От Матфея 7:11 - Новый Завет на эскимосском языке

¹¹ Сыӷлыӷуӷңа̄ҳпыси, авақутаси тӯньяҳқақаси пинилӷӣмың тунусямың. Атази қилягмылңуқ тӯниюгатаӷаӷлюни аюқуқ пинилӷӣмың тунусямың тама̄кунун а̄плъыҳинун лъңанун.

От Матфея 7:11 Iomraidhean Croise

От Матфея 23:9

Кина алңунак атиҳпына̄н: “Атамың” нунами хўани, қаюҳлъяк ата̄сӣгуқ Атази қилягмылңуқ.

От Матфея 7:10

Налиӷмың туңсиқан иқалъюгмың, тӯнылъықагӯ нымыӷьямың?

От Иоанна 3:16

Кияӷныӷым пиниқыпихтутминың нунам юга тӯныхка̄ кызымаҳақ Иӷныни. Иӷныӷа китум алңунак ухпықыхкумигу туқуна̄нӷитуқ, иўырңа алъхыҳлъықа̄ кынлыңилңуқ уңувалъық.

К Римлянам 3:19

Лӣсимакапут Иудеит Лӣлиҳтӯсялгит қа̄ткысяҳқақӣт қылӷусӣт. Ынка̄м та̄кут Лӣлиҳтӯсят ныпӣҳқылъықӣт югыт хўатын пилъыҳқӣтның: «Налъюкапут сяңутаңи сыӷлыҳқылъҳыт». Лӣлиҳтӯсятлъю лӣгикыслъықӣт Кияӷныӷмун нанқихлъықнилюки қамахлъюки нунам юги.

К Римлянам 3:9

Ынка̄м хўаңкута Иудеянӣ, пиниӷатаӷаӷыста̄ язычнигның? Нака̄, йыӷлыгилъю! А̄пҳўа̄қақанка Иудеитлъю, язычнигытлъю таўатыҳпигақ сыӷлыҳқылъҳым а̄ҳқутақлъюки аюқӣ.

К Римлянам 8:32

Иӷлыкумаңита̄ лъми катам Иӷныни; итупилъ тӯныхкақа̄ аҳқутңулюку тамаҳамнъун! Кияӷныӷым тӯнумакаңилъю Иӷныӷминың, та̄ўа лъңакун иӷлыхпынани тӯнылъықӣлъю сямың тамаҳа̄ның.

К Галатам 3:22

Иўырңа Акузитыт Игақыхкат пика̄гут қамахлъюки нунам юги сыӷлыҳқылъҳым анусимиңлъяӷақӣ. Ынка̄ңам Кияӷныӷым акықусяқыхкани тӯнылъықа̄ ухпықикаҳӣнаӷнун Иисус Христосымың.

От Иакова 1:17

Қамахлъютың пинилӷӣтлъю, сялъҳўа̄ҳӣлңӯтлъю тунусят қилягмың пиңӯт. Тама̄кут Атамың пиңӯт улимаӷистыңаның қамахлъюни ниӷугым; алъяңуҳсигатуқлъю, мамлыхтыстиңигатуқлъю.

1е Иоанна 3:1

Ысҳақаҳтыхуқун Атам пиниқималъыҳлъяга хўаңкунъун, авақутақнӣқӣлъю лъңанун, ипа авақутақӣлъю. Тама̄кын апалъюқулюку нунам юган налъюкӣлъю қаюҳлъяк налъюкыхкаңат Кияӷнық.

1е Иоанна 4:10

Пиниқылъық акузиткыхкыхка хўаңкута пиниқылъқынӷитаҳпут Кияӷныӷмун. Йыӷлыги Кияӷныӷым пиниқылъқа̄ хўаңкунъун кылгутка̄ каяхтылъыӷмикун Иӷныни иқитусӣлюку сыӷлыҳқылъымнъун.