Madiu 11:3 - Edolo Bible

³ ema nabahalea, Afädë moholömelëla säi amoda dile, ma, nilïa elö beaha namolöledula nabi.

Madiu 11:3 Iomraidhean Croise

Madiu 11:10

Ïe helësëla, gomalä dëdëla negei dialea. Nabuö. Nïe ado säla ïlo amo, dïe dafidila mosalamolömelë. Di e baagia emesala nawemolöïe, ea dïe idi fodolasimolömelëla säla dëdëla negei dialea.

Madiu 11:4

Amala nabasebegi, Yesuea säla obëgësalea, Dili obëgëlahilä, ado nabi amoge, siia melï amoge, Yonema säla ïmalo. Sähaleada,

Madiu 21:5

Saionoïe idiwima sähalea, Bimo. Dïe beaha aligilo gini amoda di neebea maasebe. Hï e nagadaiala aligilo nea, sugua dögidaia fila maasebe. Sugua dögi üdïlidaia fila maasebegola sämalola säla dëdëla negei dialea.

Madiu 21:9

Udia dolö gegedoi amoli Yesu awäse amo gadola dafidila awäha nelo amoliage, hobeala maaha nelo amoliage, uuala säsäla awähalea, Agua. Nesege. Godeïe ëi gauia adadi. Debidiïe malöma sähago. Afädë Dafidilo Geloiïe ëigila maahago Godea e neala obeägïlasimäia. Hosana. E ilibia neebe amoïe ëi gauia adahala säsäla afiai. Gë Udälo 118.25,26

Yone 11:27

Amala nabasebegi, Madaea ema säla obëgësalea, Ä, Dafidilo Geloi-e. Dida Geleso, Godeïe malö nagadaiawi digamolömelëla säi amo gabugi, na asigi afädë negei neawela säi.

Yone 12:13

waibo bäu gadoi damula gagaula e idiafa gausiamolö afiai. Gausiala digalahilä obeägïla uuala säsäla afiahalea, Agua. Nesege. Afädë Dafidilo Geloiïe ëigila maasebego, Isilaleïe Gini go, neala hedabolasimäia. Nilïa ïe ëi gauia adadi. Hosanala säsäla afiai. Gë Udälo 118.25, 26

Yone 16:14

Ea nïe ado gaula maala, dilima säla ïmolömelë. Amala hamose ameada, nïe ëige, nïe geloige gauia adogomolömelë.

Yone 4:21

Amalebe, Yesuea ema sähalea, Udia-o, na ado säsebewe dia nimalo. Segeyo afädë besela galasegi, dilia segebidaiawi neamuge, amase, Yalusaleme neamuge, Naadoïe ëi made gauia adamolömelë.

Yone 6:14

Udia dolö amolia Yesuea dolöea hamomolöi made gadoi hamosebe amo bealahilä, säla didigahalea, Bea sälo nagadaiawi moholömelëla säha dilo amoda dofä go gabumelëla säi.

Yone 7:31

Amai gaso, udia dolö gegedoi amoligi yafiea ema asigi afädë negei. Amolia sähalea, Afädë Memelei amo maalahilä, ea dolöea hamomolöi made gadoi hamomolö amoda, dolö gowea hamosa neebe amo gadola, baagila awäla hamomolölela säi.