От Матфея 6:24 - Новый Завет на эскимосском языке

²⁴ «Китум алңунак қыпҳа̄нъа̄нӷита̄к ма̄лӷук умӣлгык. Ма̄лӷугыгның умӣлылгукуми угумикылъықа̄ ата̄сиқ, пиниқылъықа̄ иляңа. Қа̄ткутңалъықуқ ата̄симун, пикаткынъа̄нӷита̄ иляңа. Ынка̄м пиниқна̄нӷитаҳси Кияӷнық пиниқумалюку мани.

От Матфея 6:24 Iomraidhean Croise

От Матфея 4:10

Та̄хкын Иисусым пика̄: «Туӷныӷақ, иқитын! Акузитыт Игақыхкат хўатын пика̄гут: “Манигуӷьяҳқақан Атанық Кияӷныӷын, лъңина̄гуқлъю қыпҳа̄сяҳқан!”»

От Луки 16:11

Ата̄сӣӷмысимаңилъкуфси атуқақңафсики аклъюңит нунамылңӯт, китумңам ныӷьюкулъықаки лъпысинун аклъюңипӣгыт?

От Луки 16:13

Қыпҳаҳтым қыпҳа̄нъа̄нӷита̄к ма̄лӷук умӣлгык. Ма̄лӷугыгның умӣлылгукуми угумикылъықа̄ а̄лъҳа, пиниқылъықа̄ иляңа, налиӷмың қа̄ткылъықа̄ а̄лъҳа, сӣвакна̄нӷита̄ иляңа. Пиниқна̄нӷитахси қырңа̄хкынка Кияӷныӷылъю, манимлъю».

От Луки 16:9

Уңипа̄тамси, нунамылңуқ аклъюңиси каюсӣтусиқитыху югнун илякумта̄ңлъя̄сӣлюку лъпысинун. Та̄хкын туқукуфси аклъюңиси унилъықаси, ынка̄м упуӷатылъыңылъықуси кынлыңилңуӷнун ныкаҳқанун.

К Галатам 1:10

Таўатын акузилъымкун ыфқуҳнақуткыңъунӷитанка югыт. Нака̄, Кияӷныҳӣна̄гуқ ыфқуҳсюкақа. Паниның югнун ыфқуҳтинақуткыңъукума, Христосымун қыпҳаҳтыңуна̄нӷитуңа.

1е Тимофею 6:17

Қука̄юхтыснаниҳқи тама̄кут аклъюңилңӯт нунами хўани, талўа сиӷимаснаниҳқи аклъюңиңитхун налъюнықналӷӣтхун. Иўырңа сиӷимасқики Кияӷныҳқун. Лъңан иӷлыгутыхпына̄мта тӯнақӣлъю сямың тамаҳа̄ның пиниӷью̄гусиҳқамың.

2е Тимофею 4:10

Димасым пиниқсялӣсима̄ нунам кияҳта̄лъҳа ынка̄м унисима̄ңа, аӷуляқума̄қ Фессалоникамун. Крискента Галатиясима̄қ ынка̄м Тит Далматиямун пима̄қ.

От Иакова 4:4

Укуҳси ата̄сӣӷныӷилңуӷни! Лӣсимакынӷистыхӯ пиниқыхкуфсигу нунам сыӷлыӷа, угумикаҳси Кияӷнық? Китум алңунак пиниқыхкумигу нунам сыӷлыӷа аңуягӯқ Кияӷныӷмун.