiriti, sɔng irywɛɛk ne nzi tɔng nang. Ndɔ ne icwas ne irway nge nzi yɛɛ iphɛ ɛlɛy ɛli ne iKabyik ɛTaanggbey kɛ ne ma tɔɔrek iphɛ ɛlɛy.

2 iKɔrɔntos 1:12

Njwii lɛng ɛgyɛy daa ɛli ne icwas ne irway mos kɛ tɔɔrek wu njwi kɛ shɛɛ ishwɛɛ kang, ne irway mos ijwaan ndɔ ɛzay ya. Yang ji so ndɔ ne ishwɛɛ da ne njwi kɛ shɛɛ ne nyinɛn no. Naa yɔng njwi kɛ mɔn ɛlɛ wo ndɔ ne itin nɛ te ɛTaanggbey lenɛ ne izɛɛng ɛTaanggbey de, sɔng ne ntsɛntsɛng ɛzay yɛdee nang.

iGalatiya 1:14

Ɛ ta yɛɛ ɛn ɛli ne mee nggaa some ɛhaa ɛyisɛ yɛ ndɔ nitaay nge na daa ne ibol ne roos ikpii niYahodawa da, n da bok irway ne roos ikpii nikyɛɛ nikyɛɛ mos da.

iFisus 1:16

sɔng nggɛ ne kɔɔng me naas ɛTaanggbey ye irway ihwala daa mon no nang. Nzi tas ne nyinɛn gbik nten de ne nzi bol ne ɛTaanggbey ya.

1 iTasɔlɔnika 3:10

Ne ɛtuk ne igbey njwi kyangas nɛ njwi bol ne ɛTaanggbey ya, te njwi sɛ njwi yaang nyini irwisɛ ne irwisɛ, te njwi shwaak ɛkɔn na ne ɛ so byit ndɔ ne ìnang ne itin mon de.

1 ɛTimɔti 1:19

ɛ bok ìnang ne itin mo de gɛy ɛ tenes izɔlɔs ne irway iywɛnɛng mo. Nidɛng ninyi na kɛ mbaray tang tenes izɔlɔs ne irway nibhɛ da, ìnang ne itin nibhɛ da kɛ ne bees se.

1 ɛTimɔti 1:5

ɛKɔn na ne kɛ cwaak ɛyisɛ ndɔ ne ibol lɛdee wo so ishwim, ivaa ne ifɛ le ndɔ ne irway iwɛwɛy, ne izɔlɔs ne irway iywɛnɛng gbik ne ìnang ne itin ne itin.

1 ɛTimɔti 5:5

ɛKusang nga ne ɛ sang ɛhaa ne iphyik ka i ne sit irwisɛ daa ɛTaanggbey, ɛ bol ne ɛTaanggbey ya ne igbey ne ɛtuk, te ɛTaanggbey ya phyik ɛbhɛ.

2 ɛTimɔti 1:5

Nggɛ taate ne ìnang ne itin mo da ne iphɛ so idee ne itin nɛ wo, ne iphɛ kaa tsa iphɛ so ndɔ ɛgyinɛ-ɛgyinɛ mo ɛLoos sa, ɛgyinɛ mo ɛYunis sa ta bok ko. Ngge ne nang ne itin nɛ ˆɛ ma bok iphɛ ɛlyilyɛghaa wo.

2 ɛTimɔti 3:15

Taate nɛ ɛli ɛ ku yɛɛ iBol ɛTaanggbey de ne ile ne ɛngɔn mo de. ɛWee ne iBol ɛTaanggbey ne ɛbhɛ yɛɛ ne teyɛ ɛ te ntsɛntsɛng, ɛbhɛ hyel ne nggyɛ ndɔ ne ɛnkiinɛ ne sɛ iphɔrɔt da lenɛ ne ìnang ne itin de ndɔ ɛYɛso ɛKiriti gha.

iBirani 13:8

Sɔng ɛYɛso ɛKiriti gha i sunuuy nang. ɛLi ne ɛ kɛ so ne ɛryɛ, ɛlɛy ne ɛ so izenge, ɛlɛy ne aa ne ku i shɛɛ ishay-ishay.