1 ɛBiturus 4:2 - ɛWee ne ìTsɛm iHywas

² iPhɛ ɛlɛy, nggbinggbing ɛ yaa shɛɛ ɛbyin ne ishwɛɛ ɛbhɛ gha ndɔ ɛzay yɛghaa wo ɛɛ roos ɛkɔn na ne ɛ so icwas ɛTaanggbey, sɔng ɛkɔn na ibek i sim nang.

1 ɛBiturus 4:2 Iomraidhean Croise

ɛMacu 12:50

Daa ɛli ne ɛhiha ɛnyi ne ɛ mɔn ɛkɔn na ne ɛKyɛɛ nge ɛdaa ne irywa gha sim mo, ɛbhɛ ne ɛ so ɛgwaa nge ɛras sa, ne ɛgwaa nge ɛkuk ka, ne ɛgyinɛ nge gha.”

ɛMacu 20:4

Ne ɛ yaak nibhɛ, ‘Ma cwi ɛn te ɛbhɛ mɔn ɛn ɛtomɛ gha ne ihwap ɛnap nge da, naa ne tal nyini ɛkɔn na ne ɛ kɛ jam mɛ.’

ɛMacu 21:31

“ɛYaphɛɛ yɛ ndɔ ninɔn ifaa yɛnaa wo ɛbhɛ kɛ mɔn ɛkɔn na ne ɛkyɛɛ gha sim me? “Nibhɛ ne yaak ɛYɛso yegha, ‘ɛKɔɔn na.’ “ɛYɛso gha ne yaak nibhɛ nzi tɔng nyini itin nɛ, ninaa ne saasel ijam ne ivel nɛ nikuk ne re shwaa na sɛ bhɛ leesel ne igbɔm ɛTaanggbey da ɛyisɛ mon.

ɛMacu 7:21

“Sɔng gbik ɛnyi gha ne ɛ ma shii yeres me, ‘ɛDaray, ɛDaray’ ya sɛ bhɛ lel daa ne igbɔm ɛdaa ne irywa da nang, yang so ɛnyi gha ne ɛ kɛ mɔn ɛkɔn na ne ɛKyɛɛ nge ɛdaa ne irywa gha i sim.

ɛMarakus 3:35

ɛHiha ɛnyi ne ɛ kɛ mɔn ɛkɔn na ne ɛTaanggbey ya sim, ɛbhɛ so ɛgwaa nge ɛras sa ne ɛgwaa nge ɛkuk ka. Ɛbhɛ ne ɛ ta so ɛgyinɛ nge gha dɔng.

ɛMarakus 7:21

Ndɔ ne ikok ɛnyi de ne icwas ivebhe ba le ifɛ wuru. iCwas ne nzangas, ɛyi, irway ne phoo ɛnyi, tɔk nikuk,

ɛYohana 1:13

Sɔng i bo nibhɛ kaa tes se ninɔn ɛTaanggbey ya wu nibhɛ soye neyi ɛbhɛ nang, sɔng kaa yɛk nibhɛ ɛli ne ɛras i shɛɛ ne ɛkuk ɛbhɛ nibhɛ ji yɛk ɛngɔn nang. ɛTaanggbey ya ne ito ɛbhɛ, ɛbhɛ kaa yɛk ngɛ nibhɛ teye ninɔn ɛbhɛ na.

ɛYohana 7:17

ɛHiha ɛnyi ne ɛ kasa aa mɔn ɛkɔn na ne ɛTaanggbey ye sim mo, aa ne seng, hang nzi mɛmɛ ninyi na ne ɛkɔn na ne ɛ le daa ɛlɔ ɛTaanggbey yɔɔ, hang nzi yung mɛmɛ nibhɛ ɛhaa ne ito nge yɔɔ.

iRooma 12:2

Sɔng ɛ tek ɛn icwas mon da te ɛli icwas ninaa ɛzay yɛnaa wo so wo nang, yang tek ɛn te ɛTaanggbey yegha sunu icwas mon da gbik, ɛ te icwas mon da teye ifas sɛ, aa ne ji yɛɛ ne seng ɛn ɛkɔn na ne ɛTaanggbey ya i sim mo, ne ɛkɔn na so ɛyɛnɛng ngɛ wo ne ɛhaa ne ɛ so hyɔrɔ wo.

iRooma 14:7

Sɔng ɛnyi sonɛ ndɔ njwɛɛn no ne ishwɛɛ ɛken ɛbhɛ da soye ivaa ne ito ɛbhɛ zɔng nang, sɔng ɛnyi ne sonɛ ne iku ɛbhɛ de soye idee ɛbhɛ zɔng nang.

iRooma 6:11

ɛLɛy ne mang, nɛ ma bo ɛn ito mon de te ikom ne kɛ hosop iphɛ ne iken daa ne ihwet ne ɛfɔt da, kaabi ɛlɛy ne ɛ so ɛn niken ndɔ ɛTaanggbey lenɛ ne ɛYɛso ɛKiriti.

iRooma 6:2

Kwa! Kɛ hosop njwɛɛn ne ɛfɔt to te ɛli ne kɛ hosop ikom ne iken, yaa ne ta mɔn ɛli njwɛɛn tɔɔ shɛɛ niken na nɛ ndɔ yɛwoo?

iRooma 7:4

Nigwaa en, kɛ ne ten ibol lɛdee wo ne nyinɛn. iKu ɛKiriti de daa ne ihon no kɛ te ˆɛ kɛ ku ɛn daa ne ihwet ɛshara da. Sɔng ɛshara gha ne tɔ ne ihwet daa nyinɛn no nang, ɛshara so te ˆɛ kyii ɛn ne iwɔ ɛhak ɛnyi, ɛnyi gha ne kɛ yiisik ɛbhɛ tsik ndɔ ne ikpuu da. Te ˆɛ kyii ɛn ndɔ iwɔ ɛbhɛ wo ˆɛ mɔn ɛn ɛTaanggbey ye ɛtomɛ ne aa nang ikpam iywɛnɛng ndɔ ne ihywel mon da.

2 iKɔrɔntos 5:15

ɛKiriti gha kɛ ne ku ɛlɔ ninyi na gbik, te gbik ninaa nɛ nibhɛ bok iken de, sɔng nibhɛ tɔ shɛɛ ishwɛɛ ne ito nibhɛ nang, tɛ nibhɛ yang yaa shɛɛ ishwɛɛ ɛKiriti da ne ɛ kɛ ku ɛlɔ nibhɛ gha kyii ta yiisik ɛbhɛ ɛlɔ nibhɛ gha.

iFisus 2:3

Njwɛɛn gbik kaa tsa so tɛ nibhɛ wo. Njwɛɛn kaa i roos ihyop igywebhe ne ibek njwɛɛn nɛ, i roos ɛkɔn na ne ibek ge ne irway i shɔk njwɛɛn te mɔn zɔng. Njwɛɛn kaa ne teye ɛkɔn ne baasek ɛTaanggbey ye njenjek, iphɛ ne te nggbinggbing njenjek ɛTaanggbey de ho daa njwɛɛn te ɛbyin ninyi ɛzay ya.

iFisus 4:17

iPhɛ ɛlɛy, nzi ne tɔng nyini, nzi kpɛng nyini ndɔ ne irywɛɛk ɛDaray, sɔng ˆɛ tɔ shɛɛ ɛn tɛ ninaa nɛ nibhɛ doo ɛTaanggbey yegha ne icwas nibhɛ da so icwas ɛbuu da nang.

iFisus 5:17

iPhɛ ɛlɛy, sɔng ˆɛ te ɛn nyini niwamang nang, yang seng ɛn ɛkɔn na ne ɛ so icwas ɛDaray da.

iFisus 6:6

Sɔng ˆɛ mon ɛn ɛtomɛ gha nten de nɛ nibhɛ sonɛ wo, wu tɛ nibhɛ ji ton nyini wo nang. Yang mɔn ɛn ɛkɔn na ne ɛTaanggbey i sim ne irway mon ijwaan daa ɛli ne ˆɛ so ɛn nikpuru ɛKiriti na.

iKɔlɔsi 1:9

iPhɛ phɛ kɛ te, kaa sɛ ɛtuk ka ne njwi kɛ phok ibol mon de, sɔng njwi kɛ ne kɔɔng nge i bol ne ɛTaanggbey ya ɛlɔ mon na nang. Njwii roro ne ɛTaanggbey ya wu te ɛ yɛk nyini ne ntsɛntsɛng ne iKabyik ɛbhɛ hyɔrɔ, te iphɛ te ˆɛ seng ɛn ɛkɔn na ne ɛ sim.

iKɔlɔsi 3:3

Daa ɛli ne ˆɛ kɛ ku ku ɛn, kɛ ne rɛɛ iken mon de ne ɛKiriti gha ndɔ ɛTaanggbey.

iKɔlɔsi 4:12

ɛPafaras ne ɛ so ɛdaan ndɔ mon, ɛ ta soye ɛkpuru ɛYɛso ɛKiriti gha i kyiisi nyini. Ɛ kyangase ne bol ne ɛTaanggbey ya gbom ɛlɔ mon na te ɛ kyinak ɛn gɛgɛy ndɔ ne ìnang ne itin mon de, ɛ te ɛn hyɔrɔ ndɔ nikɔn na ne ɛTaanggbey ya sim gbik, wɛlɛng ito irway.

1 iTasɔlɔnika 5:18

Nang ɛn ɛTaanggbey yegha irway ihwala ndɔ nikɔn na gbik, daa ɛli ne ɛbɛ wo ne ɛTaanggbey ya i sim ɛlɔ mon ndɔ ne ishwɛɛ ne ìtsɛm mon de ne ɛYɛso ɛKiriti gha.

iBirani 13:21

Nzi ne roro ne ɛTaanggbey ya te ɛ te nyini hyɔrɔ nɛ nikɔn niyɛnɛng gbik te ˆɛ mɔn ɛn ɛkɔn na ne ɛɛ sim. Nzi roro ne ɛTaanggbey te ɛ ku i mɔn ɛtomɛ ndɔ mon no lenɛ ne ɛYɛso ɛKiriti gha ne aa nang ɛbhɛ irway ihwala. Te ne nang ɛYɛso ɛKiriti yegha ne ndiinday idee ne ishay-ishay! Ɛɛy.

ɛYakub 1:18

Kɛ lenɛ ne icwas ɛTaanggbey da, ne nang njwɛɛn iken lenɛ ne ibol ɛbhɛ ne iphɛ so itin nɛ, te njwɛɛn teye ninaa ɛyisɛ yɛ ndɔ nikɔn na ne kɛ ryɔng ngo.

1 ɛBiturus 1:14

ɛLyilyɛghaa wo ne ɛ kɛ te ɛn nyini ninɔn ɛTaanggbey ya, ne ɛ roos ibol ɛbhɛ de, sɔng ne ɛ sim ɛn nikɔn na ne ɛ kaa bok ɛn ihyop pɛ ne ile de ta bo ihywɛɛ mon de nang. Nzo ɛ kaa so ɛn ndɔ gbyik nten nɛdee nggyɛ wo.

1 ɛBiturus 2:1

iPhɛ ɛlɛy, ne ɛ hosop ɛn nyini ne ibebhe de, ne irywɛɛk ga, ne iluk ga, ne waa irway da, gbik ne ivol ikpɛɛ da.

1 ɛYohana 2:17

ɛZay ya ne ihyop igywebhe nikɔn ɛzay de gbik i phebhe, gbik ne iphɛ ɛlɛy, ɛnyi gha ne ɛ ne mɔn ɛkɔn na ne aa nang ɛTaanggbey yegha irway ihwala, ɛ sɛ ne shɛɛ ishwɛɛ ne inat.