1 ɛTimɔti 2:5 - ɛWee ne ìTsɛm iHywas

⁵ Daa ɛli ne ɛTaanggbey ya so ɛdaan, ɛhaa ne ɛ so ɛceree ninyi na ne ɛTaanggbey ya ne ma so ɛdaan, kaabi ɛnyi yɛghaa wo, ɛbhɛ ɛYɛso ɛKiriti gha.

1 ɛTimɔti 2:5 Iomraidhean Croise

ɛMacu 1:1

iRɛɛk ninaa ne icwaang ɛYɛso ɛKiriti yɛdee bɛ; ɛYɛso ɛKiriti gha kaa so ɛNgɔn ɛDoda, ɛDoda gha ne so ɛNgɔn ɛBaraying.

ɛMacu 1:23

“ɛNgɔn ɛlyilyap ɛjejep sɛ say isik ɛ yɛk ɛngɔn ɛras, sɛ ne yaak ɛbhɛ ɛYima, kaabi i bo ɛTaanggbey sonɛ njwɛɛn.”

ɛLuka 14:22

“Kɛ ne phyɔngɔle, ɛkpuru gha ne yɔngɔ, ‘ɛNdiinday, nggɛ shwaak ibol mo de, gbik ne iphɛ ɛlɛy, ɛbyin ɛlɔ ne soos sa ne jung tɔ nɛ.’ ”

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

ɛYohana 17:3

iKen ne inat de ne so ɛlɛ: tɛ ninyi na seng ngɛ wu igyɛ zɔng ɛ soyɛ ɛTaanggbey ntin na gbik ne ɛYɛso ɛKiriti yegha ne ɛ kɛ tom mo.

ɛTomɛ 4:12

“ɛYɛso gha zɔng ɛbhɛ so ɛhaa ne phɔt ninyi na, daa ɛli ne irywɛɛk ɛbhɛ wo zɔng ndɔ ɛzay ya nɛ ninyi sɛ ne iphɔrɔt da.”

iRooma 1:3

iBol iYɛnɛng ngge kaa ne so daa ɛNgɔn ɛbhɛ, ɛhaa ne ndɔ ne ibol ne ibek ɛten ɛsii, i kɛ yɛk ɛbhɛ ndɔ ne icwaang ɛDoda.

iRooma 10:12

Ɛlɛy, sɔng niYahodawa na ne labhe nɛ ninyi na ne hame nibhɛ soye niYahodawa na nang. ɛDaray ɛdaan nɛghaa wo ɛbhɛ so ɛDaray ninyi na gbik, ɛbhɛ ɛ ne ta sit gbik ɛnyi gha ne ɛ kɛ yel-le ndɔ ne irywɛɛk ɛbhɛ ne ɛwɛng gbom.

1 iKɔrɔntos 8:4

Daa ne bol ne ire de ne kɛ nang igunkyi de nang, njwɛɛn i yɛɛ sɔng idɛ igunkyi ɛzay yɛdee wo bok iken nang. Njwɛɛn i ta yɛɛ wu ɛTaanggbey ya so ɛdaan zɔng wɛlɛng ɛdɛng dɔng.

1 iKɔrɔntos 8:6

gbik ne iphɛ ɛlɛy, ɛlɔ njwɛɛn na, ɛTaanggbey ya ne so ɛdaan. Ɛbhɛ ɛ so, ɛTaa gha ne ɛ kɛ ryɔng nikɔn na gbik, ɛhaa ne ishwɛɛ njwɛɛn da lenɛ ne ɛbhɛ, ɛDaray ya ta so ɛdaan, ɛbhɛ ɛ so ɛYɛso ɛKiriti gha ne kɛ lenɛ ne ɛbhɛ i ryɔng nikɔn na gbik, i ta lenɛ ne ɛbhɛ njwɛɛn sonɛ wo.

iGalatiya 3:20

ɛTaanggbey ya ne so ɛbhɛ ɛdaan zɔng, sɔng ɛShara gha kaa ne ku le daa ɛlɔ ɛbhɛ ɛ yɛɛs ɛlɔ ninyi na nang. Ɛ kaa roos ɛhaa ɛceree ɛ yɛɛs.

iFisus 4:6

ɛTaanggbey ɛdaan, ɛbhɛ ɛ soye ɛKyɛɛ ninyi na gbik, ɛDaray gbik, ɛɛ mɔn ɛtomɛ ndɔ nikɔn na gbik, ne ɛ so ndɔ nikɔn na gbik.

1 ɛTimɔti 6:13

Nzi bol ne igyɛ ɛnu ɛyisɛ ɛTaanggbey ne ɛbhɛ ɛ naas nikɔn na iken de gbik ko gbik ne ɛnu ɛyisɛ ɛYɛso ɛKiriti ne ɛ kaa nang ishɛɛda iyɛnɛng ngge ɛnu ɛyisɛ ɛBilatus ɛBuntus sa.

iBirani 12:24

ˆƐ kɛ yɛɛs ɛn ɛlɔ ɛYɛso ne ɛbhɛ ɛ kɛ kyinak ɛceree ninyi ne ɛTaanggbey ndɔ ne ìtsɛm ihywas de ne kɛ rop. ˆƐ kɛ yɛɛs ɛn ɛlɔ neyi ɛYɛso ne kɛ phyimɛ. Neyi nɛ nibhɛ bol ivol ne ifɛ phyin ivaa neyi ɛHabila na.

iBirani 7:25

iPhɛ ɛlɛy, aa ne yɛɛ ne phɔt ninyi na wɛlɛng ɛgak. Ninyi na nɛ nibhɛ kɛ yɛɛs ɛlɔ ɛTaanggbey ya lenɛ ne ɛbhɛ wo, daa ɛli ne ɛ ku so ɛken, ɛɛ bol ne ɛTaanggbey ya ɛlɔ nibhɛ cɛcɛɛy.

iBirani 8:6

ɛLyilyɛghaa wo, kɛ ne nang ɛYɛso yegha ɛtomɛ nibo gha ne ɛ phyin ne iyɛnɛng, te ɛli ne ibol ne rop ìtsɛm ne byinki ninyi na ne ɛTaanggbey ya, ne ɛbhɛ ɛYɛso gha so ɛhaa ɛceree yɛwo phyin ne iyɛnɛng ngge. iBol ne rop ìtsɛm mɛdee nggyɛ wo ne phyin ne iyɛnɛng ngge daa ɛli ne kɛ rop iphɛ daa nikɔn nɛ nibhɛ phyin ne iyɛnɛng.

iBirani 9:15

iPhɛ ɛlɛy, ɛKiriti gha ɛbhɛ ne so ɛhaa ɛceree ne ibol ne rop ìtsɛm ihywas de ne ihywɛ kɛ byinki ninyi na ne ɛTaanggbey ya, tɛ ninaa ne kɛ ku yel-le wo say isha ne inat de ne ɛTaanggbey kɛ ku sim-mɛ wo. iPhɛ kɛ te ɛlɛ wo daa ɛli ne ɛKiriti gha kɛ ku te ɛ phɔt ninyi na ndɔ ne ɛfɔt to nɛ nibhɛ kaa mɔn nten de ne ibol ne rop ìtsɛm itsɛl de kaa sonɛ wo.

1 ɛYohana 2:1

Nyinɛn ninɔn nge ne nzi sim, nzi haa nyini ɛwee yɛwoo wo ɛlɔ ne ˆaa yung mɔn ɛn ɛfɔt. Wu ɛdɛ mon kɛ ne jung mɔn ɛfɔt to, njwɛɛn ne bok ɛhaa ne kyinak njwɛɛn nɛ ɛnu ɛyisɛ ɛTaa gha, kaabi ɛYɛso ɛKiriti gha ne ɛ so cik ko.

Nikɔn ne kɛ Phaal 1:13

Ne n ji yaang ɛdɛ ɛnyi gha ɛceree yɛ ne ɛ so te ɛNgɔn ɛNyi ndɔ ne ɛtura ɛdɔrɔng ɛbhɛ bhɛ hɔn ɛduu ne ita, ɛ ji rop bhe ɛgagha ne izinariya ɛgyɛy.