От Матфея 8:20 - Новый Завет на эскимосском языке

²⁰ Иисусым пика̄: «Кавӣӷыт рӣхтылгӯт, қаўа̄гыт уңлютылгӯт, иўырңа Иӷныӷа Югым иңаҳфигитақуқ».

От Матфея 8:20 Iomraidhean Croise

От Матфея 12:32

Китум алңунак кипулъыгмун сямың пикумигу Иӷныӷа Югым, сыӷывутылъыңьяҳқа̄гуқ. Иўырңа китум алңунак кипулъыгмун сямың пикумикык Аглыӷналӷӣк Таӷныӷак, сыӷывутылъыңна̄нӷитуқ ма̄тын кияҳта̄лъыӷми, налиӷмың тӯңлиҳа̄ни».

От Матфея 12:40

Иона иқалъюгрухлъягым ақсяқҳўанитка̄гуқ пиңают аӷныӷыт, пиңают унугыт. Таўатыҳпигақ Иӷныӷа Югым сямансяҳқа̄гуқ нунами пиңают аӷныӷыт, пиңают унугыт.

От Матфея 12:8

қаюҳлъяк Иӷныӷа Югым, Атанқа̄ Субботам».

От Матфея 13:37

Иисусым кӣмсиқӣ: «Ю̄к пӣтысиӷақақ пинилӷӣмың пӣтутмың, Иӷнықа̄ Югым;

От Матфея 16:13

Та̄хкын Иисус ка̄сями туңаңанун Кесария Филипповам, а̄птыкӣ малихся̄ҳтыни: «Югыт кинаңунӣқатху Иӷныӷа Югым?»

От Матфея 16:27

А̄пҳанка тама̄кут лъпысинун қаюҳлъяк Иӷныӷа Югым тагияҳқа̄гуқ Атаминың аҳтуӷьяҳқа̄нӷилъылиӷлюни яқулыхтӯмаӷми. Та̄хкын тамаҳа̄ ю̄к налъяңиҳтуҳлъықа̄ апыӷӣӷутылъҳатун.

От Матфея 17:9

Укигуткылъюку на̄йӷамың Иисусым иныҳтыңъўа̄қӣ: «Китумун алңунак апыӷьяқуна̄н ысҳаӷўа̄лъық пинакыси кынляңа Иӷныӷа Югым уңуваҳтыкан туқулъыӷмың».

От Матфея 19:28

Иисусым пикӣ: «Ипа пӣмси, нутаӷами нунами Иӷныӷа Югым ақумылъықуқ умӣлгусигныкун ақумутагмикун ниӷуҳқылъыӷмини. Та̄хкын лъпысилъю малигуткани хўаңамнун ақумлюси қуля ма̄лӷук сӣпнықлъюку умӣлгым ақумутӣтхун, иглыӷутилъықуси қуля ма̄лӷук сӣпнықлъюку рамкыни Израилым.

От Марка 8:38

Ма̄тын аӷныӷым юги ата̄сӣӷмынъыӷитут Кияӷныӷмун, сыӷлыҳқумаңӯтлъю. Ма̄ни аӷныӷни китум алңунак кайңуягускаңаңа, апыҳтӯсянкалъю, хўаңалъю Иӷныӷани Югым кайңуягулъықақа тагикума аҳтуӷьяҳқа̄нӷилъылиӷлюңа Атамның кылъқылъюки аглыӷналӷӣт яқулгыт».

От Луки 12:8

«Ынка̄м уңипа̄тамси, китум алңунак уңипа̄скаки сивуңитни югыт хўаңамнун пикнилютың, Иӷныӷанлъю Югым пикнилъықӣ сивуңитни Кияӷныӷым яқулылӷутаңан.

От Луки 18:8

Уңипа̄тамси, Кияӷныӷым налъҳуся̄тқаҳсяҳқақӣ. Қайўа̄ Иӷныӷа Югым утыӷниқуми, нунами на̄лъкулъықа̄ ухпықилъылыгмың?»

От Луки 2:12

Хўатын лӣсимакылъықаҳси; ысҳаҳлъықаҳси таӷнуҳақ қӣпаӷаҳқун ю̄ңӣлъюни, аҳсюгңа̄қ ныҳқуситагныкун».

От Луки 2:16

Ынка̄м аглярахкӣӷлютың ысҳақӣт Мариялъю, Иосифылъю, таӷнуҳақлъю аҳсюгңалӷӣ ныҳқуситагни.

От Луки 2:7

А̄нтыка̄ иӷнықсюхўа̄ни, ынка̄м қӣпаӷаҳқун ю̄ңӣлъюку, аҳсюка̄ ныҳқуситагныкун, қаюҳлъяк ныкаҳқӣлңӯк ақылъқалӷутами.

От Луки 21:36

Ынка̄м кылыңатык қӯнпың! Юӷаҳтык анагьяқлъыгысқылъюки тама̄кут қамахлъюки пиката, ныкывьяқлъыгысқылъюси сивуңакун Иӷныӷан Югым».

От Луки 8:3

Ионна, Сусанна, иляңилъю аӷнат. Та̄кут аӷнат пикатуталмыхның каюсӣтақыхкаңит Иисусылъю малихся̄ҳтыкулъҳӣт. (Ионнам угиңа Хуза, афлъыңакистыңуфтуқ Иродым мыңтыӷа̄ның).

От Луки 9:58

Иисусым пика̄: «Кавӣӷыт рӣхтылгӯт, қаўа̄гыт уңлютылгӯт, иўырңа Иӷныӷа Югым ныкаҳқӣтуқ».

От Иоанна 1:51

Та̄хкын пикӣ: «Ипа уңипа̄тамси, ысҳаҳлъықаҳси қиляк қылъпылӷӣ, Кияӷныӷымлъю яқулги маюлӷӣт, укилӷӣт Иӷныӷакун Югым».

От Иоанна 12:34

Юлӷутыҳлъягыт пика̄т: «Нагақуқақаҳпут Лӣлиҳтӯся̄ның Моисейем, Христосыңӯқ кияҳсяҳқа̄гуқ қӯнпырухлъяк. Ынка̄м сяңавык пизин: “Иӷныӷа Югым кывылъыңьяҳқа̄гуқ”? Кинаңа̄ўа та̄на: “Иӷныӷа Югым”?»

От Иоанна 13:31

Иуда а̄ньян Иисус пикақ: «Хўа̄ ма̄тын югыт ысҳаӷа̄т натын Иӷныӷа Югым қӯлвалъыңылъҳа, ынка̄м лъңакун Кияӷнық қӯлвалъыңуқ.

От Иоанна 3:13

Кина алңунак майӣгатуқ қилягмун иўырңақун Иӷныӷа Югым укикақ қилягмың».

От Иоанна 3:14

Килга̄ни катам Моисейем напаҳтылъҳатун напақакун медь нымыӷьяқ, таўатыҳпигақ Иӷныӷа Югым напаҳсяҳқа̄лӷӣ.

От Иоанна 6:27

Қыпҳа̄тыхпына̄н нықа мулюңигалңуқ. Йыӷлыги қыпҳа̄тақитыху нықа на̄вьяҳқа̄нӷилңуқ, кынлыңуна̄н уңувалъыңыстикаюк. Таўатылңуқ нықа Иӷныӷан Югым тӯньяҳқақа лъпысинун, қаюҳлъяк Кияӷныӷым Атам итагнақыхкақа̄ лъңа».

От Иоанна 6:53

Иисусым пикӣ: «Ипа уңипа̄тамси, Иӷныӷан Югым кымыкшага ныӷьяҳқақаҳси, а̄ўалъю мыӷьяҳқақаҳси. Таўатын пинӷилъкуфси, уңувалъыпигитуси илюхпысини.

От Иоанна 6:62

Сямыңʼңам пинаяӷыстык ысҳаӷьяқуфсигу Иӷныӷа Югым маюлӷӣ ныксяқыминун сивунӷани?

Деяния 7:56

Пикӣ: «Ысҳақаҳтыхуқун! Ысҳаӷақа қиляк қылъпылӷӣ, Иӷныӷалъю Югым ныкывӷалӷӣ Кияӷныӷым аӷынқигныӷани!»

2е Коринфянам 8:9

Лӣсимакаҳси пиниқиңалъыҳлъяга Атанымта Иисус Христосым. Аклъюңиҳлъягмини таўалъӣма лъңаның катам аклъюма̄ҳтыка̄гуқ лъпыси апалъюқлъюси. Таўатын пика̄гуқ аклъюңиӷисқықаҳлъюси аклъюмалъыӷмикун.