1 ɛTimɔti 3:3 - ɛWee ne ìTsɛm iHywas

³ Sɔng ɛkpuru ne iguut nang, sɔng ɛhaa ne tɔk irywen nang. Ɛ so yak, ɛɛ sim ishwɛɛ ncaang. Sɔng ɛhaa ne sim ijam gbom nang.

1 ɛTimɔti 3:3 Iomraidhean Croise

ɛMacu 21:13

Ne ɛ ji yaak nibhɛ, “Kɛ ku haa ndɔ ne ɛWee ne ibol ɛTaanggbey yo, i bo, ‘Yaa yel-le ijwee nge wo ɛlɔ ne bol ne ɛTaanggbey.’ iPhɛ dee ˆɛ kɛ ne hyere ɛn ifɛ, ifɛ kɛ teye icwak ninaa ɛyi.”

ɛTomɛ 20:33

Sɔng nggɛ yɛk irisɛ ne ijam gbik nɛ nikɔn niyɛnɛng ɛdɛ mon nang.

iRooma 16:18

Daa ɛli ne sɔng ihywee ninyi yɛdee nggyɛ wo i mɔn ɛDaray ɛKiriti ye ɛtomɛ nang, iphul nibhɛ zɔng nɛ nibhɛ tɔk iphɛ nɛ. I lenɛ ne ɛnu ɛbel nibhɛ gbik ne iluk, nibhɛ ne luk ninyi na ne icwas nibhɛ sang so kyukyum.

iFisus 5:18

Sɔng ˆɛ te ɛn ziizii ne sɔ inɛn ɛnap ba, ne iphɛ hɔ ninyi na iphɛ phɛ nɛ ne ihyop igywebhe ne ibek ge ne iphɛ sang ncwa da nang. Yang te ɛn hyɔrɔ ne iKabyik.

1 iTasɔlɔnika 5:14

Njwii roro ne nyinɛn nigwaa en, kpɛng ɛn ninaa ne itek ka, tes ɛn ninaa ne irway tɔtɔk ga itsɔngɔl gɛgɛy, phyighis ɛn nikyɔkyɔt ta, te ˆɛ bo ɛn ɛbɔk nɛ ninyi na gbik.

1 ɛTimɔti 3:8

ɛLɛy nɛ ninaa ne phyighis ne ɛtomɛ gha ndɔ ne idira ninaa ne roos de, iphɛ so nggbinggbing nibhɛ so ihywɛɛ, sɔng ninaa ninu ifaa nang, sɔng nikpuru ne sɔ inɛn ɛnap nang, sɔng ninaa ne tek iryat ɛbuu nang.

2 ɛTimɔti 3:2

Ninyi na sɛ teye ninaa ne sim ito nibhɛ. Nɛ ninaa ne sim ijam. Nɛ ninaa ne ton ito nibhɛ. Nɛ ninaa ne tɔɔsek ito, nɛ ninaa ne towos ninyi. Nɛ ninaa ne bɛɛs nikyɛɛ. Nɛ ninaa ne sang tɔɔl irway ihwala daa ɛkɔn ne kɛ nang nibhɛ. Nɛ ninaa ne hame nibhɛ kɛ tul en kang.

ɛTitus 1:11

Nggbinggbing i yɛk nibhɛ nɛ nibhɛ kunggbyak, daa ɛli nɛ nibhɛ suruk ihywɛɛ ne idee de gbom daa ne mɛmɛ ne ɛkɔn na ne ɛ kɛ sang jam lenɛ ne sim iryat ɛbuu.

ɛTitus 1:7

ɛNdiinday ne idira ninaa ne roos sa so ɛnyi ne kɛ tek ɛbhɛ ne ɛtomɛ ɛTaanggbey ya ndɔ ne iwɔ ɛbhɛ. iPhɛ ne so nggbinggbing ɛ sang ɛkɔn ne tok ɛlɔ ninyi, sɔng ɛ tɔɔrek igbɔm nang, sɔng ɛhaa ne shii te njenjek nang. Sɔng ɛhaa ne sɔ igbuut ɛ te ziizii nang. Sɔng ɛhaa ne lɛng irywen nang, sɔng ɛhaa ne sim ibuu nang.

ɛTitus 2:3

Nɛ ma mɛmɛ nikuk nihelem ma nɛ tɛ nibhɛ shɛɛ ishwɛɛ da ne ifɛ yaa nang ɛTaanggbey ye ne ndiinday, ne ifɛ so kancɛng nɛ nikuk ninaa ne roos sa. Sɔng nibhɛ teye ninaa ne bees ivol nang, sɔng nibhɛ teye nikpuru ne isɔ igbuut nang. Tɛ nibhɛ yang mɛmɛ ninyi na nɛ nikɔn niyɛnɛng.

ɛTitus 3:2

Sɔng nibhɛ bol ivol ikpɛɛ daa ɛnyi nang. Tɛ nibhɛ bok irway ne laal, nibhɛ shɛɛ hywɛɛ, nibhɛ laasek itso nibhɛ ɛlɔ ninyi na gbik.

iBirani 13:5

Shɛɛ ɛn kyaam daa ne irway ne sim ijam be. Te ɛkɔn na ne ɛ bok ɛn no hɔn nyini. Daa ɛli ne ɛTaanggbey ya bo, “Sɔng naa tek kɛ nang, sɔng nzɛ ne hana yɛ nang.”

ɛYakub 4:1

iKyee iphɛ yɛɛs ne irywen da gbik ne ishamas de ndɔ mon noo? Sang so ihyop ne ibek mon ihywee-ihywee ne ᐩihywɛ lɛng ɛn ndɔ mon ne i?

1 ɛBiturus 5:2

Nzi bok nyini, hyep ɛn ᐩigyol ɛTaanggbey de ne ɛ kɛ tek ndɔ ne iwɔ mon no, te ɛ wɛɛ ɛn ihywɛ byirik, yɛnɛng. Sɔng ɛ mɔn ɛn te kɛ yɛk nyini nɛ ne ihwet nang, yang mɔn ɛn ne irway mon ijwaan. Sɔng ne ɛ mɔn ɛn ɛtomɛ yɛghaa wo daa ɛli ne ɛ sim ijam nang, yang mɔn ɛn daa ɛli ne ɛ bok ɛn irway ne mɔn ɛTaanggbey ye ɛtomɛ.

2 ɛBiturus 2:3

Ndɔ ne irisɛ nibhɛ de, nikyɛɛ ne icwam mɛnaa nggyɛ wo sɛ ne tɔng nyini irywɛɛk nɛ nibhɛ kɛ ku ryɔng nge nɛ tɛ nibhɛ sɛ ɛkɔn ne ibek mon. ɛHaa ne bol ɛshara nibhɛ gha kaa ne ku hyɛ nibhɛ ɛshara gha ne ile, ɛshara nibhɛ gha i ne hyep nibhɛ.

ɛYahuza 1:11

iPhɛ so nibhɛ ɛkɔn ne ɛnik! Nibhɛ kɛ hyel ihywel ɛKɛɛnu. iRisɛ ne ijam kɛ te nibhɛ mɔn ɛkɔn na ne ɛBalamu kaa mɔn. Nibhɛ bɛɛs nindiinday ɛli ne ɛKɔɔra kaa mɔn, ne bunga nibhɛ gbik te ɛKɔɔra gha.

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.