1 ɛTimɔti 2:8 - ɛWee ne ìTsɛm iHywas

⁸ Ndɔ ne ijwira ninaa ne roos da, nzi ne sim tɛ niras sa sɛ i bol ne ɛTaanggbey, iphɛ ne so nggbinggbing niras sɛ soye ninaa ne ishwɛɛ nibhɛ kɛ jam ɛTaanggbey yegha. Yaa ne sɛ nibhɛ kɛ tɔɔk ibɔ de nibhɛ yaa bol ne ɛTaanggbey ya, tɛ nibhɛ ne mɔn ɛlɛy wɛlɛng njenjek ne ishamas.

1 ɛTimɔti 2:8 Iomraidhean Croise

ɛMacu 21:21

ɛYɛso gha ne kyii nibhɛ nɛ, ne ɛ yɔngɔ, “Nzi tɔng nyini itin nɛ, wu ɛ bok ɛn ìnang ne itin tang ɛ to ɛn irway daa ne iphɛ, ɛ sɛ ne mɔn ɛn ɛkɔn na ne ɛ phyin ɛhaa ne nggɛ mɔn ɛpharang ngɛghaa wo nɛ wo. Ɛ sɛɛ ma yung yaak ɛn ɛwarang ngɛ wo, ‘Yilitsik te ɛbhɛ ho ndɔ ɛling,’ iphɛ sɛɛ ne te ɛlɛy.

ɛMacu 5:44

Mee wo nzi ne bok nyini, sim ɛn ninaa ne iphup mon na, te ɛ bol ɛn ne ɛTaanggbey daa ninaa nɛ nibhɛ baasek nyini nggbang ngga.

ɛMacu 6:12

Hana njwii ne ɛfɔt mos so, ɛli ne njwi kɛ ma hana ninaa nɛ nibhɛ kɛ mɔn njwi ɛfɔt to nɛ wo.

ɛLuka 23:34

ɛYɛso gha ne yɔngɔ, “ɛTaa, hana nibhɛ nɛ, sɔng nibhɛ yɛɛ ɛkɔn na nɛ nibhɛ mɔn nang.” Nisooja na ne ji ren inɛn daa ne ibol ne itsura da, te nibhɛ seng ɛwoo ne ɛrɔngɔ yaa boos.

ɛLuka 24:50

Kɛ ne sɛ ɛYɛso gha kɛ bo ninɔn ne icwam ɛbhɛ na ɛ phɛ nɛ ɛgarang nga ne i bok ɛbhɛ iBɛtani, ne ɛ yinɛ ibɔ ɛbhɛ daa ne irywa ɛ sit nibhɛ ne ɛwɛng.

ɛYohana 4:21

ɛYɛso gha ne yɔngɔ, “ɛGyinɛ ɛNyɛn ɛɛy, nang ne itin nɛ ne ibol de ne nzi tɔng ngɛ wo, nten yaaso ne sɔng ninyi na sɛ ta bhɛ re ɛTaa yegha ntsong ngga ne ɛwarang ngo nang, sɔng nibhɛ sɛ ne ta re ɛbhɛ ne iYɛrushɛlɛm nang.

ɛTomɛ 10:2

ɛKɔnɛliyas sa nɛ ninaa ne ijwee ɛbhɛ gbik kaa ne i phok ɛnik ɛTaanggbey ne ɛ phyighis ninyi nihala ɛ ta i bol ne ɛTaanggbey cɛcɛɛy.

ɛTomɛ 10:31

Ne ɛ yaak me, ‘ɛKɔnɛliyas, ɛTaanggbey ya kɛ say ivol mo da ne ɛ kɛ bol ne ɛbhɛ wo. Ɛ ne tas ne izɛɛng ngge ne ɛ naas ninyi nihala na.

ɛTomɛ 10:4

ɛKɔnɛliyas sa ne wum ɛnik ɛ see ɛmalɛka gha ne irwisɛ, ɛ phom ɛbhɛ ɛ yɔngɔ, “ɛDaray, ikyee lɛɛ?” ɛMalɛka gha ne kyii nɛ ɛ yaak ɛbhɛ, “ɛTaanggbey ya kɛ say ivol da ne ɛ bol nɛ ɛbhɛ wo gbik nɛ nikɔn niyɛnɛng nga ne ɛ mɔn nihala na nɛ wo. Ɛ kɛ say nibhɛ te ihap itsanga.

ɛTomɛ 21:5

Ne sɛ nituk mos sa ɛnggyɛ wo kɛ phee njwi ne bo nikɔn njwi re ɛnu ɛyisɛ ne ihywel da. Gbik ninaa ne roos sa, nɛ nikuk nibhɛ, nɛ ninɔn nibhɛ ne bhɛ hyeeng njwii ɛtsim ɛgarang nga. Gbik mos so njwi ne bhɛ cwi irwa-nggburuk ɛnu ɛling nga njwi boote ne ɛTaanggbey.

ɛTomɛ 7:60

Ne ɛ cwi ne irway nggburuk ɛ tɔɔk izɔlɔs ɛ yɔngɔ, “ɛDaray ɛTaanggbey, hana nibhɛ ne ɛfɔt tɛ woo wo.” Ne sɛ ɛ kɛ boote ɛlɛ wo ne ɛ wum nwa.

1 iKɔrɔntos 1:2

Ɛbhɛ phɛɛs ɛlɔ ninaa ne roos ɛgarang iKɔrɔntos, ne ɛlɔ ninyi ne kɛ tek ɛTaanggbey ye nɛ ndɔ ɛYɛso ɛKiriti. Ne ɛlɔ ninyi ne kɛ yel-le nibhɛ tɛ nibhɛ teye ninaa ɛTaanggbey gbik nɛ ninyi nilɔ na kang-ka-kang nɛ nibhɛ yeres daa ne irywɛɛk ɛDaray ɛYɛso ɛKiriti ne ɛ so ɛDaray nibhɛ gha gbik ne ɛhaa njwɛɛn na.

1 iKɔrɔntos 7:7

Te sɛ yɔng ninyi na so te mee; ɛTaanggbey ya kɛ ne nang ɛrɔngɔ ihywee ɛkɔn de ne aa yɛɛ ne mɔn. Ɛ kɛ nang ɛdɛng ɛhihaa bɛ ɛkɔn, ne ɛ ma nang ɛdɛng ɛhihaa nggyɛ ɛkɔn.

2 iKɔrɔntos 2:14

Te ne dɛp ɛTaanggbey ye! Ɛbhɛ ɛ hyel ne njwit cɛcɛɛy ndɔ ɛlang ninyi na nɛ nibhɛ tɔɔsel irway ihwala ɛKiriti da ne ɛ kɛ re itsom be. Ɛ mɔn ɛtomɛ ne njwit njwi bhɛ sanga ibol ɛKiriti de nilɔ na gbik iphɛ ne ji shwalat te ɛnkyinkyɔp ne ɛturarɛ.

iFilibi 1:12

Nigwaa en, nzi sim te ɛ sɛ seng ɛn, wu ɛkɔn na ɛ kɛ sɛ me wo, ɛ kɛ te ibol ɛTaanggbey de hante ne shwalat.

1 iTasɔlɔnika 1:8

iBol ɛDaray de kɛ ne le ɛlɔ mon na iphɛ shwalat nilɔ na gbarang, sɔng iphɛ kɛ ne kyinak ne iMakyidɔniya de ne iKaya de zɔng nang. Gbik ɛlɔ gha ne njwi kɛ bok ngɛ njwi ne phok i darat ngka ne ìnang ne itin mon de ne ɛTaanggbey ya. iPhɛ ɛlɛy sɔng njwi ne ta bok ihak ibol ne njwi yaa ta yɔngɔ dɔng nang.

1 ɛTimɔti 5:14

iPhɛ ɛlɛy, nzi sim tɛ nikusang nga nɛ nibhɛ tɔ niphas sa sɛ rop ɛwɛrɛ, nibhɛ yaak ninɔn, nibhɛ wɛɛ idee nibhɛ de, ɛlɔ nɛ nibhɛ yaa yung phaal ɛhaa ne iphup njwɛɛn na ikɛk ne bees ivol daa njwɛɛn.

ɛTitus 3:8

iBol lɛdee wo so sɛ kyinak nɛ. Nzi ne sim te ɛ sɛ tiil ninyi na nikɔn nɛnaa wo gbik. Tɛ ninyi na nɛ nibhɛ kɛ nang ne itin nɛ ne ɛTaanggbey ya ne nang ihwet nibhɛ gbik ɛlɔ ne mɔn nikɔn niyɛnɛng. Nikɔn nɛnaa wo kɛ jam gbom, nibhɛ ne bok iphyik daa ninyi na gbik.

iBirani 10:22

iPhɛ ɛlɛy nɛ njwɛɛn shompeey cɛcɛk ne ɛTaanggbey ya ne irway ijwaan, ne ìnang ne itin hyɔrɔ. Nɛ njwɛɛn shompeey ne irway ne kɛ kuus ifɛ kɛ te tɔrɔk, gbik ne ibek ne kɛ kuus ne inɛn iwɛwɛy.

ɛYakub 4:8

Yɛɛs ɛn cɛcɛk ne ɛTaanggbey ya aa ne ma yɛɛs cɛcɛk ne nyinɛn. Nyinɛn ninaa ne ɛfɔt ta, kuus ɛn ibɔ mon ndɔ ɛtomɛ ne ɛfɔt ta, nyinɛn niluk ka te ɛn irway mon wɛwɛy.

1 ɛBiturus 3:7

ɛLɛy ne mang, nyinɛn niras so, boos ɛn nikuk mon na byirik, nang ɛn nibhɛ ne ndiinday, daa ɛli nɛ nibhɛ phyin nyini ne kyɔkyɔt. Daa ɛli ne nyinɛn no nɛ nikuk mon na gbik, ɛ sɛ re ɛn isha ne izɛɛng ne iken de ne ihywɛ le ɛlɔ ɛTaanggbey ya. Mɔn ɛn ɛlɛ wo ɛlɔ ne ɛkɔn yaa yung ring nyini ne boote ɛn ne ɛTaanggbey ya.