От Матфея 5:37 - Новый Завет на эскимосском языке

³⁷ Йыӷлыги лыган “а̄ңӷа̄си”, налиӷмың “нака̄ҳа̄си”. Сяңўа̄т иляскуфсики та̄кугнун Туӷныӷаӷмың пиңӯт».

От Матфея 5:37 Iomraidhean Croise

От Матфея 13:19

Пӣтутыт тумыт ся̄ӷўитхун тыкиткат успутңа̄т китумун алңунак нагақӯлъҳӣмун уңипа̄мың Атаныҳпагулъыӷмың аюқылӷӣмың. Лӣгикынӷилъкагу уңипақ Туӷныӷа̄м тагилюни ўаяҳлъықа̄ тыкитка̄ялӷӣ илюңакун.

От Матфея 13:38

пӣтысиӷаӷвик нунаңӯқ; пинилӷӣт пӣтутыт югӯт Атаныҳпагулъҳым пикӣ; плевелыт югӯт Туӷныӷа̄м пикӣ.

От Матфея 15:19

Қаюҳлъяк югым илюңаның сыӷлық сюмыҳтаӷалъық пика̄югӯт, юхтақ, гылгаӷнӣқ, алъянӣқ, тыглыгнӣқ, иқлъыңиқутки ынка̄м сыӷлықӯқ югның.

От Матфея 5:36

Акықихпынаңлъю на̄сқуҳпыгун қаюҳлъяк талўа ата̄сиҳақ нуяқ қатыҳтысна̄нӷитан налиӷмың тагныҳтысна̄нӷитан.

От Матфея 6:13

Нанӷӣқулъыңыстыхпына̄мта, иўырңа югуликут та̄хкын Сыӷлыӷмың. Атаныҳпагулъық, аҳтуӷьяҳқа̄нӷилъық, ниӷуҳқылъық, лъпык пикатын қӯнпырухлъяк. Аминь”.

От Иоанна 17:15

Юӷа̄ткыңъунӷитанка лъпынун иқитысқылъюки нунамың. Иўырңа юӷа̄ткыңъўа̄нка лъпынун афлъыңакаҳтысқылъюки Туӷныӷаӷмың.

От Иоанна 8:44

Авақутақӣси атахпыси туӷныӷа̄м, ынка̄м атуқсюўақаҳси атахпыси пиюкылъҳа. Пӣнлиӷьюхўа̄лъыӷмың има юхтаҳтыңӯқ. Ипапиҳқылъық атуқаҳсигата̄ қаюҳлъяк ипапиҳқылъҳилңуқ. Иқлъыңиқныӷмини та̄ўаңинаҳақ айӷӣткани пӣқыхкаңа қаюҳлъяк иқлъыңиқыстыңулӷӣ, атакыхкаңа иқлъыңам.

К Ефесянам 4:25

Ынка̄м иқлъыңиқнаниҳтыгңам! Итупилъ ӣўлың апыҳтыху ипапилъық иляхпысинун, қаюҳлъяк қамахлъюта налиӷнықуӷӣлъю Христосым югусӣн.

К Ефесянам 6:16

Тама̄кут ся̄ӷўитхун, атуқитыху ухпықилъық амӣгиӷаҳта̄сӣлюку қа̄мсяҳқа̄люки кумаңалӷӣт а̄йгуңи Туӷныӷа̄м.

К Колоссянам 3:9

Иқлъыңиқутыхпынаси қаюҳлъяк та̄қума̄ҳси кияҳта̄лъылюхси, айӷӣткақсяқысилъю.

К Колоссянам 4:6

Алыҳқуныҳпысики ӣўлың наңлъыхтаӷлюси, акузӣқлъюси итагнаӷьюгнаӷлюси, нагасюгнаӷлюсилъю. Таўатын пӣқитык лӣсимакысқылъюси натын кӣмсилъыҳқӣт а̄пқуӷа̄лъҳит.

2е Фессалоникийцам 3:3

Иўырңа Атанық ата̄сӣӷмытуқ; икнақуҳсяҳлъықӣсилъю, пақнӣҳсяҳлъықӣсилъю Туӷныӷаӷмың.

От Иакова 5:12

Ухпықа̄лгутымни, апыӷнақыхкыхка уна мыгнунапихтуқ. Акықиныҳпысини, акықихпынаси қиляхкун, налиӷмың нунакун, налиӷмың сякун алңунак. Пияҳқа̄куфси лыган а̄ңггга̄си, пияҳқа̄нӷилъкуфси лыган нака̄ҳа̄си. Ынка̄м атуқақитыки акықусяси, таўатын пикуфси Атанӷым нанқихна̄нӷитӣси аӷью̄ӷьяҳқа̄люси.

1е Иоанна 2:13

Атани, письмоӷақамси қаюҳлъяк лӣсимакыхкыси лъңа пӣнлиӷьюхўа̄лъыӷмың аюқылӷӣ. Нукалъпигани, письмоӷақамси қаюҳлъяк кая̄лъқыхкақыхкыси Туӷныӷақ. Таӷнуҳаӷни, письмоӷақамси қаюҳлъяк лӣсимакыхкыси Ата.

1е Иоанна 3:12

Каинтун аюқсяҳқа̄нӷитукут. Каин Туӷныӷа̄м пика̄ ынка̄м туқуткақа̄ лъми катам аңлыгутни. Сяңан туқутагу? Қаюҳлъяк сялъҳи анахутңалӷӣт нақам аңлыгутаңан сялъҳи ылъқуӷутңалӷӣт.

1е Иоанна 5:18

Лӣсимакаҳпут кина алңунак Кияӷныӷым авақута̄ сыӷлыҳқумаңинаӷна̄нӷитуқ, қаюҳлъяк Иӷныӷан Кияӷныӷым афлъыңакңукаңа ынка̄м Туӷныӷа̄м сыӷлытун пина̄нӷита̄.