1 ɛTimɔti 3:1 - ɛWee ne ìTsɛm iHywas

¹ iBol lɛdee wo so itin nɛ sɛ kyinak daa ne iphɛ, gbik ɛnyi gha ne ɛ bok irway ne teye ɛndiinday ne idira ninaa ne roos sa, ne ɛ bok irway ne mɔn ɛgbaang ɛtomɛ.

1 ɛTimɔti 3:1 Iomraidhean Croise

ɛTitus 1:7

ɛNdiinday ne idira ninaa ne roos sa so ɛnyi ne kɛ tek ɛbhɛ ne ɛtomɛ ɛTaanggbey ya ndɔ ne iwɔ ɛbhɛ. iPhɛ ne so nggbinggbing ɛ sang ɛkɔn ne tok ɛlɔ ninyi, sɔng ɛ tɔɔrek igbɔm nang, sɔng ɛhaa ne shii te njenjek nang. Sɔng ɛhaa ne sɔ igbuut ɛ te ziizii nang. Sɔng ɛhaa ne lɛng irywen nang, sɔng ɛhaa ne sim ibuu nang.

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

1 ɛBiturus 5:2

Nzi bok nyini, hyep ɛn ᐩigyol ɛTaanggbey de ne ɛ kɛ tek ndɔ ne iwɔ mon no, te ɛ wɛɛ ɛn ihywɛ byirik, yɛnɛng. Sɔng ɛ mɔn ɛn te kɛ yɛk nyini nɛ ne ihwet nang, yang mɔn ɛn ne irway mon ijwaan. Sɔng ne ɛ mɔn ɛn ɛtomɛ yɛghaa wo daa ɛli ne ɛ sim ijam nang, yang mɔn ɛn daa ɛli ne ɛ bok ɛn irway ne mɔn ɛTaanggbey ye ɛtomɛ.

1 ɛTimɔti 1:15

iBol lɛdee wo ne so itin nɛ sɛ kyinak daa ne iphɛ, iphɛ kɛ hɔn sɛɛ say iphɛ gbik. iBol de ne iphɛ bo, “ɛYɛso ɛKiriti gha kaa yɛɛs ndɔ ɛzay ya te ɛ phɔt ninaa ne ɛfɔt.” Mee wo ne n bok ɛfɔt to n shɛs ndɔ ninaa ne ɛfɔt ta.

1 ɛBiturus 2:25

Ɛ kaa birit ɛn te ᐩigyol ntsabhak ne ihywɛ kɛ birit. ɛLyilyɛghaa wo, ɛ kɛ ne bhɛ kyii ɛn ɛlɔ ɛHaa ne Hyep nyini gha ne ɛ so ɛHaa ne Wɛɛ ikpen mon da.

iBirani 12:15

Wɛɛ ɛn yɛnɛng, sɔng ɛdɛ mon hyere ɛTaanggbey yegha ne ɛ nang izɛɛng ngge ɛduu nang. Sɔng ɛdɛ mon yɛk irway ivebhe ne ifɛ yaa hɔn ifɛ yɛɛs ne ishisim, ifɛ bees ninyi na gbom mo nang.

2 ɛTimɔti 2:11

iBol lɛdee wo so sɛ kyinak daa ne iphɛ, iphɛ i bo, Wu njwɛɛn kɛ ku ne ɛYɛso gha, njwɛɛn sɛ ne shɛɛ niken ne ɛbhɛ.

1 ɛTimɔti 4:9

iBol lɛdee wo so itin nɛ sɛ kyinak daa ne iphɛ, iphɛ kɛ hɔn sɛ say iphɛ gbik.

iFilibi 1:1

ɛWee yɛwoo wo le ɛlɔ ɛBulus ne ɛTimɔti, nikpuru ɛYɛso ɛKiriti ɛbhɛ phɛɛs ɛlɔ ninyi ɛTaanggbey nɛ nibhɛ so ne iFilibi, gbik nɛ nindiinday ne idira ne ninaa ne roos gbik nɛ ninaa ne phyik ne ɛtomɛ ndɔ ne idira ninaa ne roos de.

ɛLuka 15:10

Nzi ne tɔng nyini, ɛlɛy ne iphɛ so, niMalɛka ɛTaanggbey ya yaa ne bok irway ihwala daa ɛhaa ne ɛfɔt ɛdaan ne ɛ kɛ san ɛbɔk ka.”

ɛTitus 3:8

iBol lɛdee wo so sɛ kyinak nɛ. Nzi ne sim te ɛ sɛ tiil ninyi na nikɔn nɛnaa wo gbik. Tɛ ninyi na nɛ nibhɛ kɛ nang ne itin nɛ ne ɛTaanggbey ya ne nang ihwet nibhɛ gbik ɛlɔ ne mɔn nikɔn niyɛnɛng. Nikɔn nɛnaa wo kɛ jam gbom, nibhɛ ne bok iphyik daa ninyi na gbik.

iFisus 4:12

Ɛ kɛ mɔn ɛlɛ wo te ɛ ryɔng ninyi ɛTaanggbey ya nibhɛ mɔn ɛtomɛ ɛbhɛ, nibhɛ lɔl ibek ɛKiriti de.

ɛTomɛ 1:20

ɛBiturus sa ne re ɛnu ɛyisɛ ɛ yɔngɔ, “Kɛ ku haa ndɔ ne ɛwee ne iBol ɛTaanggbey i bo, ‘Te ijwee ɛbhɛ wo teye ihoo ne hap ɛtaba, sɔng ɛnyi tang shɛɛ nɛ ne ijwee yɛ nang.’ ” Kɛ ne ta haa i bo, “Te ɛhak ɛnyi say ɛtomɛ ɛbhɛ gha.”

1 ɛBiturus 4:15

Ne ɛ wɛɛ ɛn nyini yɛnɛng, sɔng ne towos nyini wo daa ɛli ne ɛ kɛ phoo ɛn ɛnyi nang, sɔng ne towos nyini daa ɛli ne ɛ kɛ hyel ɛn ɛyi nang, hang ɛ kɛ mɔn ɛn ɛdɛ ɛkɔn ɛkpɛɛ yɔɔ. Sɔng ma yung towos nyini daa ɛli ne ɛ kɛ lel ɛn ɛdɛ ɛkɔn na ne ɛ sang so ɛhaa mon nang.

1 iTasɔlɔnika 5:14

Njwii roro ne nyinɛn nigwaa en, kpɛng ɛn ninaa ne itek ka, tes ɛn ninaa ne irway tɔtɔk ga itsɔngɔl gɛgɛy, phyighis ɛn nikyɔkyɔt ta, te ˆɛ bo ɛn ɛbɔk nɛ ninyi na gbik.

iRooma 11:13

ɛLyilyɛghaa wo, nyinɛn no ne hame ɛ so ɛn niYahodawa na ne nzi bol lɛ. Te ɛli ne nzo ɛhaa ne tom ɛYɛso gha ne ɛ kɛ tom me ɛlɔ ninyi na ne hame nibhɛ so niYahodawa na, nzi ne hal ɛgyɛy ne ɛtomɛ nge gha.