1 ɛTimɔti 2:4 - ɛWee ne ìTsɛm iHywas

⁴ ɛTaanggbey ya ne ɛ sim te gbik ninyi na sɛɛ sɛ iphɔrɔt da, nibhɛ ta seng itin de.

1 ɛTimɔti 2:4 Iomraidhean Croise

ɛMacu 28:19

iPhɛ ɛlɛy, ne ɛ cwi ɛn ɛbhɛ tɔng ɛn igbagha ɛzay yo gbik wu tɛ roos me, nibhɛ tes en ninɔn ne icwam nge, ɛ yaak ɛn nibhɛ ne ibatisima de ndɔ ne irywɛɛk ɛkyɛɛ, ne irywɛɛk ɛNgɔn ne ihoo ne iKabyik ɛTaanggbey.

ɛMarakus 16:15

ɛYɛso gha ne yaak nibhɛ, “Cwi ɛn ndɔ ɛzay ya gbigbik, te ɛbhɛ tɔng ɛn igbagha wo gbik ibol ɛyɛnɛng ngge.

ɛLuka 1:77

Te ɛ tɔng ninyi ɛbhɛ na ɛ yaak nibhɛ wu sɛ phɔt nibhɛ, nten de ne kɛ hana nibhɛ ne ɛfɔt nibhɛ wo.

ɛLuka 14:23

“ɛKyɛɛ ne ijwee gha ne ta yaak ɛkpuru ɛbhɛ gha, ‘Ta kyii ˆɛ roos igbaang nkpiinɛ ne ishwɛɛrɛng ngɛ gbik, ˆɛ yeres ninyi na, te ijwee nge wo ne yɛɛs nɛ ninyi na hywet.’

ɛLuka 24:47

ndɔ ne irywɛɛk ɛbhɛ wo ne sɛ ne tɔng igbagha wo gbik ibol ne san ɛbɔk ge, ne idee ne hana ɛfɔt. Sɛ ne tsa ne iYɛrushɛlɛm.

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

ɛYohana 17:17

Te nibhɛ wɛwɛy ne itin de, daa ɛli ne ibol mo de so itin nɛ.

ɛYohana 6:37

Gbik ninyi na ne ɛKyɛɛ nge gha kɛ ne ku nang me wo, nibhɛ yaa ne yɛɛs ɛlɔ nge gha, ɛhiha ɛnyi ne ɛ kɛ ne yɛɛs ɛlɔ nge gha sɔng naa ne mbaray me ɛbhɛ nang.

iRooma 11:14

Nzi mɔn ɛlɛ wo, te nzɛ n yaang nigwaa nge niYahodawa na kɛ yɛk ɛnkyis te ne lenɛ ɛlɛy i phɔt nidɛng ndɔ nibhɛ.

1 ɛTimɔti 4:10

iPhɛ phɛ kɛ te njwii sɔ nggbang njwii kyangase ne ɛtomɛ gha daa ɛli ne njwi kɛ sit irwisɛ daa ɛTaanggbey ne iKen, ne ɛbhɛ so ɛHaa ne Phɔt ninyi na gbik, yang ji so ninaa ne ìnang ne itin na.

2 ɛTimɔti 2:25

Te ɛ mɛmɛ ninaa ne iphup ne imɛmɛ ɛbhɛ da nɛ ndɔ ne ihywɛɛ, yaa rɔk lenɛ ɛlɛ wo ɛTaanggbey ya nang nibhɛ ɛnkiinɛ nibhɛ san ɛbɔk, nibhɛ seng itin de.

2 ɛTimɔti 3:7

iHywee nikuk kɛnaa nggyɛ wo i saghe ne mɛmɛ nɛ nikɔn niphas cɛcɛɛy, gbik ne iphɛ ɛlɛy, sɔng nibhɛ kɛ ne seng itin de nang.

ɛTitus 1:1

ɛWee yɛwoo wo le ɛlɔ ɛBulus, ɛkpuru ɛTaanggbey ne ɛngɔn ne tom ɛYɛso ɛKiriti. Kɛ kasa me i tom me te n phyik ìnang ne itin ninaa ne ɛTaanggbey kɛ kasa, n da tɔɔrek nibhɛ ɛnkiinɛ ne seng itin de ne iphɛ yaa tɔɔrek ɛli ne yaa shɛɛ ishwɛɛ ne ifɛ yaa nang ɛTaanggbey ye irway ihwala,

ɛTitus 2:11

Daa ɛli ne ɛTaanggbey ya kɛ tɔɔrek izɛɛng ɛbhɛ de tɛ ninyi na gbik sɛ iphɔrɔt.

iBirani 10:26

Wu njwɛɛn kɛ ne re ɛnu ɛyisɛ ne mɔn ɛfɔt ne igan no ɛtsim mɛ ne njwɛɛn kɛ seng itin de, sɔng idɛ hap itsanga de ne ta sonɛ ne tang ta hap ɛlɔ ne ɛfɔt to nang.

ɛYakub 3:14

Wu ˆɛ boos ɛn ɛnkyis sa ne sim ito de ndɔ ne irway mon da, sɔng ne ˆɛ hal ɛn ɛggyɛy wu ˆɛ so ɛn ninyi ne ntsɛntsɛng nang. Wu ˆɛ kɛ mɔn ɛlɛ wo, ˆɛ kɛ ne hyere ɛn itin de iphɛ kɛ teye irywɛɛk.

2 ɛBiturus 3:9

Nidɛng i bo wu ɛTaanggbey ya so hyɔl ne shwaak ibol de ne ɛ kɛ ku sim-mɛ wo. Sɔng iphɛ ne so ɛlɛy nang. ɛTaanggbey ya bok ɛbɔk ne nyinɛn, ɛ sim te ɛrɔngɔ sɛ san ɛbɔk. Sɔng ɛ sim te ɛnyi ɛdaan sɛ ku nang.

2 ɛYohana 1:1

ɛWee yɛwoo le ɛlɔ ɛndiinday ɛYohana, ɛbhɛ phɛɛs ɛlɔ ɛgyinɛ ne ijwee ne ɛTaanggbey kɛ kasa gbik nɛ ninɔn ɛbhɛ ninaa ne nzi sim gbom. Sɔng mee zɔng nzi sim nibhɛ wo nang, gbik nɛ ninyi na nɛ nibhɛ ma yɛɛ itin ne bol ɛTaanggbey de.

Nikɔn ne kɛ Phaal 14:6

Ne n da yaang ɛdɛ ɛmalɛka gha dɔng, ɛɛ tel ɛceree ne irywa ne ivel, ɛ bok iBol iYɛnɛng ne inat ne aa tɔng ninaa ɛzay ya. Aa tɔng igbagha ɛzay yo, ne itaang ɛzay de, ilwem ɛzay da, ne ihywee ɛzay de gbik.