Yone 1:1 - Edolo Bible

¹ Ado eda mi gäwilafalï siiba nelo. Eda Godebalä nelo. Ado hï eda Gode nelo.

Yone 1:1 Iomraidhean Croise

Madiu 1:23

Bea säla negei amoda gowe. Dolïsä dolöbalä made nawelo afädëa fagulo hagui sulolahilä, dolö malö neegela ägümolömelë. Malö amoïe ëi Emanuale negemolömelëla säla dëdëla negei dialea. Ëi amoïe mida gomalä, Gode nilïbalä nea. Aisaea 7.14

Yone 1:14

Ado eda dolö domalola digala, nilïbalä wi nelo. Nilïbalä wi nebegida, ïe yo digaloge ïe geloige hïdo elöi amo nilïa melïmelë. Eedoïe malö emu nea, ugila negelole ado dofäle ema nobala, ïe yo digaloge ïe geloige hïdo elöi dilo amo nilïa melïmelë.

Yone 1:18

Afädëa Gode dofä made melï gaso, ïe Malö afädëfalï amea Gode e nilïma ulufala olei. Malö amoda dofä Gode. Eda Eedobalä dila nea.

Yone 1:2

Eda mi gäwilafalï, Godebalä siiba nelo.

Yone 16:28

Naado neebeala maala nagadaiawi digala neawe. Oböla walioda, sege we dïgïla Naado neebea bu obëgësamelëla säi.

Yone 17:5

Naado-o, siiba naga föi we made hamola ne dibalä nea, nïe ëi ilibia nelo amo gadola, dïe siigi ëi ilibia nelo amo bu ïmalo.

Yone 20:28

Amala säsebegi, Domasaea ema säla obëgësalea, Nïe Dafidilo Geloi, nïe Godela säi.

Yone 8:58

Amala nabasebegi, Yesuea ilima sähalea, Na dilima dofä gelola sähago. Neda Abalahama maadeia Ne Nelo amo Neawemelëla säi.

Golosi 1:15

Nilïa Gode made melëlo gaso, ïe malöda Gode hï e gadoi nea. Eda ïe malö abulümi neada, Godea hamoi dibe neebe sebe amo sulubadelaïe busa nea.

Golosi 1:17

Amoli sulubadelada dafidi nelo made, Geleso e dafidi nelo amo nea. Sulubadela dibe neebe sebe amolige, made balälemäia gaula aligilo nea.

Age Dimodi 3:16

Godeïe ado mi dafidi ulufadigila made, negesi dilo. Amoda geloi edefade gelola dibe amo afädëa iso gäwi made gabula sämolöi mademelë. Eda dolö domalola ulufala digai. Godeïe Gesamia e mogoifalï neamelëla olei. Selesaia fiia e melï. Ïe ado mala fii odoama säla ï. Udia dolö sege elö elölagi nefolalo amolia ema asigi afädë negei. E selesaia mosöa yo digalo dibea ami fedalasimelë.

Daidasa 2:13

Nilïa nagadaiawi amala hamosa nea, nilïa asigia sisiläfülo amo misiäia beaha nefolaleamelë. Amoda nilïle damula aulo Gode edefade Yesu Gelesoea ïe yo hïdo elöi digala ulufadigimäia beaha nefolaleamelë.

Age Yone 5:20

Godeïe malö nagadaia digai amo nilïa dawadigi nea. Nilïa Gode dofä neebe amo dawadigimäia ea dawadigilo amo nilïgali ï. Nilïa dofä Gode neebe amoma dila, ïe malö Yesu Gelesomage dila nefolalea. Gode eda dofä nea. Namolöi namolö amoda hï e gelola nea.

Age Yone 5:7

Ohodoa ilia dofä amala misila säla ïaha nea.