От Матфея 8:22 - Новый Завет на эскимосском языке

²² Иўырңа Иисусым пика̄: «Малихтиңа. Тама̄кут малигусюнӷилңӯт хўаңамнун туқука̄гут таӷныӷамыхтыхун; лъивыӷлитки туқумаслъӣтың».

От Матфея 8:22 Iomraidhean Croise

От Матфея 8:21

Иляңан малихся̄ҳтыңан пика̄: «Атанық, малихлъықамкын иўырңа сивуклъюку атака̄ лъивыӷьяҳтуқаӷлякун».

От Матфея 9:9

Та̄м киңуңаның Иисусым иглыӷуткылъюку ысҳақа̄ налогмың қырңуҳтистыңа, ақумлюни қыпҳаӷвигмини; Матфейеңуфтуқ. Пика̄: «Малихтиңа». Ынка̄м Матфейем ныкывлюни малихтыка̄.

От Марка 2:14

Иглыӷуткылъюку ысҳақа̄ налогның қырңуҳтиста, а̄тҳа Левий, иӷныӷа Алфейем. Ақумгафтуқ қыпҳаӷвигмини. Иисусым пика̄: «Малихтиңа». Левийем ныкывлюни малихтыка̄.

От Луки 15:24

қаюҳлъяк иӷнықа уна туқука̄ялӷӣ, уңува̄ма̄қ; ифлъяка̄ялӷӣ на̄лъкума̄қ”. Ынка̄м нықынӷаҳқыҳлъякат.

От Луки 15:32

Иўырңа қуялюта нықынӷаҳқыңъӯкут, қаюҳлъяк уна уюӷа̄н туқука̄ялӷӣ, уңува̄ма̄қ; ифлъяка̄ялӷӣ на̄лъкума̄қ”».

От Луки 9:59

Та̄хкын иляңа ю̄к Иисусым пика̄: «Малихтиңа». Иўырңа югым пика̄: «Атанық, малихлъықамкын иўырңа сивуклъюку атака̄ қуңуӷьяҳтуӷнақақа».

От Луки 9:60

Иисусым пика̄: «Тама̄кут туқукат қуңуӷлитки туқумастӣӷыт. Иўырңа лъпык, аӷуляқлъютын уңипақсяҳтуҳу Атаныҳпагулъҳа Кияӷныӷым».

От Иоанна 1:43

Уна̄миңани Иисус Галилеянъақумалӷӣ. Налъяӷлюку ю̄к а̄тҳа Филипп, пика̄: «Малихтиңа».

От Иоанна 21:19

Таўатын пилъыӷмикун Иисусым уңипа̄тңуфта̄ Петр натын туқуяҳқа̄таңа, ынка̄м туқулъыӷмикун қӯлваӷьяҳқа̄ Кияӷнық. Та̄хкын Иисусым пика̄ Петр: «Малихтиңа».

От Иоанна 21:22

Иисусым кӣмсиқа̄: «Кияҳтысюкумкун кынляңа тагилъымнун, агӷиткысяҳқақынӷитан лъпык. Малихтыңъинаӷңа».

К Ефесянам 2:1

Сивунӷани таӷныӷаси туқуңаяҳтут қаюҳлъяк қа̄ткумаңилъкыси Кияӷнық, сыӷлыҳқыстыңуяҳтусилъю.

К Ефесянам 2:5

Қайўа таӷныӷапут туқуңаяӷңӣта апалъюқлъюки сыӷлыҳқылъыпут, Кияӷныӷым уңуваҳтӣлъю малигулъюта Христосымун. (Югулика̄гуси Кияӷныӷым наңлъыкылъҳакун.)

К Ефесянам 5:14

Тама̄кын апалъюқлъюку югыт пика̄гут: «Қавалӷӣми, таҳтуҳа̄тын. Уңува̄ туқулъыӷмың ынка̄м Христосым кукыхлъықа̄тын».

К Колоссянам 2:13

Туқука̄гуси қаюҳлъяк сыӷлыҳқыстыңуялӷӣси, қаюҳлъяклъю обрезаниялъҳилңӯси югусиҳпысигун. Иўырңа Кияӷныӷым уңуваҳтыстыкақӣси Христосыкун қаюҳлъяк сыӷывуткақӣ қамахлъюки сыӷлыҳқылъыпут.

1е Тимофею 5:6

Иўырңа угиңиӷақ тыӷигниқңинақуми лъңаның ыфқуҳналюни, уңуваӷңа̄ӷми туқукастун аюқсяҳқа̄гуқ.