Yone 2:1 - Edolo Bible

¹ Segeyo äudä nelolahilä osodagi, Disiligi Galiliïe Gaina segea ami, dolö afädëïe udia ifosebea Yesuïe emea amo bea asi.

Yone 2:1 Iomraidhean Croise

Madiu 12:46

Yesuea udia dolö gegedoi nefolalo amolima adosa nebegimu, ïe eme edoolali segea nea, ebalä ado adomolöïe maala nefolalo.

Yone 1:29

Amo aiyo amogi, Yonea Yesu e neebea maasebe amo bealahilä sähalea, Bimo. Egoweda Godeïe Sugua Sibi Malömelë. Goeada udia dolö sege föi sulubadelagi nefolalebe amolile nafade hamoi amo hësa maademolömelë.

Yone 1:35

Amo aiyo amogi, Yonege ïe bëgëla aulo äudä amolege bu amimu nelo.

Yone 1:43

Amo aiyo amogi, Yesu e Galili moholö helësëi. E awäla Filibi gausialahilä ema sähalea, Ne bëgëla misiëla säi.

Yone 2:11

Yesuea dolöea hamomolöi made gadoi dafidi mi gäwila hamoi amoda, Disiligi Galiliïe gaamu Gaina amidale hamoi. Ea amo hamoi amoda, ïe geloi hïdo elöi dilo amo olei. Amala hamosebegi, ïe bëgëla aulo amolia ema asigi afädë negei.

Yone 21:2

Saimono Fidage, Domasa ïe ëi elö Didimusige, Galili segeïe gaamu Gaina ami fii Nadanalege, Sebediïe malö äudä amolege, ïe bëgëla aulo äudä elölege, ili ami gedola nefolalo.

Yone 4:46

Yesu e Disiligi Galiliïe gaamu Gaina ami dafidi ödäfalï neala wani ödä hamoia ami bu awäla besela galai. Segeyo amo galada, giniïe gusigusiïe efege Gabaniama gaamugi ami oloi dilo.