1 ɛTimɔti 1:3 - ɛWee ne ìTsɛm iHywas

³ Nzi sim te ˆɛ sɛ shɛɛ ne iFisus de, ɛli ne ngga mɔng ngɛ nten de ne naa phɛ ne iMakyidɔniya de. Nidɛng ninyi na so ne iFisus de nɛ nibhɛ i mɛmɛ ninyi na ne ivol ne irywɛɛk, nzi ne sim te ɛ sɛ yɛk nibhɛ nɛ nibhɛ kɔɔnge.

1 ɛTimɔti 1:3 Iomraidhean Croise

ɛTomɛ 18:19

Nibhɛ ne bhɛ tuu iFisus, ɛBulus sa ne tek ɛKyila yegha ne ɛPirisila gha ɛnggyɛ wo, ɛ ji bhɛ lel ndɔ ne ijwee ne itɔɔy yo ɛ bol nibhɛ ne i wɛɛ ibol lɛ nɛ niYahodawa na.

ɛTomɛ 18:21

Ne sɛ ɛBulus sa yaa bo nikɔn, ne ɛ yaak nibhɛ, “Nzɛ ta bhɛ kyii n yɛɛs ɛlɔ mon na wu ɛTaanggbey kɛ sim me nɛ, ne ɛ ji tek iFisus de ɛ hyel ndɔ ne ɛgyirigyi inɛn.”

iRooma 15:26

Daa ɛli nɛ ninaa ne iroos ne iMakyidɔniya nɛ ninaa ne iKaya kɛ nang iphyik ne irway ihwala te bhɛ phyik ninaa ɛTaanggbey ya nɛ nibhɛ so nihala na ne iYɛrushɛlɛm be.

iRooma 16:17

Nigwaa ɛn, nzi bok nyini te ɛ wɛɛ ɛn nyini yɛnɛng ɛlɔ ninyi na nɛ nibhɛ te nyini ɛ hosop ɛn nyini wo, nibhɛ yɛɛset ne imɛmɛ ifas ne ifɛ soye nikɔn kyibhɛ nɛ nibhɛ labhe nɛ nikɔn na ne kɛ ku mɛmɛ nyini nɛ wo. Shɛɛ ɛn kyakyak nɛ nibhɛ!

2 iKɔrɔntos 11:4

Daa ɛli ne ɛ bok ɛn ihywarat ne say ibol nihak ninyi nɛ nibhɛ kɛ yɛɛs ɛlɔ mon na. Ɛ say ɛn mɛmɛ nibhɛ daa ɛYɛso gha ivaa ne ifɛ labhe ne ivaa ne njwi kɛ tɔng nyini wo, ɛ ta say ɛn ihak ikabyik ne iphɛ labhe ne idee ne ɛ kɛ ku say ɛn no, ɛ ta say ɛn ihak ibol iyɛnɛng ne iphɛ labhe ne idee ne ɛ kɛ say ɛn ɛlɔ mos sa.

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

iFilibi 2:24

Wu ɛDaray ya kɛ sim, mee wo ne ito nge naa ne yɛɛs ɛlɔ mon na sɔng ne bees nten nang.

1 ɛTimɔti 4:11

Mɛmɛ nɛ nikɔn nɛnaa wo, te ne ɛ yɛk ngɛ ninyi na mɛmɛ nɛ.

1 ɛTimɔti 4:6

Yaa sɛ ˆɛ kɛ mɛmɛ nigwaa na nɛ nikɔn nɛnaa wo, ˆaa ne teyɛ ɛkpuru ɛyɛnɛng ɛYɛso ɛKiriti gha. ɛHaa ne ɛ kɛ hɔn ndɔ ne ibol ne ìnang ne itin de gbik ne imɛmɛ iyɛnɛng ngga ne ˆɛ roos so.

1 ɛTimɔti 5:7

Tɔng ninyi na nɛ nikɔn nɛ na wo, ɛlɔ nɛ nibhɛ yaa yung teye ɛkɔn ne tok ɛnu ɛyisɛ ninyi na.

1 ɛTimɔti 6:10

Daa ɛli ne sim ijam be gbom mo iphɛ phɛ soye ɛtum ne ibebhe de hywee-hywee. Tɔk iryat de gbom mo kɛ te ɛbyin ninyi na kɛ hana ìnang ne itin nibhɛ de, nibhɛ kɛ hɔ ito nibhɛ irway ishwii gbom.

1 ɛTimɔti 6:17

Kpɛng ninaa ne iryat ndɔ ɛzay yɛghaa wo, sɔng nibhɛ tɔɔk ito, nibhɛ kyii ne irway nibhɛ daa ne iryat de ne ihywɛ so te igbil lo ne ifɛ phebhe wo nang. Tɛ nibhɛ ne yang sit irwisɛ daa ɛTaanggbey ne ɛbhɛ naas njwɛɛn nikɔn na walala te njwɛɛn i phok iyɛnɛng ngɛ.

1 ɛTimɔti 6:3

Gbik ɛnyi gha ne ɛ mɛmɛ ne idɛ imɛmɛ da kang ne ifɛ kɛ sang roos ɛtsim ne ɛnting ne ibol ɛDaray njwɛɛn ɛYɛso ɛKiriti de, ifɛ sang ta so kancɛng ne imɛmɛ ne roos ɛTaanggbey da,

2 ɛTimɔti 1:18

Te ɛDaray yɛk ngɛ ɛNisipharus sa sɛ isan iyɔm ɛTuk ɛDaray ya. iGyɛ wo ˆɛ yɛɛ ihywee ne phyik ga ne ɛ kɛ phyik me ne iFisus de.

2 ɛYohana 1:7

Nidɛng ninaa ne wul irywɛɛk ka, nɛ nibhɛ i bo wu hang ɛYɛso ɛKiriti gha kɛ yɛɛs ɛzay ndɔ ne ibek ɛten ɛsii de, kɛ ne shwalat ndɔ ɛzay ya ɛlyilyɛghaa wo. iHywee ninyi yɛdee nggyɛ wo nɛ nibhɛ luk ninyi na soye ninaa ne iphup ɛKiriti na.

Nikɔn ne kɛ Phaal 2:14

Gbik ne phɛ ɛlɛy, ne ɛ jung bok nidɛng nikɔn na ncɛt daa ne ito mo ne hame nzi sim. Nidɛng sonɛ ndɔ mon no nɛ nibhɛ kɛ roos ihywee ne imɛmɛ ɛBalamu, ne ɛ kaa mɛmɛ ɛBalak ghe nɛ ɛ te niSɛrɛla na mɔn ɛfɔt, nibhɛ re ire ne kɛ hap igunkyi ne itsanga, nibhɛ ta i ra nzangas.

Nikɔn ne kɛ Phaal 2:20

Gbik ne phɛ ɛlɛy, ne ɛ jung bok nidɛng nikɔn na ncɛt daa ne ito mo ne hame nzi sim. Ɛ kɛ sim ibol ɛkuk ge ne i bok ɛbhɛ ɛJɛjɛbhɛl la, ne ɛ yeres ito ɛbhɛ de ɛnɛbi gha. I lenɛ ne imɛmɛ ɛbhɛ ne ɛ dyɛɛl nikpuru nge na nibhɛ ra nzangas, nibhɛ ta hap igunkyi itsanga.