Madiu 4:3 - Edolo Bible

³ E amala sïdëa baagosa nebegi, nafade hamomalalo fedogola melëlo busa amea maalahilä sähalea, Di Godeïe malö nea galëda, igi gowema wahalo hamomalamola säi.

Madiu 4:3 Iomraidhean Croise

Madiu 14:33

Amasebegi, ïe bëgëla aulo dudaia sefolalo amolia Yesuïe ëi gauia adalahilä sähalea, Dida dofä Godeïe malö nebegola säi.

Madiu 16:16

Amala nabasebegi, Saimono Fidaea säla obëgësalea, Afädë Memelei amoda dimelë. Dida Gode namolöi neebe amoïe malö nebegola säi.

Madiu 26:63

Amala nabasebegi gaso, Yesu e ado saula sulo. Amasebegi, gobela ïlo Busa Edefade amea ema sähalea, Gode namolöi neebe amoïe ëigi, dia nilïma fädäla sämola säha. Afädë Memelei amoda, dile. Dida Godeïe malölela nabi.

Madiu 3:17

Amo gaalu, selesaia mosöala ado afädë säia idogosalea, Egoweda nïe malö, na boba hamosa neawe. Ema edefademalä obeägïsa neawela säi.

Yone 1:34

Eda Godeïe malö neebe amo na melïmelë. Amo na dilima säla ïmelëla Yonea säi.

Yone 1:49

Amala säla ïasebegi, Nadanalea säla obëgësalea, Säla Olelelo-o, dida Godeïe malö. Dida Isilaleïe Ginimelëla säi.

Yone 20:31

Gaso, beba gowegi dëdësebeweda, Afädë Memelei amoge, Godeïe malö amoge Yesu gabula helësëla, ema asigi afädë negemäiage, amase, dilia ema asigi afädë negesa nea, ïe ëigi namolöi namolö gaula namiäiage, dëdëla negesawe.

Yone 9:35

Ilia e amala beselala fisimelëla säi amo nabalahilä, Yesuea dolö amo beagolelahilä, ema nabahalea, Diada Dolöïe Malö amoma asigi afädë negeilela nabi.

Abosolo 9:20

Beaha aligila made fodolofalï gedolo mosöa awäla nea, ea Yesuda Godeïe Efege neamelëla säla ïaha nelo.

Age Desalonaiga 3:5

Na beaha namolöda dofea made gabugi, dilia asigi afädë negeigo amalasi neebelela bimolöïe, Dimodi e mosalaigomelë. Na helësësaleada, fedogola melëlo mugabe Saidania, dilile asigi afädë negeigo fisimäia, dili säfe negesegi, nilïa hamoi hamosa nelo amo waeaseloeamelë.

Age Yone 3:8

Siiba mi gäwilafalï mugabe busaeada nafademu hamosa nelo. Amo gadola afädëa nafademu hamolo neebe amoge e sosogo nea. Ea nafademu hamosa nebegi, Godeïe Malöea mugabe busaea hamoi amo haila digimolöïe ulufadigila misi.