От Матфея 8:4 - Новый Завет на эскимосском языке

⁴ Та̄хкын Иисусым пика̄: «Ўатаҳлъяк кина алңунак уңипа̄тыхпына̄н на̄лъҳутылъыҳпының, йыӷлыги агля̄ священнигмун ысҳаӷлигу на̄лъҳутылъҳын. Та̄хкын аҳқыша̄ҳа̄тын Моисейем Лӣлиҳтӯся̄н писқылъҳатун ипапиҳқысқылъюку на̄лъҳутылъҳын».

От Матфея 8:4 Iomraidhean Croise

От Матфея 10:18

Хўаңа апалъюқлъюңа, ныкывыслъықӣси сивуңитхун иглыӷутистытлъю, умӣлгытлъю. Ынка̄м лӣгикысяҳқа̄ҳлъықаҳпысиңа лъңитнунлъю, язычнигынунлъю.

От Матфея 16:20

Та̄хкын Иисус малихся̄ҳтыминун апыҳтыснаниӷўа̄қақ китумун алңунак Христосыңунилюни.

От Матфея 17:9

Укигуткылъюку на̄йӷамың Иисусым иныҳтыңъўа̄қӣ: «Китумун алңунак апыӷьяқуна̄н ысҳаӷўа̄лъық пинакыси кынляңа Иӷныӷа Югым уңуваҳтыкан туқулъыӷмың».

От Матфея 3:15

Иўырңа Иисусым пика̄: «Лыган ся̄қсин крестиӷыңа қаюҳлъяк таўатын пикумтуң апыӷӣҳлъықаҳпуң Кияӷныӷым пиюкылъҳа». Ынка̄м Иоанным крестиӷыка̄.

От Матфея 5:17

«Сюмыҳтаӷа̄ткыхпынаңа та̄қысяҳтӯнилюки атуқныӷмың Моисейем Лӣлиҳтӯсӣлъю ӯкналиқистытлъю апыҳтӯсӣт. Тагиңӯңа апыҳтӯткынъалюки ипа сямың писиҳпига̄таңи.

От Матфея 6:1

Иисусым апыҳтӯсяни нагныӷуткӣ: «Ўатаҳлъяк пинитун пилъыси ысҳаҳсяқыхпынаки. Ысҳаҳсяқыхкуфсики Атахпыси қилягмылңӯм акилыҳтуӷна̄нӷитӣси.

От Матфея 9:30

Ынка̄м ысҳаӷьягуткак. Иисусым иныҳтыңъўа̄ӷак: «Уңипаҳпынаси китумун алңунак».

От Марка 13:9

Иўырңа лъпыси кылыңалюси. Тугулюси агӷистынун агля̄лъықӣси. Синагогани кахсягмихлъықӣси. Хўаңа апалъюқлъюңа ныкывылъықуси сивуңитни иглыӷутистытлъю, умӣлгытлъю уңипаҳтыңулюси Пинилӷӣның Уңипаның.

От Марка 3:12

Иўырңа Иисусым иныҳтыңъўа̄қӣ туӷныӷа̄т кинаңутни апыфқа̄н писқылъюку.

От Марка 5:43

Та̄хкын Иисусым иныҳтыңъўа̄қӣ китумун алңунак уңипақыфқа̄н писқылъюку, пикӣлъю: «Ныӷьяҳқаҳаӷмың тӯнитыхӯ».

От Марка 6:11

Нынун ка̄скуфси упуӷатиңигалңуӷнун, налиӷмың нагасюгигалңуӷнун, унинъакыси та̄на нуна итыгаси пагуляңӣмӣта. Таўатын пикуфси кылыңася̄ҳлъықаси Кияӷныӷым аӷью̄лъыҳқа̄ның!»

От Марка 7:36

Та̄хкын Иисусым иныҳтыңъўа̄қӣ китумун алңунак уңипақыфқа̄н писқылъюку, иўырңа иныҳта̄таӷьистың ўата уңипақыхка̄т.

От Марка 8:30

Та̄хкын Иисусым иныҳтыңъўа̄қӣ: «Китумун алңунак апыҳпынаңа».

От Марка 9:9

Укигуткылъюку на̄йӷамың Иисусым уңипақыснаниӷўа̄қа̄ ысҳа̄тылъҳат кынляңа Иӷныӷа Югым туқулъыӷмың уңуваҳтыкан.

От Луки 17:14

Ысҳаӷьямики пикӣ: «Агляҳтык священнигынун ювӷӣӷысқылъюси». Иглыҳсималютың на̄лъҳуткат, укмаңӣткат проказамыхның.

От Луки 21:13

Та̄на пилъыҳқақаҳси уңипақысқылъюңа хўаңа.

От Луки 4:41

Туӷныӷа̄тлъю а̄нлыӷа̄ткат югның акилӷӯмаӷмың: «Лъпык Кияӷныӷым Иӷнықа̄тын!» Иўырңа аӷью̄қӣ, акузиснаниқӣлъю қаюҳлъяк лӣсимакыхкаңат лъңа Христосыңулӷӣ.

От Луки 5:14

Иисусым иныҳтыңъўа̄қа̄: «Кина алңунак уңипа̄тыхпына̄н, иўырңа агля̄ священнигымун ювӷӣӷысқылъютын. Та̄хкын аҳқыша̄ҳа̄тын Моисейем қылӷутылъҳатун ипапиҳқысқылъюку укмаңӣҳтылъҳын».

От Луки 8:56

Аңаюқакык сяӷӣӷаюкак, иўырңа иныҳтыкакык кина алңунак уңипа̄тыфқа̄н писқылъюку таўатын пилъыӷмың.

От Луки 9:21

Иўырңа Иисусым иныҳтыңъўа̄қӣ уңипа̄тыфқа̄н кина алңунак писқылъюку.

От Иоанна 5:41

Югнун усюқысюнӷитуңа.

От Иоанна 7:18

Кина алңунак апыҳтуӷилӷӣ лъми катам сюмыҳтаӷалъыӷминың қӯлвалъыңнақуткыңъӯқ. Иўырңа кина алңунак қӯлвалъыңыстинақуткылӷӣ каяхтикамун, акузиңӯқ ипапигмың, иқлъыңиқигатуқ.

От Иоанна 8:50

Қӯлвалъыңнақуткыңъунӷитуңа хўаңамның. Иўырңа Ата̄сӣгуқ қӯлваӷиюлӷӣ хўаңамның, лъңаңӯқ нанқихтияҳқақ ылъқуӷулъюни.