1 ɛTimɔti 4:2 - ɛWee ne ìTsɛm iHywas

² iHywee ne imɛmɛ yɛdaa nggyɛ wo sɛ le ɛlɔ ninyi nɛ nibhɛ soye niluk, ninaa ne wul irywɛɛk. Ninyi ne izɔlɔs ne irway nibhɛ kɛ ku, ihywɛ kɛ te ngkit te ɛkɔn ne kɛ wɔɔ ne igyɔs kpikpiy.

1 ɛTimɔti 4:2 Iomraidhean Croise

ɛMacu 24:24

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

ɛMacu 7:15

“Wɛɛ ɛn nyini yɛnɛng ɛlɔ ninabawa ne irywɛɛk ka. Nibhɛ yɛɛset ɛlɔ mon na te ntsabhak, ɛlɛy ndɔ nibhɛ, nibhɛ ne so tɛ nibabu ne izaram nɛ nibhɛ.

ɛTomɛ 20:30

Ndɔ mon no ne mang, sɛ ne ma sɛ nidɛng nɛ nibhɛ sɛ wuru nibhɛ tusup itin de, tɛ nibhɛ sɛ nibhɛ hɔ ihywɛɛ ninaa ne roos de ɛlɔ nibhɛ.

iRooma 1:28

Daa ɛli nɛ nibhɛ kɛ mbaray tang hyel ihywel da nɛ nibhɛ yɛɛ daa ɛTaanggbey ya, ɛTaanggbey ya kɛ ne tek nibhɛ, nibhɛ yɛk icwas ivebhe te ifɛ te nibhɛ, nibhɛ mɔn nikɔn na ne hame nibhɛ kɛ jam nibhɛ sɛ mɔn.

iRooma 16:18

Daa ɛli ne sɔng ihywee ninyi yɛdee nggyɛ wo i mɔn ɛDaray ɛKiriti ye ɛtomɛ nang, iphul nibhɛ zɔng nɛ nibhɛ tɔk iphɛ nɛ. I lenɛ ne ɛnu ɛbel nibhɛ gbik ne iluk, nibhɛ ne luk ninyi na ne icwas nibhɛ sang so kyukyum.

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

iFisus 4:19

Sɔng nibhɛ tɔ ne ncwa nang. Nibhɛ kɛ nang irway nibhɛ gbik ndɔ nzangas, nibhɛ has irway tɛ nibhɛ sɛ i mɔn nikɔn ne ishis kang-ka-kang.

2 ɛTimɔti 3:5

Nibhɛ sɛ tɔɔsel kpas tɛ nibhɛ soye ninaa ɛTaanggbey nibhɛ ne kyii mbaray ihwet da ne ifɛ yaa phyik nibhɛ ne roos ɛTaanggbey yegha byirik. Sɔng ɛkɔn byinki yɛnɛ ninyi yɛnaa nggyɛ wo nang.

Nikɔn ne kɛ Phaal 16:14

iKpabyik ivebhe yɛdaa nggyɛ wo so ikpabyik niphoo ne ifɛ tɔɔsel nyu nikɔn ne kparat. iFɛ ne wuru ifɛ phɛ ɛlɔ nigɔm ɛzay ya gbik te ifɛ bhɛ tumɛ nibhɛ ɛlɔ ne itsom ɛgbaang ɛtuk ɛTaanggbey ne iTo Gbik.