1 ɛTimɔti 4:1 - ɛWee ne ìTsɛm iHywas

¹ iKabyik ge kɛ ku mɔng wɛsɛrɛk wu sɛ́ sɛ nten ɛtsim be, nidɛng ninyi na sɛ ne hana ìnang ne itin nibhɛ de nibhɛ roos ikpabyik ne wul irywɛɛk gbik nɛ nikɔn na nɛ niphoo i mɛmɛ nɛ.

1 ɛTimɔti 4:1 Iomraidhean Croise

ɛMacu 18:7

“ɛKɔn ne ɛnik daa ninaa ɛzay ya daa nikɔn na nɛ nibhɛ te ninyi na mɔn ɛfɔt to! iPhɛ ku so nggbinggbing nikɔn ne ɛfɔt ta yɛɛset, ne so ɛhaa ɛkawɛy yaa nggyɛy ne ɛbhɛ ɛ kɛ yɛɛset nɛ nibhɛ!”

ɛLuka 17:1

ɛYɛso gha ne yaak ninɔn ne icwam ɛbhɛ na, “iPhɛ so nggbinggbing nikɔn na nɛ nibhɛ te ɛnyi gha mɔn ɛfɔt to yɛɛs, ne so ɛkɔn ne ɛnik daa ɛnyi gha ne aa te nikɔn nɛnaa wo yɛɛs so.

ɛYohana 16:13

Sɛ́ ne sɛ iKabyik ntin de kɛ yɛɛs sang, iphɛ sɛ ne hyel nɛ nyinɛn ndɔ itin de. Sɔng iphɛ sɛ bol ivol ne ito ne iphɛ nang, iphɛ sɛ bol ɛkɔn na ne iphɛ kɛ phok zɔng, iphɛ ne tɔng nyini nikɔn na nɛ nibhɛ tɔ tang yɛɛs.

ɛTomɛ 13:2

Kɛ ne sɛ nibhɛ re ɛTaanggbey yegha ntsong, nibhɛ kuma iKabyik ɛTaanggbey de ne yaak nibhɛ, “Tul ɛn mɛɛn ɛBanabas se ne ɛShawulu te nibhɛ mɔn ɛtomɛ gha ne nggɛ ku kasa nibhɛ nibhɛ yaa mɔn.”

ɛTomɛ 17:18

Nidɛng nikyɛɛ ne icwam ne kaa i bok nibhɛ niBikuriya nɛ niSitɔkya kaa ne i re ishamas ne ɛBulus sa. Nidɛng ne yɔngɔ, “iKyee ne ɛnyi ne irwɛrɛ yɛghaa wo i sim aa bol le?” Nidɛng ne ji yɔngɔ, “Njwii wɛɛ te ɛ bol ibol nidɛng nitaanggbey de ne hame nibhɛ so ɛbɛ wo.” Nibhɛ kaa bol ɛlɛ wo daa ɛli ne ɛBulus sa kɛ tɔng nibhɛ ibol ɛYɛso ne idee ne yiisik tsik ne ikpuu.

ɛTomɛ 20:23

Nzi yang yɛɛ iKabyik ɛTaanggbey de kɛ ku yaak me wu gbik ɛgarang nga ne naa bhɛ lel ndɔ ne iYɛrushɛlɛm de, nggbang i hyep me, ijwee ne nyang ne ta sonɛ.

ɛTomɛ 21:11

ɛGabus sa ne yɛɛs ɛlɔ mos ne ɛ bo ɛgagha ɛBulus so ɛ rop ne ibɔ ɛbhɛ gbik ne ita ɛbhɛ, ɛ ji yɔngɔ, “iKabyik ɛTaanggbey de i bo wu ɛlɛy nɛ nindiinday niYahodawa ne iYɛrushɛlɛm na yaa bhɛ rop ɛnyi ne ɛgagha yɛghaa wo, nibhɛ ji nang ɛbhɛ nɛ ninyi ne hame nibhɛ so niYahodawa.”

ɛTomɛ 28:25

iPhɛ ɛlɛy, nibhɛ ne yaa re en ne ishamas ndɔ nibhɛ. nibhɛ ne hosop en nibhɛ hyilis en. ɛTsim mɛ ne ɛBulus sa kɛ mɔng nibhɛ ibol idaan ɛ yɔngɔ, “iBol de ne iKabyik ɛTaanggbey de kaa boote nɛ nikyɛɛ-nikyɛɛ njwɛɛn na so itin nɛ. iBol de ne ɛnɛbi ɛShaa gha kaa boote ɛ yɔngɔ,

1 iKɔrɔntos 10:20

Kwa, ninaa ne re igunkyi de ntsong i ihap niphoo itsanga de, sɔng ɛTaanggbey nang, sɔng nzi ne sim te ɛ sɛ te nyini nidaan nɛ nɛ niphoo na nang.

1 iKɔrɔntos 11:19

iPhɛ so ngbingbing i sɛ ihosop en da ndɔ mon no te sɛ seng ninyi na nɛ nibhɛ kɛ hɔn sɛɛ kyinak daa ne ibol nibhɛ ndɔ mon no.

1 iKɔrɔntos 12:11

Gbik nikɔn nɛnaa wo iKabyik idaan nɛ iphɛ mɔn, iphɛ ne ta hosop iphɛ nang ɛrɔngɔ ɛli ne iphɛ sim.

1 iKɔrɔntos 2:10

Ne so njwit ne ɛTaanggbey kɛ ne tɔɔrek nikɔn nɛnaa wo lenɛ ne iKabyik ɛbhɛ. iKabyik ge phɛ phɛl nikɔn na gbik, iphɛ phyii bhɛ phɛl nikɔn ɛTaanggbey ya nɛ nibhɛ so kyukyum.

2 iKɔrɔntos 11:3

Ne n bok ɛnik wu irway mon yaa yung hyereey, ɛ tek ɛn ishwim iywɛnɛng mon da ne ɛ sim ɛn ɛKiriti yegha. Aa yung hyere nyini ɛli ne ɛWaawu gha kaa hyereey yo nten de ne izɔ de kaa luk ɛbhɛ ne ntsɛntsɛng igywebhe ne ihywɛ de.

iKɔlɔsi 2:18

iPhɛ ɛlɛy sɔng ne ˆɛ tek ɛn ɛdɛ ɛnyi gha hosop nyini ne ɛwɛng nga ne ɛ kɛ re ɛn daa nikɔn nɛnaa wo nang. Sɔng ɛ hosop nyini nɛ lenɛ ne ɛ kyangase ne ring ito ɛbhɛ ne phok yɛnɛng te ɛ sɛ ɛkɔn ne yaa tal ɛbhɛ nang. Sɔng ne ɛ hosop nyini nɛ lenɛ ne ɛ mɛmɛ nyini nɛ wu iphɛ so nggbinggbing i re nimalɛka ntsong nang. Sɔng ne ɛ hosop nyini nɛ lenɛ ne ɛ hal ɛgyɛy wu kɛ phaal le iyuwa ɛ ta i tɔɔsek ito ɛbuu nang. iRway ne ihywee ninyi yɛdee nggyɛ wo soye ishwɛɛ ɛten ɛsii ne ifɛ i te nibhɛ mɔn ɛlɛ wo.

2 ɛTimɔti 3:13

Ninyi nibebhe na nɛ ninaa ne irywɛɛk ka ya ne i hanas ne bees en. Yaa i luk nibhɛ, nibhɛ ne maa luk ninyi na.

2 ɛTimɔti 4:4

Nibhɛ sɛ gangat itoro nibhɛ de ɛlɔ nibhɛ aa yung phok itin ne bol de, nibhɛ ne jii sim tɛ nibhɛ sɛ i tenes nggbyɛrɛs.

ɛYakub 3:15

Sɔng ihywee ne ntsɛntsɛng ngɛdee wo so ihywee ne izee ne ihywɛ le daa ne irywa nang, ihywɛ yang so izee ɛzay. Sɔng ihywɛ ne ta so izee ne ikabyik nang, ihywɛ so izee niphoo.

1 ɛBiturus 1:20

Ɛbhɛ ne ɛTaanggbey ya kaa ku kasa ɛli ne tang ryɔng ɛzay ya, kɛ ne ma ji phaal ɛbhɛ nten ɛtsim mɛdee wo daa ne ibol mon.

2 ɛBiturus 2:1

Ninabawa ne irywɛɛk kaa ne le ndɔ ninyi ɛTaanggbey ya, ɛlɛy nɛ nikyɛɛ ne icwam ne irywɛɛk ka sɛ ne ma le ndɔ mon. Nibhɛ sɛ mɛmɛ ninyi na ne ivol ne irywɛɛk ne ifɛ labhe, ne ifɛ yaa bees ninyi na. Nibhɛ sɛ ma yung yɛɛs ne ivol ne mbaray ɛDaray ye ne ɛ kɛ phɔt nibhɛ, nibhɛ mɛmɛ ninyi na nɛ gying, ɛli ne iphɛ sɛ hɔ nibhɛ ɛkɔn ne bees itso nibhɛ.

2 ɛBiturus 3:3

Tsa ˆɛ seng ɛn iphɛ ɛlɛ, sɛ́ sɛ nten ɛtsim be, nidɛng ninyi na nɛ nibhɛ so ninaa ne bɛɛs sɛ ne wuru nɛ nibhɛ so ninaa ne roos ihyop igywebhe ne ibek zɔng.

1 ɛYohana 2:18

Nyinɛn ninɔn nge wo, nten nɛdee wo soye nituk ɛtsim. Te ɛli ne ɛ kaa phok ɛn i bo ɛhaa ne iphup ɛKiriti gha yaaso wo, ɛlyilyɛghaa wo, ninaa ne iphup ɛKiriti na kɛ ne ku yɛɛs gbom. iPhɛ phɛ kɛ te njwi kɛ seng ɛli ne nten nɛdee wo soye nituk ɛtsim ma.

1 ɛYohana 4:6

Njwɛɛn ne soye ninaa ɛTaanggbey. Ninaa ne yɛɛ ɛTaanggbey yegha i ne tenes njwɛɛn. Gbik ɛnyi gha ne ɛ sang soye ɛhaa ɛTaanggbey ya, sɔng aa tenes njwɛɛn nang. Ɛlɛ ne njwɛɛn i seng ɛnyi gha ne ɛ bok iKabyik ne itin de gbik ne ɛhaa ne bok ikabyik ne irywɛɛk ge.

ɛYahuza 1:18

Nibhɛ kaa yaak nyini, “Sɛ́ sɛ nten ɛtsim be kɛ tuu, nidɛng ninaa ne bɛɛs sa sɛ ne wuru nɛ, nibhɛ sɛ roos ihyop ne ibek nibhɛ nɛ ne hame ihywɛ so izee ne roos ɛTaanggbey ye.”

ɛYahuza 1:4

Daa ɛli nɛ nidɛng ninyi na sonɛ nɛ nibhɛ kɛ lel ndɔ mon no gying. Sɔng nibhɛ so ɛli ne ɛTaanggbey ya i sim mo nang. Nibhɛ kɛ misi izɛɛng ɛTaanggbey de iphɛ teye ɛnkiinɛ ne roos ihyop igywebhe ne ibek, nibhɛ ishamas ɛYɛso ɛKiriti yegha ne ɛbhɛ ɛ soye ɛndiinday ya gbik ne ɛDaray njwɛɛn na. Kaa ne ku haa ibol ne hyɛ nibhɛ ɛshara ne iku gha ndɔ ne ɛWee ne iBol ɛTaanggbey yo ne ile.

Nikɔn ne kɛ Phaal 13:14

iHywɛ ne luk ninyi ɛzay ya lenɛ nɛ nikɔn ne kparat ta ne kɛ nang ihywɛ ɛnkiinɛ yɛ ihywɛ mɔn ɛnu ɛyisɛ ne inyam ɛyisɛ de. iHywɛ ne yaak ninyi na wu tɛ nibhɛ ryɔng izazurum te i nang inyam ɛyisɛ de ne ndiinday. iNyam be ne kaa phok ihywɛ ikpom ba ihywɛ jung shɛɛ ɛken na.

Nikɔn ne kɛ Phaal 16:14

iKpabyik ivebhe yɛdaa nggyɛ wo so ikpabyik niphoo ne ifɛ tɔɔsel nyu nikɔn ne kparat. iFɛ ne wuru ifɛ phɛ ɛlɔ nigɔm ɛzay ya gbik te ifɛ bhɛ tumɛ nibhɛ ɛlɔ ne itsom ɛgbaang ɛtuk ɛTaanggbey ne iTo Gbik.

Nikɔn ne kɛ Phaal 18:2

Ne ɛ boote ne ɛgbaang ne izɔlɔs, ɛ yɔngɔ, “Ɛ kɛ ho! ɛGbaang ne iBabila wo kɛ ho! Ɛ kɛ teye ɛlɔ ne shɛɛ niphoo, ne icwak ne ikpabyik ne ishis, ɛlɔ ne ninon ne ishis ne ᐩinyam igywebhe izee ne ishis.

Nikɔn ne kɛ Phaal 18:23

Sɔng tang yaang ɛwɛwɛy ne ifitila nang. Sɔng tang phok izɔlɔs ne ɛyiyaam ne yɛl, ne izɔlɔs ɛyɛl lɛ ndɔ mo dɔng nang. Daa ɛli nɛ ninaa ne iza mo na, nibhɛ bhɛ kaa so ninaa ne igbɔm ɛzay ya. iGbagha ɛzay yo kaa te buruburu ne ikyarakyut mo de.

Nikɔn ne kɛ Phaal 19:20

Ne wum inyam be ne ɛnɛbi ne rywɛɛk ka ne ɛ kɛ mɔn nikɔn ne kparat ta daa ne irywɛɛk ne inyam be. Ne nyu nikɔn ne kparat tɛnaa nggyɛ wo ne ɛnɛbi ne rywɛɛk kɛghaa nggyɛ wo kɛ luk ninyi na nɛ nibhɛ kɛ say ɛlamba ne inyam igywebhe gha nibhɛ re izazurum ne ihywɛ de ntsong ngaa. Ne wum inyam igywebhe de ne ɛnɛbi ne irywɛɛk ka i cwaak nibhɛ niken nɛ ndɔ ɛling ne igboo ne ifɛ re ne isɔlifa.

Nikɔn ne kɛ Phaal 2:11

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, sɔng iku ne ifaa de sɛ ne dat nibhɛ nang.

Nikɔn ne kɛ Phaal 2:17

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, naa ne nang ɛbhɛ idɛng ndɔ ne imana de ne kɛ rɛɛ wo. Naa ne ta nang ɛbhɛ ikɛɛ ihala ne kɛ haa ne irywɛɛk ifas ne hame ɛnyi iyɛɛ kang ne ɛnyi gha ne ɛ kɛ say iphɛ wo.

Nikɔn ne kɛ Phaal 2:29

“Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de!”

Nikɔn ne kɛ Phaal 2:7

‘Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, nzɛ ne nang ɛbhɛ ɛnkiinɛ ne ɛ re ikpam ɛHon ne Nang iKen de ne ɛ so ndɔ ne ihwap ɛTaanggbey da.’ ”

Nikɔn ne kɛ Phaal 20:10

Ne wum ɛShɛtan negha ne ɛ kɛ luk nibhɛ wo i cwaak ɛbhɛ ndɔ ne ɛling ne igboo ne isɔlifa wo ɛlɔ gha ne kɛ ku cwaak inyam igywebhe de gbik ne ɛnɛbi ne irywɛɛk ka nɛwo. Sɛ́ ne baasek nibhɛ nggbang ne igbey ne ɛtuk, ishay-ishay.

Nikɔn ne kɛ Phaal 20:8

Ɛ sɛ ne ji wuru ɛbhɛ luk igbagha ɛzay yo ne ifɛ kɛ tes en shwaa ne ibap naas ɛzay de, ne i bok nibhɛ ɛGok ka ne ɛMagok ka. ɛShɛtan na sɛ́ ne tumɛ nibhɛ ɛlɔ ɛdaan te ta itsom, nibhɛ sɛ́ ne so gbarang te imumu ne ihywel.

Nikɔn ne kɛ Phaal 3:13

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de.

Nikɔn ne kɛ Phaal 3:22

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de.

Nikɔn ne kɛ Phaal 3:6

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ne ninaa ne roos de.

Nikɔn ne kɛ Phaal 9:20

Sɔng ɛbyin ninyi na ne hame kaa phoo nibhɛ ndɔ ɛkɔn ne ɛnik kɛghaa wo kaa ne san ɛbɔk daa nikɔn na nɛ nibhɛ mɔn no nang. Sɔng nibhɛ kaa kɔɔng re niphoo na, ne igunkyi de kɛ ryɔng ne izinariya de, ne idee ne kɛ ryɔng ne ɛzurufa wo, ne idee ne kɛ ryɔng ne ikpɛɛ da gbik ne itson de ntsong ngga nang. iPhɛ dee sɔng igbunkyi da bol nang, sɔng ifɛ phok nang, sɔng ifɛ ne ta hyel nang.