Yamese 1:12 - Edolo Bible

¹² Udia dolöea yöi gaula, aso maadela, gelola aligisebe amoliada, obeägïsa nea. Mida, ilia fologola made, gufula aligiseda, namolö gähe bidi amo nimolömelë. Godea e boba hamoi nefolalebe amoligali bidi ïmolömelëla säi amo ïmolömelë.

Yamese 1:12 Iomraidhean Croise

Madiu 10:22

Nïe ëigi nefolalebego bealahilä, sulubadelaea dilima bimolö habobamolömelë. Amai gaso, afädëa aso maadela, wagamäialahilä gelolamu aligiseda, e damula moholömelë.

Madiu 25:34

Amo gala, beaha aligilo Ginia ïe dafädimadi nefolalebe amolima sähalea, Nïe Naadoea neala obeägïlasi dili-e, dili misië. Godea Beaha Maadela Sigi Neebea ami digamalo. Amoda sege föi dibe sulubadela mi gäwila hamoia amila dilile daiai dilo.

Agedu Dimodi 2:15

Godeïe siigi ïe hamoi hamolo nea, dia hamoi hamosebegoïe, ïe siigi hewala made, Godeïe ado mala dofä dibe amo gelolahilä, dofä hamosala helësëla, mogolafalï olelelo namialo. Godea dima obeägïlahilä, hedabola hamosa nelo gabula sämäia, amala hamosa namialo.

Agedu Dimodi 4:8

Hä, walio asigi mogoi neebe amoïe gini habuga gadoi bidida, nïe negesi dialeamelë. Dafidilo Geloi mogelo mogoi neebe amea segeyo daiala negei besela galasolo amo gala, bidi dibe amoda nihïma ïmolömelë. Amoda nemamu made, udia dolöea Dafidilo Geloi obëgëmäiala helësëla beaha nefolalebe amolimage, ilile bidi dibe amoge hilima ïmolömelë.

Yamese 2:5

Nïe nedoo nalifi obeägïlola dili-e, dilia hä, nabualo. Nagadaia udia dolöïe siigi busadäoi nefolalebe amolia asigi afädë negese amoïe, nelegei negelo gadoi namiäia, Godea ili memelei madele. Amase, Godea siiba säla negesalea, udia dolöea e dofä boba hamoi neebe amolida, ea beaha maadela sigi neebea ami sigi moholömelëla säla negelahilä, ea busadäoi neebe amolige ami namiäia memelei nea madele.

Yamese 5:11

Bimo. Ili së edefade naha nea gaso, aso maadela, gelola nea, obeägïsa nelomelëla nilïa sälo amoda dilia dawadigi gomelë. Dilia Yoboïe sedaluge nabelo amomelë. Yoboea yöi amoli gaula nea, aso maadela, gelola nebegi, Dafidilo Geloia hobeala ema hedabi hamoi amoda, dilia dawa amomelë. Bobasëloge, ugila negelasiloge, Dafidilo Geloima nobai nea.

Age Yone 4:19

Godea dafidi nilïdale boba hamoi amea nilïa boba hamosa nea.