От Матфея 5:47 - Новый Завет на эскимосском языке

⁴⁷ Ынка̄м илякумтаҳӣнаси қуяка̄тақуфсики, натын алъяңулъықытси иляңитның югни? Талўа манигӯсигалңӯт Кияӷныӷмун қуякақӣт илякумта̄тың!

От Матфея 5:47 Iomraidhean Croise

От Матфея 10:12

Ӣтқуфси мыңтыӷа̄нун қуястақитыки таўанлыңӯт хўатын: “Кияӷныӷым ныкыхмылъҳа лъпысинилъи”.

От Матфея 5:20

Ынка̄м уңипа̄тамси, итыӷна̄нӷитуси Атаныҳпагулъҳанун Қилягым, ўыткуқун қа̄ткутңа̄ӷатаӷақуфси Кияӷныӷмун, апыҳтуӷикаюгның Лӣлиҳтӯсяның, Фарисеиныңлъю».

От Матфея 5:46

Кияӷныӷым акилыҳтуҳлъықисӣи пиниқистыңинаҳаси пиниқыхкуфсики? Талўа налогмың қырңуҳтистыт пиниқақӣт пиниқистытың.

От Матфея 5:48

Лъпыси авақутақңутаңаның Атахпыси қилягмылңӯм пиниҳтык таўатыҳпигақ Атахпыси пинилъҳатун».

От Луки 6:32

Пиниқистыңинаси пиниқнақңукуфсики, сиӷимахпынаси қуястылъыӷмың алъхыӷутылъыҳқаҳпысиның.

К Колоссянам 4:14

Лукамлъю пиниқыпихтыкамта аӷалиҳтым, Димасымлъю сю̄мқақӣсиңуқ.

К Колоссянам 4:15

Ухпықа̄лгутнун Лаодикиямылңуӷнун, Нимфанымунлъю, ухпықа̄лгутнунлъю қырңуӷуткаюгнун манигӯнъалютың мыңтыӷа̄ни, уңипа̄нъакыси сю̄мқақанкаңуқ.

1е Петра 2:20

Иўырңа сюфлъюҳсимакуфсики қывутқулъыси, сыӷлытун пилъыси апалъюқлъюки, китум алңунак усюқна̄нӷитӣси. Нақамынрақ сюфлъюҳсимакуфсигу икфиқылъық пинитун пилъыҳпысинун, та̄ўа Кияӷныӷым ыфқуқылъықӣси.