Madiu 3:11 - Edolo Bible

¹¹ Dili asigi besui ameada na dili ödäea gelasilomelë. Hobea ne baagia afädë moholö amoda, ne holöfalïmelë neebewe gadoi made, eda ilibia edefade neamelë. Na ïe emo usililo gaumolö dofea made neawe. Eada Eleloi Gesamiage, nulo söaeage dili gelasimolömelë.

Madiu 3:11 Iomraidhean Croise

Madiu 3:6

Ilia nafade hamoi amo säla sisiasebegi, ea ili ödä Yodonagi gesa nelo.

Yone 1:15

Yonea Adoïe säla ïaha nelo. Ea uuala sähalea, Dolö goda dafidi na dilima säla ïahalea, Ne baagia maase amoda, ne baagila asimelë. Mida, ne maadeia e dafidi nelola säila säi.

Yone 1:30

Dolö goda dafidi na dilima säla ïahalea, Ne baagia hobeala maase amoda, ne baagila asimelë. Mida, ne maadeia e dafidi nelola säla ï amoda egowemelë.

Abosolo 1:5

Yoneada ödäea gesa nelomelë. Segeyo ede made nelolahilä, dili Eleloi Gesamia gemolömelëla säi.

Abosolo 19:4

Amala säsebegi, Foloea säla obëgësalea, Yonea ilia nafade hamoi amoïe asigi besula ödägi gelo. Ea udia dolöma sähalea, Ne dafidi misi neamelë. Hobeala afädë moholö amoma dilia asigi afädë negemolö dialeala säi. Hobeala moholöla säi amoda Yesu hï e helësëla säila Foloea säi.

Abosolo 8:36

Ele idiafa awähalea ödä afädë dibea ami besela galala Idiobia dolö amea Filibima nabahalea, Bimo. Ödä dialea. Ne ödägi gemolö amo nelebo afädëa dofogamolöi gabulela nabi.

Abosolo 8:38

Amalahilä ea galo gaulo amoma beaha namiëlahilä, eege Filibige helegela ödägi digala aligilahilä Filibia e ödägi gelasi.

Daidasa 3:5

ea nilï damula asi. Amoïe mida, nilïa hamoi hedabi afädë hamosa nebegi made, ïe bobasëlo dilo amea, nilï damula asi gabio. Nilï nigime hëla, gähe neegela ägülasi. Amalahilä, Eleloi Gesamia nilï bedefalasila, namolö gähe ïala, ea nilï damula asi.