1 ɛBiturus 2:1 - ɛWee ne ìTsɛm iHywas

¹ iPhɛ ɛlɛy, ne ɛ hosop ɛn nyini ne ibebhe de, ne irywɛɛk ga, ne iluk ga, ne waa irway da, gbik ne ivol ikpɛɛ da.

1 ɛBiturus 2:1 Iomraidhean Croise

ɛMacu 15:7

Nyinɛn no ne ɛ so ɛn niluk ka! iBol ɛShaa de kaa so itin nɛ ne ɛ kaa boote daa ne ito mon de ɛ yɔngɔ,

ɛMacu 23:28

ɛLɛy ne ɛ so ɛn, ɛ wɛɛ yɛnɛng gɔɔ ne izay te ɛ kɛ jam ɛn, ndɔ ne irway mon de ne so hyɔrɔ ne iluk gbik nɛ nitomɛ nibebhe.

ɛMacu 24:51

ɛKyɛɛ ne ijwee ɛkpuru yɛghaa nggyɛ wo sɛ ne bak ɛbhɛ nggbang gbom, ɛ cwaak ɛbhɛ ɛlɔ gha ne ku kɛ tek niluk ghe nɛ. ɛNggyɛ wo ne ɛ sɛ bhɛ san ɛ re izinɛ.

ɛMacu 7:5

iGyɛ wo ne ɛ soyɛ ɛluk ka, yang tsa ɛ tul ngguk ne ihon ndɔ ne irisɛ mo de, aa ne ji wɛɛ ywɛywɛy ɛ ji yaang ɛli ne aa tul ɛnkɔlɔng ne irisɛ ɛgwaa mo de.

ɛMarakus 12:15

Njwii tal ijam ne ivel dee? Hang njwi shɛɛ tang tal!” ɛYɛso gha kaa ne ku yɛɛ iluk nibhɛ de. iPhɛ ɛlɛy yang ne ɛ yaak nibhɛ, “iKyee iphɛ kɛ te ɛ ten ɛn mɛɛn noo? Nang ɛn mɛɛn idinari idaan ɛbɛ n yung yaang.”

ɛLuka 11:44

ɛKɔn ne ɛnik, nyinɛn niFarisawa wo, daa ɛli ne ˆɛ so ɛn te ikpuu nɛ ninyi hyel lɛ nibhɛ ne sang jii yɛɛ te ikpuu.

ɛLuka 12:1

Kɛ ne sɛ idira ninyi de kɛ tumɛy gbom, nibhɛ phyii en, ɛYɛso gha ne tsa ɛ boote nɛ ninɔn ne icwam ɛbhɛ na, ɛ yaak nibhɛ, “Wɛɛ ɛn nyini yɛnɛng daa ne iyis niFarisawa de ne iphɛ so iluk ga.

ɛLuka 6:42

Aa mɔn ɛlii ɛ yaak ɛgwaa mo gha, “Yɛɛs te n tul lɛ ɛnkɔlɔng ne irisɛ mo wo,” ɛ ji sang yaang ngguk ne ihon de ne iphɛ so yɛ ndɔ ne irisɛ mo dee? iGyɛ wo ne ɛ soyɛ ɛluk ka, yang tsa ɛ tul ngguk ne ihon de ne irisɛ mo de nyɛɛn, aa ne ji wɛɛ yɛnɛng ɛ tul ɛnkɔlɔng ne irisɛ ɛgwaa mo de.

ɛYohana 1:47

Kɛ ne sɛ ɛYɛso gha yaang ɛNatanyɛl legha ɛ hyel ɛ phɛɛs ɛlɔ ɛbhɛ gha, ne ɛ boote daa ne ito ɛNatanyɛl de ɛ yɔng ngo, “Ji so ɛnyi niSɛrɛla ɛririk kɛghaa ɛ yaaso. Sɔng sɛɛ ji ta rip ɛbhɛ ɛdɛ ɛkɔn nang.”

iRooma 1:29

iRway nibhɛ ba so hyɔrɔ ne yɔm ne icik, ne ibebhe de ihywee-ihywee; ɛnyɛs, ne irisɛ, sim ito. Nibhɛ so hyɔrɔ ne ɛnkyis, ne irway ne phoo ɛnyi, ne irywen, ne iluk gbik ne irway ishwii. Nibhɛ ta bok ivol mumuk,

1 iKɔrɔntos 14:20

Nigwaa en, sɔng ɛ tas ɛn tɛ ninɔn nang, yang te ɛn tɛ ninɔn na ɛlɔ ne mɔn nikɔn nibebhe, te icwas mon da ne ji so ivaa ɛnyi ne ɛ kɛ hɔn.

1 iKɔrɔntos 5:8

iPhɛ ɛlɛy, sɔng njwɛɛn ne ta bo iyis itɛl de njwɛɛn re ne idira njwɛɛn de nang, iyis ne ɛfɔt to ne ibebhe de nang, Te njwɛɛn re idira njwɛɛn de ne ibɛrɛdi de ne iphɛ sang iyis de. Te kaabi icwas iwɛwɛy ne itin.

2 iKɔrɔntos 12:20

N bok ɛnik ɛlɔ ne ya sɛ nggɛ yɛɛs so sɔng na ne sɛ nyini ɛ so ɛn ɛli ne nzi sim nang, sɔng naa ne ma so nyini ɛli ne ɛ sim ɛn nang. N bok ɛnik ɛli ne naa yung i sɛ nidɛng ndɔ mon no nɛ nibhɛ bok ishamas, ne ɛnkyis, ne njenjek, ne sim ito, ne bees ivol, ne ivol mumuk, ne ito ihet, ne ihywel shwalala.

iFisus 4:31

Hosop ɛn nyini ne irway icway da, ne njenjek ge, ne irway njɛt da, ne irywen da, ne ibees ninyi na irywɛɛk ga gbik ne waa irway da.

1 iTasɔlɔnika 2:3

Daa ɛli ne sɔng iben, ne iluk, ne icwas ivebhe so ndɔ ne ibol de ne njwii tɔng nyini wo nang.

1 ɛTimɔti 3:11

ɛLɛy nɛ nikuk ne mɔn ɛtomɛ ne idira ninaa ne roos ne mang, tɛ nibhɛ so ihywɛɛ, sɔng ninaa ne bol ivol ne bees irywɛɛk nang. Tɛ nibhɛ so lyaak, ninaa ne sɛ kyinak daa ne ibol nibhɛ ndɔ nikɔn na gbik.

ɛTitus 2:3

Nɛ ma mɛmɛ nikuk nihelem ma nɛ tɛ nibhɛ shɛɛ ishwɛɛ da ne ifɛ yaa nang ɛTaanggbey ye ne ndiinday, ne ifɛ so kancɛng nɛ nikuk ninaa ne roos sa. Sɔng nibhɛ teye ninaa ne bees ivol nang, sɔng nibhɛ teye nikpuru ne isɔ igbuut nang. Tɛ nibhɛ yang mɛmɛ ninyi na nɛ nikɔn niyɛnɛng.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.

ɛYakub 1:21

iPhɛ ɛlɛy, ne ˆɛ hana ɛn ishwɛɛ ne ishis da ne ibebhe de gbik. Te ɛ say ɛn ibol de ne kɛ tup ndɔ ne irway mon da ne irway lyaak. iBol de ne iphɛ i yɛɛ ne phɔt nyini wo.

ɛYakub 3:14

Wu ˆɛ boos ɛn ɛnkyis sa ne sim ito de ndɔ ne irway mon da, sɔng ne ˆɛ hal ɛn ɛggyɛy wu ˆɛ so ɛn ninyi ne ntsɛntsɛng nang. Wu ˆɛ kɛ mɔn ɛlɛ wo, ˆɛ kɛ ne hyere ɛn itin de iphɛ kɛ teye irywɛɛk.

ɛYakub 4:11

Nigwaa en, sɔng ˆɛ bol ɛn ivol ne bees daa nigwaa nɛ nibhɛ so ninaa ne roos nang. Gbik ɛnyi gha ne ɛ kɛ bol ivol ne bees daa ɛgwaa ɛbhɛ gha, hang ɛ kɛ hyɛ ɛbhɛ ɛshara gha yɔɔ, ɛ kɛ ne bol ivol ne bees daa ne iMɛmɛ ɛMuusaa da, ɛ ta hyɛ imɛmɛ yɛ ɛshara. Wu ˆɛ kɛ ne bol ivol ne bees iMɛmɛ ɛMuusaa da, sɔng ˆɛ kɛ ne roos imɛmɛ yɛ nang, ˆɛ kɛ yang hyɛ imɛmɛ da ɛshara.

ɛYakub 4:5

Hang ˆɛ wɛɛ ɛn te iphɛ so buu ne kɛ haa ndɔ ne ɛWee ne iBol ɛTaanggbey yo i bo, “ɛTaanggbey so hyɔrɔ ne ɛnkyis wu ikabyik ge ne ɛ kɛ yɛk ndɔ njwɛɛn no i sim ɛhak ɛkɔn na naa?”

ɛYakub 5:9

Nigwaa en, tek ɛn ivol mumuk ga ne ɛrɔngɔ i bol daa ɛrɔngɔ gha, daa ɛli ne sɛ yung hyɛ nyini ɛshara. iPhɛ dee ɛhaa ne hyɛ ɛshara gha yek cɛcɛk ne yɛɛs, ɛ ma yung so ɛnu ne izuk.

1 ɛBiturus 2:16

Shɛɛ ɛn ishwɛɛ ne ito mon, sɔng ishwɛɛ ne ito mon da ne kyii te nyini ɛ yaa mɔn ɛn ɛfɔt nang, yang shɛɛ ɛn tɛ nikpuru ɛTaanggbey ya.

1 ɛBiturus 2:22

ɛWee ne iBol ɛTaanggbey yo kɛ boote da ɛKiriti gha ɛbhɛ yɔngɔ, “Sɔng ɛ kɛ mɔn ɛfɔt nang, sɔng kɛ ne ku phok ɛbhɛ ne irywɛɛk nang.”

1 ɛBiturus 3:10

Kɛ haa ndɔ ne ɛWee ne iBol ɛTaanggbey yo i bo, “ɛNyi gha ne ɛ sim aa phok iyɛnɛng ne ishwɛɛ da, ɛnyi gha ne ɛ sim aa yaang nituk niyɛnɛng nga, te ɛ ring ilem ɛbhɛ ne ivol ikpɛɛ ɛ ta ring ɛnu ɛbhɛ ne bol irywɛɛk.

1 ɛBiturus 4:2

iPhɛ ɛlɛy, nggbinggbing ɛ yaa shɛɛ ɛbyin ne ishwɛɛ ɛbhɛ gha ndɔ ɛzay yɛghaa wo ɛɛ roos ɛkɔn na ne ɛ so icwas ɛTaanggbey, sɔng ɛkɔn na ibek i sim nang.

1 ɛBiturus 4:4

ɛLyilyɛghaa wo, nitaay ne ile mon na i ne yaang ɛkɔn ne kparat ne hame ɛ tɔ sim ɛ mɔn ɛn nikɔn nibebhe yɛnaa nggyɛ wo, iphɛ ɛlɛy, nibhɛ ne towos nyini.

Nikɔn ne kɛ Phaal 14:5

Sɔng kɛ ku phok irywɛɛk ɛnu nibhɛ nang, daa ɛli ne hame nibhɛ bok ɛkɔn ne tok.