1 ɛTimɔti 2:1 - ɛWee ne ìTsɛm iHywas

¹ Naa tsa n yaak nyini, te roro ne ɛTaanggbey, i bol ne ɛbhɛ, i phomos ɛbhɛ nikɔn, i tɔɔsel ɛbhɛ irway ihwala ɛlɔ ninyi na gbik.

1 ɛTimɔti 2:1 Iomraidhean Croise

ɛTomɛ 17:30

Ne ile de, sɔng ɛTaanggbey ya kaa bak ninyi na nggbang daa ne ibol ne re nihak nikɔn na ntsong ngga nang, daa ɛli ne sɔng nibhɛ kaa yɛɛ nang. ɛLyilyɛghaa wo, ɛTaanggbey ya ne ji bo tɛ ninyi ɛzay ya gbik hyereey nibhɛ san ɛbɔk.

iRooma 1:8

Naa tsa n tɔɔrek ɛTaanggbey irway ihwala lenɛ ne ɛYɛso ɛKiriti gha daa mon no gbik, daa ɛli ne i tɔng ngka ne ìnang ne itin de mɔn ndɔ ɛzay ya gbik.

iRooma 6:17

N bok irway ihwala ne ɛTaanggbey, ɛ kaa so ɛn nyini ne nikpuru ne ɛfɔt, ɛlyilyɛghaa wo, ɛ kɛ ne yaa roos ɛn itin de ne kɛ tɔɔrek nyini ndɔ ne imɛmɛ da ne kɛ mɛmɛ nyini nɛ wo ne irway mon gbik.

1 iKɔrɔntos 15:3

ɛKɔn na ne ɛ shɛs gbik ndɔ nikɔn na ne nggɛ say yo ɛbhɛ ne nzi ne ma tɔng nyini. Ɛbhɛ ghaa lɛ, ɛKiriti gha kaa ku ɛlɔ ne ɛfɔt njwɛɛn, ɛli ne kɛ haa ndɔ ɛWee ne iBol ɛTaanggbey yo,

2 iKɔrɔntos 8:6

Ne sɛ njwi kɛ yaang ɛlɛ wo, njwi ne roo ɛTitus segha ne ɛbhɛ ɛ kɛ ku tsa ɛtomɛ ne ìnang ngɛghaa wo, te ɛ re ɛnu ɛyisɛ.

iFisus 3:13

iPhɛ ɛlɛy, nzi ne roro ne nyinɛn, sɔng ˆɛ te ɛn kyɔkyɔt daa ne nggbang ngga ne nzi sɔ ɛlɔ mon na nang. Nggbang nge da so te iphɛ phyik nyini.

iFisus 5:20

Tɔɔsel ɛn ɛTaanggbey ye ne ɛ so ɛTaa irway ihwala cɛcɛɛy, daa nikɔn na gbik ndɔ ne irywɛɛk ɛDaray njwɛɛn ɛYɛso ɛKiriti.

iFisus 6:18

Te nɛ i bol ɛn ne ɛTaanggbey cɛcɛɛy ɛli ne iKabyik ge i hyel ne nyinɛn. Bol ɛn ɛTaanggbey ya daa nikɔn na gbik ne ɛ sim ɛn. Shɛɛ ɛn ɛkanang te ˆɛ nang ɛn ihwet mon daa ne bol ne ɛTaanggbey ya daa ninyi ɛbhɛ.

iFilibi 1:3

Gbik nten de ne nggɛ taate ne nyinɛn no, nzi ne tɔɔrek ɛTaanggbey ye irway ihwala.

iFilibi 4:6

Sɔng ˆɛ sap ɛn ɛkɔn nang. Yang mɔng ɛn ɛTaanggbey yegha gbik nikɔn na ne ˆɛ sim ɛn ndɔ ne ibol ne ɛbhɛ, roo ɛn ɛbhɛ ne irway ihwala.

1 iTasɔlɔnika 3:12

Tɛ ɛDaray yɛk ngɛ ˆɛ hante ɛn nyini nɛ ndɔ ne ishwim ne ˆɛ bok ɛn ndɔ mon nɛ ninyi na gbik, te ishwim mɛ hɔn ifɛ ngisit gbom ifɛ te ɛli ne ishwim ba ne njwi bok ne nyinɛn no so.

2 iTasɔlɔnika 1:3

Nigwaa en, iphɛ so nggbinggbing, njwi tɔɔsel ɛTaanggbey yegha irway ihwala cɛcɛɛy ɛlɔ mon na. iPhɛ kɛ jam njwi mɔn ɛlɛ wo, daa ɛli ne ìnang ne itin mon de i hanas se nɛ, ishwim ba ne ɛrɔngɔ bok daa ɛrɔngɔ gha i ne ma hanas se nɛ gbom.

1 ɛTimɔti 2:4

ɛTaanggbey ya ne ɛ sim te gbik ninyi na sɛɛ sɛ iphɔrɔt da, nibhɛ ta seng itin de.

1 ɛTimɔti 5:5

ɛKusang nga ne ɛ sang ɛhaa ne iphyik ka i ne sit irwisɛ daa ɛTaanggbey, ɛ bol ne ɛTaanggbey ya ne igbey ne ɛtuk, te ɛTaanggbey ya phyik ɛbhɛ.

2 ɛTimɔti 2:24

Sɔng ɛhaa ne mɔn ɛtomɛ ɛDaray ya teye ɛhaa ne boos izok ge nang; te ɛ yang teye ɛnyi ɛyɛnɛng ɛlɔ ninyi na gbik, ɛhaa ne yɛɛ ne mɛmɛ ninyi nɛ ne ɛhaa ɛbɔk.

ɛTitus 2:11

Daa ɛli ne ɛTaanggbey ya kɛ tɔɔrek izɛɛng ɛbhɛ de tɛ ninyi na gbik sɛ iphɔrɔt.

ɛTitus 3:2

Sɔng nibhɛ bol ivol ikpɛɛ daa ɛnyi nang. Tɛ nibhɛ bok irway ne laal, nibhɛ shɛɛ hywɛɛ, nibhɛ laasek itso nibhɛ ɛlɔ ninyi na gbik.

iBirani 6:11

Njwi sim te ɛrɔngɔ sɛ tɔɔl ihywee ɛtomɛ yɛdee wo ɛ phyii bhɛ hɔn itaal lɛ te iphɛ ne te nyini ɛ sɛ ɛn nikɔn na ne ɛ kɛ sit ɛn irwisɛ da.

ɛYakub 5:16

iPhɛ ɛlɛy, te ɛrɔngɔ ne i tɔng ɛrɔngɔ ɛfɔt ɛbhɛ, te ɛrɔngɔ i boote ne ɛTaanggbey ya daa ɛrɔngɔ, te i tes nyini niken. iBoote ne ɛTaanggbey ya ne ɛnyi ɛcik ka kɛ boote wo bok ihwet, ifɛ i ne ta mɔn ɛtomɛ gbom.