От Матфея 7:21 - Новый Завет на эскимосском языке

²¹ Иисусым апыҳтӯсяни нагныӷуткӣ: «Иляңи югым хўаңамнун малихся̄ҳтыкнӣқут ынка̄м пӣқа̄тңа: “Атанқамкын” иўырңа итыӷна̄нӷитут Атаныҳпагулъҳанун Қилягым. Тама̄куңина̄т атуқилӷӣт пиюкылъҳаның Атама қилягмылңӯм итыӷьяҳқа̄гут Атаныҳпагулъҳанун Қилягым.

От Матфея 7:21 Iomraidhean Croise

От Матфея 12:50

Кина алңунак Атама қилягмылңӯм пиюкылъҳатун пикуми, аңлыгуткақа, наякақа, на̄кақалъю!»

От Матфея 16:17

Иисусым пика̄: «Қуястылъылгӯтын, Симон, иӷныӷа Ионам! Қаюҳлъяк югмың лӣсимаңитан, Атама қилягмылңӯм лъпынун лӣтыстыкақа̄.

От Матфея 18:10

Ўатаҳлъяк, укалиқыхпынаки налиҳӣнӣт укут мыкыстаҳа̄т. Уңипа̄тамси, қилягми яқулгита қӯнпың Атама қилягмылңӯм хина̄ ысҳаӷақа̄т.

От Матфея 18:19

Иляңаныңлъю уңипа̄нъақамси, нунами хўани ма̄лӷугулютык итагнақутңукуфтык а̄пналютык сямың алңунак, Атама қилягмылңӯм апыӷӣҳлъықа̄ лъпытыгнун.

От Матфея 18:3

Пикӣ: «Ипа уңипа̄тамси, итыӷна̄нӷитңўа̄ҳтуси Атаныҳпагулъҳанун Қилягым ўытқукун таӷнуҳаӷыстун лъӣқуфси.

От Матфея 18:35

Ысҳа таўатыҳпигақ Атама қилягмылңӯм қамахлъюси пияҳқӣси, қамакын илюхпысиның сыӷывунъыӷилъкуфсики юлгутыси».

От Матфея 19:24

Уңипа̄нъақлъя̄таӷамси иляңаның, пияқнӣсяҳқа̄гуқ верблюдым сюфлъюӷутылъыҳқа̄ сикӯм ӣйңакун, аклъюңилңӯм югым итылъыҳқа̄ның Атаныҳпагулъҳанун Кияӷныӷым».

От Матфея 25:10

Ынка̄м налъю̄қат уқуҳқаңьяҳтӯткат. Авӣсималюки нулиҳтуӷнақылӷӣ ка̄ткақ. Та̄кут ята̄ҳқыңъалӷӣт итылгусиқа̄т ныңуӷутым нықынӷаҳқылъҳанун, ынка̄м амик ӯмка̄т.

От Матфея 25:21

Умӣлган пика̄: “Сыӷлыҳалык итагнапихтутын, пиниҳтутын ата̄сӣӷмылңуқ қыпҳаҳта! Ата̄сӣӷмытка̄тыхпының паляҳаӷнун афлъыңакистыңуҳтыснақамкын углялӷӣнун. Ӣтҳи қуялгусиӷьяҳтуӷңа!”

От Матфея 26:39

Тазиңапиҳқа̄ӷлюни нунамун сикмӯлъюни юӷақақ: «Атамни, пияҳқа̄кан, мыӷынӷилъяңа хўакын қаю̄симың; иўырңа нака̄н пиюкылъымтун, лъпык пиюкылъыҳпытун пигу».

От Матфея 26:42

Алъямың Иисус тазиңавык агляӷлюни юӷақақ: «Атамни, мыӷьяҳқақңукумкун уна қаю̄сиқ лъпык пиюкылъыҳпытун апыӷӣӷли».

От Марка 3:35

Китум алңунак атуқыхкумигу Кияӷныӷым пиюкылъҳа, аңлыгуткақалъю, на̄кақалъю».

От Марка 9:47

Ийыхпык сыӷлыҳқыстыкаңатын, ипугнакын! Пиниӷатаӷаӷнаяҳтутын Атаныҳпагулъҳанун Кияӷныӷым ӣтқувык иңлюпигаӷмың ӣскылъютын, иңлюхтун ийылгулютын геенамун милю̄тылъыҳқаҳпының.

От Луки 11:28

Иўырңа Иисусым пика̄: «Итупилъ, қуястаӷақа̄гут тама̄кут Кияӷныӷым акузитаңи нагалъюки қа̄ткыхкаңит!»

От Луки 13:25

Мыңтыӷам юган макылъюни амик умыгьяҳтуҳлъықа̄. Ынка̄м тысқакмани ныкывӷалъықуси, тыңлюхтуҳлъықусилъю хўатын пимаҳпыси: “Атанық, қылъпыӷутаҳтикут!” Кӣмсиҳлъықӣси: “Налъюкамси, налъюкақалъю накын пиңустык”.

От Луки 18:25

Ипа пияқнӣсяҳқа̄гуқ верблюдым сюфлъюӷутылъыҳқа̄ сикӯм ӣйңакун, аклъюңилңӯм югым итылъыҳқа̄ның Атаныҳпагулъҳа Кияӷныӷым».

От Луки 6:46

«Сяңан туқлъюӷыстыңъа: “Атанық, Атанық?” нақам писқылъҳынка атуқыхпынаки?

От Иоанна 14:7

Лӣсимакңўа̄ӷьяқуфсиңа, лӣсимакнаяӷаҳси Атакалъю. Иўырңа хўакын кынляңа лӣтаҳсилъю, ысҳаӷаҳсилъю».

От Иоанна 15:23

Китум угумикыхкумиңа, угумика̄лъю Атака̄.

От Иоанна 3:5

Иисусым кӣмсиқа̄: «Ипа пӣмкын, кина алңунак итыӷна̄нӷитуқ Атаныҳпагулъҳанун Кияӷныӷым ўыткуқун алъхынқихтыкуми мыҳқунлъю, Таӷныӷагныкунлъю.

От Иоанна 5:17

Иўырңа Иисусым пикӣ: «Атака̄ қӯнпың қыпҳа̄гуқ, хўаңалъю қыпҳаӷьяҳқа̄гуңа».

От Иоанна 6:40

Уна Атама Пиюкылъқақа: китум алңунак ысҳаӷлюку Иӷнықа ухпықыхкумигу кынлыңилңуӷмың уңувалъыңылъықуқ. Ынка̄м уңуваҳлъықақа киңулиӷми аӷныӷми».

От Иоанна 7:17

Китум алңунак Кияӷныӷым пиюкылъҳа атуқсюгукумигу лӣсимаксяҳқақа̄, апыҳтуӷилъқа Кияӷныӷмың пиңутаңа, налиӷмың хўаңамның катам пиңутаңа.

Деяния 14:22

Такӯӷақамыгни тама̄ни апыҳтуқӣт ухпықат ухпықилъҳит ўата икнақуҳтысқылъюки, кайымыхкӣклъю ухпылъҳит аӷулӣтысқылъюки. Пикӣк: «Угляпыста̄қ сыӷлылӣлъық атуқсяҳқапыста̄қаҳпут итыӷьяҳқа̄ҳналюта Атаныҳпагулъҳанун Кияӷныӷым».

К Римлянам 12:2

Ӯм нунам югатун кияҳтыхпынаси. Йыӷлыги Кияӷныӷмун алъяңуҳтыстык нутаҳтыслъюки умьюгаси. Та̄хкын лӣгикылъықаҳси пиюкылъҳа Кияӷныӷым пинилӷӣ, тугуклъиӷьюгналӷӣ, қамахтӣңўа̄ӷңалӷӣлъю.

К Римлянам 2:13

Тама̄кут нагатаӷысналӷӣт Лӣлиҳтӯсяминун, Кияӷныӷым налъҳусӣгатӣ ылъқуӷутңалъыӷминун. Иўырңа қа̄ткулъҳӣт Лӣлиҳтӯсяминун налъҳуҳқақӣ ылъқуӷутңалъыӷминун.

К Ефесянам 6:6

Пилӣтистыси қа̄ткитыки қайўа ысҳапанӷитыӷңӣси. Қыпҳаҳтык ыфқуҳналюки пилӣтистыси катам ыфқуҳтылъыҳпысистун Атанық. Илюхпысиның атуқитыху Кияӷныӷым пиюкылъҳа Христосымун қыпҳаҳтыля̄қылӷӣстун.

К Колоссянам 4:12

Епафрас, қыпҳаҳтыңа Христос Иисусым, лъпысиның пиңӯқ, лъңанлъю сю̄мқақӣсиңуқ. Ӣўлың та̄куңинаҳа̄гның юӷа̄ткақӣси аңтанӣтысқылъюси, лӣсимакңъўа̄ӷысқылъюку сяңўа̄ Кияӷныӷым писқысюлъҳа лъпысинун, лъпысинунлъю қамахтыңъўа̄ӷлюку пиюкылъҳа пикысқылъюку.

1е Фессалоникийцам 4:3

Хўатытуқ Кияӷныӷым пиюкылъҳа лъпысинун: пылюңитысюгӣси сыӷлыҳқыстысюнӷитӣси атуқутылъыҳқун.

1е Фессалоникийцам 5:18

игамсиқаюглюси тамаҳа̄ни ныкыгныӷми. Та̄куңӯт Кияӷныӷым пиюкылъҳи лъпысинун Христос Иисусым пилӣткӣтнун.

К Титу 1:16

Лӣсимакнӣқа̄т Кияӷнық иўырңа кияҳта̄лъҳита ипапиҳқақа̄т налъюкутаңа: угумикнипихтут, қа̄ткусигатут, сясӣнӷитутлъю сяңўа̄ алңунак пинитун пина̄нӷита̄т.

К Евреям 13:21

Юӷаҳтуңа Кияӷныӷмун тӯнысқылъюси сямың тамаҳа̄ның пинилӷӣмың лъпысинун пиюкылъҳа писқылъюку. Иисус Христосыкунлъю илюхпысинун Кияӷныӷым пилигу ыфқуӷналӷӣ лъңанун. Христос усюқылъыңли қӯнпырухлъяк кынлыңуна̄н. Аминь.

К Евреям 4:6

Паниның иляңи югыт итыҳлъықут Кияӷныӷым мыӷна̄ливиганун. Иўырңа нагақӯсюхўа̄қат пинилӷӣмың уңипа̄мың, итылъҳитут мыӷна̄ливигмун қаюҳлъяк қа̄ткутылъҳилңӯт Кияӷныӷмун.

От Иакова 1:22

Нагатаӷыснаҳпынаки Кияӷныӷым акузитаңи итупилъ атуқитыки. Пӯҳтақуси лъпысиның катам нагатаӷыснаныҳпысики атуқыхпынаки.

1е Петра 2:15

Кияӷныӷым Пиюкылъқақа пинитун пилъыҳпысигун ныпӣҳтысқылъюки налъю̄қат тымңитхўамың акузилъҳӣт.

1е Петра 4:2

Ынка̄м хўакын кынлыклъюку уңувалъыҳпыси тахталңатун малиҳқутақыхпынаси югусиҳпыси пиюкылъҳанун, иўырңа атуқитыху Кияӷныӷым пиюкылъҳа.

Откровение 2:27

Иглыӷутысқылюки сявикынӷаӷмың жезлылиӷлюки ынка̄м кагимнъакаңит қикумың қулмысӣтыңлъяқастун.

Откровение 22:14

Қуястыка̄гут тама̄кут аткуя̄тың аӷвикӣт иқаңӣтыслъюки. Тама̄кын апалъюқлъюку ныӷьяҳқа̄ҳтыка̄гут пӣтыстыка̄ның уңувалъылитикаюгым уқфигым. Итыӷьяҳқа̄ҳтыка̄гутлъю ныҳлъягым амихлъягитхун.

Откровение 3:5

Кая̄лъқӣлӷӣ, лъңистун а̄лъықуқ қатылӷӣмың а̄ткамың. А̄тҳалъю ӷывысна̄нӷитақа Кынлыңилңӯм Уңувалъҳым Ига̄ның. Атамалъю яқулганлъю сивуңитни хўаңамнун пикнилъықақа.