От Матфея 8:9 - Новый Завет на эскимосском языке

⁹ Қылӷикаюгмың умӣлылгӯңа ынка̄м хўаңалъю қылӷақанка пилъюўаҳтынка. Ата̄сиқ қылъқумкун: “Аӷуляқи” ага аӷуляқылъықуқ. Иляңа хўатын пикумкун: “Таги” тагилъықуқ. Қыпҳаҳтыка қылъқумкун: “Уна пӣҳтигу”, ага пилъықа̄».

От Матфея 8:9 Iomraidhean Croise

От Матфея 8:10

Иисусым нагалъюку сяӷӣӷаюкақ, ынка̄м югыт малигулъҳӣт лъңанун пикӣ: «Ипа уңипа̄тамси, налъя̄сигатуңа китумың алңунак Израилыӷмӣмың, ӯтун юхтун ухпықиныҳтуткалӷӣмың.

От Матфея 8:8

Иўырңа умӣлўа̄ӷым пика̄: «Атанық, итагнанӷитуңа лъпынун итыӷвиксяҳқа̄люңа мыңтыӷамнун. Лыган таўанлъютын на̄лъҳутысқигу қыпҳаҳтыка ынка̄м на̄лъҳулъи.

От Марка 1:27

Югыт сяӷӣӷаюглютың лъңитның а̄пқуӷа̄ӷуткат: «Уна сяңа̄ўа? Уна апыҳтӯсяӷраӷа̄гуқ! Кияӷныӷым аҳтуӷьяҳқа̄нӷилъҳакун ӯм югым қылӷӣ туӷныӷа̄т а̄нысқылъюки, лыган қа̄тка̄т».

От Луки 4:39

Такулюку қаваӷвиганун ныкывӷаӷми қуляңиӷлюку пуқлъыӷаңа ыфлъықуқа̄ ынка̄м пуқлъыӷаңӣткақ. Таўаниңинақ макылъюни кыпсӣқукӣ.

От Луки 7:8

Хўаңалъю умӣлылгӯңа қылӷикаюгмың ынка̄м асиңанитуңа умӣлыгма. Пилъюўаҳтынка асимнитут, ата̄сиқ қылъқумкун: “Аӷуляқи” ага аӷуляқылъықуқ. Иляңа пикумкун: “Таги” тагилъықуқ. Қыпҳаҳтыка қылъқумкун: “Уна пӣҳтигу”, ага пилъықа̄».

От Луки 9:1

Иисусым туқлъюқӣ қуля ма̄лӷук сӣпнықлъюку малихся̄ҳтыни. Қырңуӷусята аҳтуӷьяҳқа̄нӷилъылиқуқӣлъю, пилъыҳқалиқуқӣлъю югның а̄ныстысқылъюки қамахлъюки туӷныӷа̄т, на̄лъҳутысқылъюкилъю ақниӷныӷыт.

К Колоссянам 3:22

Қыпҳаҳтыля̄ӷни, ӣўлың қа̄ткылъюки пилӣтистыси. Ӣўлыңлъю ыфқуҳнақлъюки ысҳапагуӷңа̄та налиӷмың ысҳапагунӷитыӷңа̄та. Қыпҳа̄тыки ипапиҳқылъюси қаюҳлъяк таўатын қӯлва̄ңўа̄ҳси Атанық.

К Титу 2:9

Апыҳтуҳқи қыпҳаҳтыля̄ӷыт қа̄ткысқылъюки пилӣтыстыңит, ыфқуҳтыңъўа̄ӷысқылъюкилъю. Выӷуснаӷьяҳқақынӷитӣт,