1 ɛTimɔti 2:7 - ɛWee ne ìTsɛm iHywas

⁷ ɛKɔn nɛghaa bhɛ kɛ ne te kaa tom me te ɛngɔn ne tom ma, ne ɛhaa ne mɛmɛ ninaa nɛ nibhɛ sang so niYahodawa na ibol ne ìnang ne itin de gbik ne itin de. Sɔng nzi wul irywɛɛk nang, itin nɛ ne nzi tɔng!

1 ɛTimɔti 2:7 Iomraidhean Croise

ɛYohana 7:35

niYahodawa na ne yaa bol ndɔ nibhɛ nibhɛ bo, “Ɛ sɛ ji phɛ ɛbii ne hame njwɛɛn sɛ yɛɛ ne phɛ wo lɛɛ? Hang ɛ sɛ yung phɛ ɛlɔ niYahodawa na nɛ nibhɛ sos ne ivel ne iGirik ga, ɛbhɛ mɛmɛ ninyi ne iGirik ka nɛ bɛ?

ɛTomɛ 14:27

Ne sɛ nibhɛ kɛ tuu iNtakiya de nibhɛ ne tumare ninaa ne roos sa ɛlɔ ɛdaan, nibhɛ ji tɔng ɛkɔn na ne ɛTaanggbey ya kɛ mɔn lenɛ nibhɛ wo. Nibhɛ ne ta phyii tɔng nibhɛ ɛli ne ɛTaanggbey ya kɛ phaal ninyi na ne hame nibhɛ so niYahodawa na ɛnkiinɛ wo nɛ nibhɛ yaa nang ne itin nɛ wo.

ɛTomɛ 22:21

“ɛDaray ɛTaanggbey ya ne yaak me, Yilitsik ɛ hyel, naa tom mɛ kyakyak ɛlɔ ninyi na ne hame nibhɛ so niYahodawa.”

ɛTomɛ 26:20

Nggɛ sanga ibol ɛTaanggbey de ne iDimaskus, ne n ji bhɛ sanga ne iYɛrushɛlɛm nɛ nigarang ne iYahudiya, ne n ji bhɛ sanga ɛlɔ ninyi na ne hame nibhɛ so niYahodawa na dɔng. Nggɛ sanga tɛ nibhɛ san ɛbɔk nibhɛ hyereey nibhɛ roos ɛTaanggbey ye, nibhɛ ji mɔn nikɔn na nɛ nibhɛ yaa tɔɔrek wu nibhɛ kɛ san ɛbɔk ka ɛtsak.

ɛTomɛ 9:15

ɛDaray ya ne jung yaak ɛbhɛ, “Cwi, nggɛ ku kasa ɛShawulu yegha te ɛ mɔn me ɛtomɛ. Ɛbhɛ aa bhɛ tɔng ninyi na ne hame nibhɛ so niYahodawa na nɛ nigɔm gbik nɛ niSɛrɛla na ibol nge de.

iRooma 1:9

ɛTaanggbey ya ne nzi mɔn ɛtomɛ ɛbhɛ gha ne irway nge ijwaan da daa ne sanga iBol iYɛnɛng ɛNgɔn ɛbhɛ de, ɛbhɛ ne ito ɛbhɛ ɛ kɛ tɔɔrek ɛli ne nzi ku tas ne nyinɛn cɛcɛɛy,

iRooma 10:14

Yaa ne mɔn ɛli nibhɛ yel-le daa ɛnyi gha nɛ nibhɛ kɛ sang nang ne itin nɛ ne ɛbhɛ woo? Yaa ne mɔn ɛli nibhɛ nang ne itin nɛ ne ɛnyi gha nɛ nibhɛ kɛ sang phok ibol ɛbhɛ dee? Yaa ne ta mɔn ɛli nibhɛ phok ko wu ɛnyi kɛ sang bhɛ sanga nibhɛ ibol lɛ woo?

iRooma 11:13

ɛLyilyɛghaa wo, nyinɛn no ne hame ɛ so ɛn niYahodawa na ne nzi bol lɛ. Te ɛli ne nzo ɛhaa ne tom ɛYɛso gha ne ɛ kɛ tom me ɛlɔ ninyi na ne hame nibhɛ so niYahodawa na, nzi ne hal ɛgyɛy ne ɛtomɛ nge gha.

iRooma 15:16

te n te me ɛhaa ne mɔn ɛYɛso ɛKiriti yegha ɛtomɛ gha ɛlɔ ninyi na ne hame nibhɛ so niYahodawa na. Nzi mɔn ɛtomɛ ɛbo ɛTaanggbey ya ɛli ne nzi sanga iBol iYɛnɛng ɛTaanggbey de tɛ ninyi na hame nibhɛ so niYahodawa na teye ɛkɔn ne hap itsanga ne ɛTaanggbey ne kɛ tek ɛTaanggbey ye nɛ lenɛ ne iKabyik ɛTaanggbey.

iRooma 9:1

Nzi tɔng itin nɛ ndɔ ɛKiriti, sɔng irywɛɛk ne nzi tɔng nang. Ndɔ ne icwas ne irway nge nzi yɛɛ iphɛ ɛlɛy ɛli ne iKabyik ɛTaanggbey kɛ ne ma tɔɔrek iphɛ ɛlɛy.

1 iKɔrɔntos 9:1

Nzo ne ishwɛɛ ne ito nge. Hang ma n sang some ɛngɔn ne tom ɛYɛso gha naa? Hang nggɛ ma sang yaang ɛDaray ɛYɛso yegha naa? Hang kɛ ma sang lenɛ ne ɛtomɛ nge ɛ say ɛn ɛDaray yegha naa?

2 iKɔrɔntos 11:31

ɛTaanggbey i yɛɛ sɔng irywɛɛk ne nzi tɔng nang. ɛTaanggbey ya ne ɛbhɛ so ɛKyɛɛ ɛDaray ɛYɛso ɛKiriti gha. Te ne dɛp irywɛɛk ɛbhɛ cɛcɛɛy.

iGalatiya 1:16

Te ɛ phaal me irwisɛ ne seng ɛngɔn ɛbhɛ gha, te mbɛ tɔng ninyi na ne hame nibhɛ ne so niYahodawa na ibol iyɛnɛng ɛbhɛ de. Kaa ne sɛ ɛ kɛ mɔn ɛlɛ wo, sɔng nggaa ne bhɛ phom ɛnyi ɛli ne naa mɔn nang.

iGalatiya 1:20

iBol lɛ de wo ne nzi haa wo iphɛ soye itin nɛ. ɛTaanggbey i yɛɛ sɔng irywɛɛk ne nzi wul nang.

iGalatiya 2:16

Gbik ne iphɛ ɛlɛy, njwi ne yɛɛ wu ɛTaanggbey ya say ɛnyi gha wu ɛ so cik ko ne ɛ kɛ nang ne itin nɛ ne ɛYɛso ɛKiriti zɔng. iPhɛ ɛlɛy sɔng ɛTaanggbey i say ɛnyi gha wu ɛ so cik ko daa ɛli ne ɛ kɛ roos ɛShara gha nang, daa ɛli ne sɔng daa ne iroos ɛShara gha i te i say ɛnyi gha wu ɛ so cik kang.

iGalatiya 2:9

ɛYakub pa ne ɛBiturus sa, ne ɛYohana gha ne kaa ku bo nibhɛ tɛ nindiinday ya kaa ne ma seng wu ɛTaanggbey ya kɛ nang me ɛtomɛ yɛghaa wo. Nibhɛ ne sɔ iwɔ ne ìtsɛm ninaa ne roos. Nibhɛ ne sim me nɛ wu te mee wo ne ɛBanabas sa te njwi phɛ ɛlɔ ninyi na ne hame nibhɛ soye niYahodawa na tɛ nibhɛ wo ne ji phɛ ɛlɔ niYahodawa na.

iGalatiya 3:9

iPhɛ ɛlɛy, gbik ninaa nɛ nibhɛ kɛ ne nang ne itin nɛ wo, sɛ ne ma sit nibhɛ ne ɛwɛng nga gbik ɛBaraying nga ne ɛ soye ɛhaa ne ɛ kɛ nang itin nɛ wo.

2 ɛTimɔti 1:11

ɛTaanggbey kɛ ne kasa me te n te me ɛngɔn ne tom, ne ɛkyɛɛ ne icwam gbik ne ɛhaa ne sanga iBol iYɛnɛng ngɛdee wo.

2 ɛBiturus 2:5

Sɔng ɛTaanggbey ya kaa san iyɔm ninaa ne ile na nang, ɛ kaa yang phobho ninaa ne sang tel ɛnik ɛTaanggbey yo ne ɛgbaang inɛn. ɛNuhu zɔng ne ɛ kaa tɔng ibol icik gbik nɛ ninyi ɛniitaa nibhɛ kaa phɔrɔt.