От Матфея 5:9 - Новый Завет на эскимосском языке

⁹ Тама̄кут ныкыхмылъыңыстикаюгыт югның қуястылъылгӯт, қаюҳлъяк Кияӷныӷым авақутақнияҳқақӣ.

От Матфея 5:9 Iomraidhean Croise

От Матфея 5:45

Таўатын пикуфси югни лӣсимакылъықӣси авақутақутлъюси Атахпыси қилягмылңуӷмун. Ю̄к тамаҳа̄н таўатыҳлъюўа̄қ пӣқа̄. Сиқиныни пӣтыстақа̄ сыӷлыӷнунлъю пинилӷӣнунлъю. Таўатыҳпигақ ыслъялъюгуҳтыстақа̄ қа̄ткуткаюгнунлъю қа̄ткусигалңуӷнунлъю.

От Матфея 5:48

Лъпыси авақутақңутаңаның Атахпыси қилягмылңӯм пиниҳтык таўатыҳпигақ Атахпыси пинилъҳатун».

От Луки 20:36

Таўани уңувалъыӷми яқулгыстун аюқсяҳқа̄гут туқуна̄нӷитут. Авақутақӣ Кияӷныӷым, қаюҳлъяк туқулъыӷмың уңуваҳтыка̄гут.

От Луки 6:35

Иўырңа пиниқлъюки аңуяси, пинитун пӣқитык, навӷитӣқитыклъю, сиӷимакыхпынаки выӷутылъыҳқӣт. Акилыҳтӯсяҳқалыхлъягӯси, авақутӣстунлъю Кияӷныҳлъягым пилъықуси, қаюҳлъяк наңлъыхтаҳтуқ игамсиқаюгигалңуӷнунлъю, сыӷлытунлъю пистынун.

Деяния 7:26

Уна̄миңани ысҳақакык Израилыӷмӣк пилъюгулъҳӣк. Акузинъақуткыхкақсяқык: “Пилъюгутыхпынатык юлгуткутутык”.

К Римлянам 12:18

Пияҳқа̄кан, пӣқитыху сяңўа̄ пияҳқаҳси кияҳтысқылъюси ныкыхмылъюси тамаҳа̄нун.

К Римлянам 8:14

Қаюҳлъяк тама̄кут маӷьяҳқуқӣ Кияӷныӷым Таӷныӷахкынка Кияӷныӷым авақутақӣ.

К Римлянам 8:16

Кияӷныӷым Таӷныӷакык лъмыгның илятка̄гук таӷныӷамнъун уңипа̄нъалюта Кияӷныӷмун авақутақнилюта.

К Римлянам 8:19

Улима̄қ қамахлъюни утақӣңӯқ қылянылъылиӷлюни Кияӷныӷмун алӣҳтысқылъюки кинкуңутаңи авақутӣ.

1е Коринфянам 6:6

Йыӷлыги ухпықам ухпықа̄лгутни агля̄тақа̄ ухпықа̄нӷилңуӷнун нанқихтистынун, агӷиткысқылъюки а̄ҳтӣра̄ӷутылъытынь.

2е Коринфянам 13:11

Ухпықа̄лгутымни, таўатынңам пӣңа. Қуяңатык. Выӷутык кияҳтысқысюлъҳанун Кияӷныӷым. Писқысюлъымтун питык. Кияҳтык итагнақулъюси, ныкыхмытулъюси. Ынка̄м Кияӷнық тынымыңа пиниқылъҳымлъю, ныкыхмылъҳымлъю лъпысинилъи.

2е Коринфянам 5:20

Кияӷныӷым каяхтыкақӣлъю уңипаҳтыңулюта Христосымун, ынка̄м хўаңкутхун тагисқылъюси лъңанун. Акузистыңӯкут Христосымун кайымилӷӣт илялӣӷутысқылъюси Кияӷныӷмун.

К Галатам 5:22

Нақамынрақ Аглыӷналӷӣм Таӷныӷам пӣтыстыкӣ укуңӯт: пиниқылъық, қуямалъық, ныкыхмылъық, нуқынъыҳтулъық, наңлъыхталъық, пинилъық, ата̄сӣӷмытылъық,

К Ефесянам 4:1

Анусимиңлъяӷа̄гуңа қаюҳлъяк қыпҳа̄скыхка Атанық. Кияӷныӷым накмикыхкақӣси лъңанун югулюси; тама̄кын апалъюқлъюку кайымамси кияҳтысқылъюси Кияӷныӷым кияҳтысқысюлъҳатун.

К Филиппийцам 4:2

Еводия, Синтихия, қывӯлъюңа қылыӷнақамтык, та̄қитык аӷиванъыӷмың. Ата̄систун лъӣҳтык, қаюҳлъяк ухпықа̄лгуткутутык Атаныҳқун.

К Колоссянам 3:13

Сякшитутыхпынаси иўырңа сыӷывутулъюси. Килъю анахтыкаңиси сыӷывунъакыси катам Атанӷым сыӷывутылъҳистун лъпыси.

К Евреям 12:14

Кияҳнақитык ныкыхмытулъюси тамаҳа̄нун югнун, кияҳнақитыклъю сыӷлыҳқылъңунаси. Килъю алңунак пылюңинъыӷилңӯт ысҳаӷна̄нӷита̄т Атанық.