1 ɛTimɔti 4:4 - ɛWee ne ìTsɛm iHywas

⁴ Daa ɛli ne gbik nikɔn na ne ɛTaanggbey ya kɛ ryɔng ngo kɛ jam, iphɛ ɛlɛy, sɔng ne mbaray ɛdɛ ɛkɔn na nang wu kɛ say ɛbhɛ ne irway ihwala.

1 ɛTimɔti 4:4 Iomraidhean Croise

ɛTomɛ 10:15

iZɔlɔs de ne kyi ta boote ɛhaa ɛphaa yɛ, ihywɛ yaak ɛBiturus segha, “Ɛkɔn na ne ɛTaanggbey ya kɛ te ɛbhɛ wɛwɛy yo, sɔng ne ɛ yɔng wu hang ɛ so wɛwɛy yo nang.”

ɛTomɛ 15:29

Nibhɛ naa ɛlɛ: sɔng ɛ re ɛn ire ne ikpii nang, sɔng ne ɛ re ɛn inwam ne kɛ sang hyɛ nang, sɔng ɛ re ɛn inwam nɛ neyi yɛ nang, sɔng ne ɛ ra ɛn nzangas nang. Wu ɛ kɛ mɔn ɛn nikɔn nɛ na wo, ɛ kɛ mɔn ɛn ɛkɔn na ne ɛ kɛ jam. Shɛɛ ɛn ncaang.’ ”

ɛTomɛ 21:25

Daa ne ibol ninaa ne roos sa ne hame nibhɛ so niYahodawa na nang, njwi kɛ ku haa nibhɛ nɛ, njwi bok nibhɛ wu hang nibhɛ re ire ne kɛ mɔn ne ikpii, wu hang nibhɛ ne re neyi ɛkɔn gbik ne ɛkɔn na ne kɛ sang hyɛ. Njwi ne ta yaak nibhɛ wu hang nibhɛ ra nzangas.”

iRooma 14:14

iShwɛɛ nge da ndɔ ɛDaray ɛYɛso gha kɛ te me nggɛ seng ncɛncɛng, sɔng idɛ ire de sonɛ ne kaa ku ryɔng iphɛ iphɛ so ibebhe yɛ nang. Wu ɛdɛ ɛnyi gha kɛ ne bo ndɔ ne irway ɛbhɛ wu idɛ ire de sonɛ ne iphɛ so ɛbebhe yɛ, iphɛ kɛ ne teye ɛbebhe yɛ ɛlɔ ɛbhɛ.

iRooma 14:20

Sɔng ire de ne te ɛ tobhos ɛtomɛ ɛTaanggbey ya nang. Ɛɛy, gbik ire de kɛ jam, iphɛ ne so ɛkɔn kpɛɛ ɛnyi gha re ɛkɔn na ne aa te ɛhak ɛgwaa ɛbhɛ gha kyibhɛ wo.

iRooma 14:6

ɛNyi gha ne ɛ kɛ bo ɛdɛ ɛtuk ka ɛ phyin ɛbyin nituk kɛwo, ɛ mɔn ɛlɛ wo, te ɛ nang ɛDaray ye ne ndiinday. ɛNyi gha ne ɛ re nikɔn na gbik ko, ɛ mɔn ɛlɛ wo te ɛ nang ɛDaray ye ne ndiinday, daa ɛli ne ɛ tɔɔrek ɛDaray yegha irway ihwala da ne ire de nyɛɛn. ɛNyi gha ne ɛ sang re ɛbyin nikɔn na, ɛ mɔn ɛlɛ wo te ɛ nang ɛDaray ye ne ndiinday daa ɛli ne ɛ ma tɔɔrek ɛDaray yegha irway ihwala.

1 iKɔrɔntos 10:23

“Kɛ sim njwɛɛn nɛ te njwɛɛn mɔn nikɔn na gbik,” sɔng gbik nikɔn na kɛ ne jam njwɛɛn nɛ nang. “Kɛ sim njwɛɛn nɛ te njwɛɛn mɔn nikɔn na gbik,” Sɔng gbik nikɔn na ne ji bok iphyik nang.

1 iKɔrɔntos 10:25

Re ɛn gbik ɛkɔn na ne lɛbhɛl ɛlɔ ne lɛbhɛl inwam ba. Sɔng ɛ phom ɛn nang daa ɛli ne irway mon ya yung yaa to.

1 iKɔrɔntos 10:26

Daa ɛli ne ɛWee ne iBol ɛTaanggbey yo i bo, “ɛZay ya nɛ nikɔn na nɛ nibhɛ sonɛ ndɔ yɛwo gbik nibhɛ so ninaa ɛDaray.”

1 iKɔrɔntos 10:30

Wu nggɛ ne nang ɛTaanggbey yegha irway ihwala daa ne ire de ne nggɛ re wo, ikyee phɛ aa ne te i yɔng wu nggɛ mɔn ɛkɔn ɛkpɛɛ gha daa ɛkɔn na ne nggɛ nang ɛTaanggbey yegha ne irway ihwala daa?”

1 ɛTimɔti 4:3

iHywee ninyi yɛdee nggyɛ wo sɛ yɛk ngɛ i ring ne robhos niwɛrɛ. Nibhɛ ta yɛk ngɛ wu hang i re idɛ ihywee ne irwye da dɔng. iPhɛ dee ɛTaanggbey ɛbhɛ kɛ ne ryɔng irwye da gbik tɛ ninyi na nɛ nibhɛ kɛ nang ne itin nɛ wo nibhɛ ta yɛɛ itin de say iphɛ ne irway ihwala.