От Матфея 6:25 - Новый Завет на эскимосском языке

²⁵ Тама̄кын апалъюқлъюку уңипа̄тамси, нулъқавӣӷуткыхпына̄н уңвалъыҳси, сямың ныӷылъыҳқаҳси, мыӷылъыҳқаҳси, налиӷмың сямың а̄тылъыҳқаҳси. Сюмыҳтаӷақаҳтыкқун, уңувалъық мыгнунаӷатаӷаҳтуқ нықмың, югусиқлъю мыгнунаӷатаӷаҳтуқ а̄тканың.

От Матфея 6:25 Iomraidhean Croise

От Матфея 10:19

Нанқихтыстымун агля̄скаңиси, тыгиҳлъҳпынаси натын акузилъыҳқаҳпысиның, налиӷмың сямың пилъыҳқаҳпысиның. Акузияҳқа̄ҳтыкуфси акузиткаҳқалгулъықуси.

От Матфея 13:22

Тама̄кут пӣтутыт сикуҳлъюхтуқакун сюнакун тыкиткат успутңа̄т китумун алңунак нагақӯлъҳӣмун уңипа̄мың, та̄ўаңинақ тыхылъҳӣлъҳан кияҳта̄ӷусиҳқамың, аклъюңиӷиюлъыҳлъяганлъю пӣтфигиӷақа̄ уңипақ. Тама̄кын апалъюқлъюку пӣтыстиңигатуқ.

От Матфея 6:31

Тама̄кын апалъюқлъюку нулъқавӣхтыхпынаси хўатын: “Сямың ныӷнақыста?” налиӷмың: “Сямың мыӷнақыста?” налиӷмың: “Сямың а̄нъақыста?”

От Матфея 6:34

Нулъқавӣгуткыхпына̄н уна̄милъыҳқақ, қаюҳлъяк уна̄мим сыӷлылӣӷи итагнаӷьяҳқа̄гут таўавык аӷныӷмун. Сыӷлылӣқ пикаюгӯқ аҳутаңа тамаҳа̄н, иля̄ӷатаӷаҳпына̄н уна̄мим сыӷлылӣлъыҳқа̄ның».

От Марка 13:11

Тугулюси агля̄скаңиси нанқихтивигмун сюмыҳтаӷақыстаҳпынаси акузиткаҳқамың. Пилъыҳқақ ка̄тақыхкан акузӣқна̄ҳтуси писқылъыҳпысистун, қаюҳлъяк лъпысиңуна̄нӷитут акузилӷӣт, Аглыӷналӷӣк Таӷныӷак лъпысигун акузӣқна̄ҳтук.

От Марка 4:19

қаюҳлъяк уна уңувалъық нулъқа̄вӣӷуткақа̄т, тыҳўа̄ӷӣткақа̄тлъю аклъюңи, сямыңлъю ўата алъхыӷутаӷаӷьюгақут. Таўатыҳпигақ сикуҳлъюгыт пӣтфигилъҳистун пӣтутыт, тама̄кут югыт пиюкылъҳита пуйгустақӣт Кияӷныӷым акузитаңи.

От Луки 12:11

Агля̄скаңиси синагоганъун, сивуңитнун правителыт, налиӷмың иглыӷутистыт тыхылъҳӣҳпынаси натын кӣмсилъыҳқаҳпысиның, налиӷмың сямың пилъыҳқаҳпысиның.

От Луки 8:14

Пӣтутыт тыкиткат сикуҳлъюхтуқакун успутңа̄т нагатканун Кияӷныӷым акузитаңаның. Иўырңа сюмыӷьялилъю, аклъюңилъю, тыӷигна̄нлъю уңувалъҳым пӣтфигиӷақӣ, ынка̄м пӣтыстыкӣт аңтанӣсигатут.

К Римлянам 8:32

Иӷлыкумаңита̄ лъми катам Иӷныни; итупилъ тӯныхкақа̄ аҳқутңулюку тамаҳамнъун! Кияӷныӷым тӯнумакаңилъю Иӷныӷминың, та̄ўа лъңакун иӷлыхпынани тӯнылъықӣлъю сямың тамаҳа̄ның.

1е Коринфянам 7:32

Кияҳта̄лъыӷмыңтуқ хўакын сюмыҳтаӷа̄ткыхкӣлңӯси. Нулиҳтӯмаңилңуқ қыпҳалъыҳқаҳта̄ӷаҳтуқ Атанӷым қыпҳақа̄ның қаюҳлъяк ыфқуҳсюгақыхкаңа.

К Филиппийцам 4:6

Сюмыӷьялиткыхпына̄н сяңўа̄ алңунак. Йыӷлыги, сямың аклъюкуфси юӷаныҳпысини туңсиӷақитык Кияӷныӷмун тӯнысқылъюси. Ӣўлың туңсиӷақитык игамсиқаюлъылиӷлюси.

2е Тимофею 2:4

Пилъюўаҳтым илятңалӷӣм пилъюўаҳтынун ыфқуҳсюгақа̄ умӣлыни, ынка̄м акумҳӯсигатуқ пилъюўаҳтыңунӷилңӯт кияҳта̄лъҳитнун.

1е Петра 5:7

Қамахлъюки сюмыӷьялиткыхкаси пыхтыки лъңанун, қаюҳлъяк афлъыңакңўӣси.