От Матфея 5:3 - Новый Завет на эскимосском языке

³ «Тама̄кут лӣсимакилӷӣт аклъюкиңалъыӷмыхның Кияӷныӷым каюсилъҳаның қуястылъылгӯт, қаюҳлъяк юкӣ Атаныҳпагулъҳан Қилягым.

От Матфея 5:3 Iomraidhean Croise

От Матфея 11:25

Та̄хкын Иисус пикақ: «Ка̄й Ата, Атанқа̄тын қилягымлъю, нунамлъю! Игамсиқаюгвикамкын қаюҳлъяк лӣтка̄нӷилңуӷнун лӣтыстыкақан ипапиҳқылъық ӣқан лӣтканыңлъю, пыҳқиныӷныңлъю.

От Матфея 11:6

Кина алңунак ухпықинанинӷилъкуми хўаңамның қуястыка̄гуқ!»

От Матфея 13:16

Иўырңа қуянаҳалык лъпыси! Ийыси ысҳа̄тақут, сигутысилъю нагақӯтақут.

От Матфея 19:14

Иўырңа Иисусым пикӣ: «Йықай таӷнуҳа̄т тагилит хўаңамнун. Иныҳтыхпынаки, қаюҳлъяк Атаныҳпагулъҳа Қилягым таӷнуҳаӷыстун аюқылӷӣт пика̄т».

От Матфея 24:46

Та̄на қыпҳаҳта қуястылъыңьяҳқа̄гуқ умӣлган ка̄лъюни ысҳақумигу қылылъыӷмитун пилӷӣ.

От Матфея 25:34

Та̄хкын Умӣлгым аӷынқигныӷминилңӯт пилъықӣ: “Тагитык, Атама қуястыкӣтни, пилӣтыху Атаныҳпагулъық ята̄ҳқыхка̄қ лъпысинун има нуна улима̄қңан.

От Матфея 3:2

Хўатын пикақ: «Авутыҳқылъюси та̄қитык сыӷлыҳқынъыӷмың, қаюҳлъяк Атаныҳпагулъҳа Қилягым ка̄сяҳтӯма̄қ».

От Матфея 8:11

Уңипа̄тамси, асиваӷмыңлъю, пакфалъямыңлъю юлӷутыт тагиляӷа̄сяҳқа̄гут Атаныҳпагулъҳанун Қилягым. Таўани ақумӯлъютың ныӷылгусиҳлъықӣт сивуныпут Авраамылъю, Исаакылъю ынкам Иаковым.

От Марка 10:14

Иисусым ысҳаӷлюки сыӷлыӷьягулъюки малихся̄ҳтыни пикӣ: «Таӷнуҳа̄т тагилит хўаңамнун. Иныҳтыхпынаки, қаюҳлъяк Атаныҳпагулъҳа Кияӷныӷым таӷнуҳаӷыстун аюқылӷӣт пика̄т.

От Луки 11:28

Иўырңа Иисусым пика̄: «Итупилъ, қуястаӷақа̄гут тама̄кут Кияӷныӷым акузитаңи нагалъюки қа̄ткыхкаңит!»

От Луки 18:14

Та̄хкын Иисусым пикӣ: «Уңипа̄тамси, налогмың қырңуҳтиста ныминун агляқа̄гуқ налъҳусялъыңлюни Кияӷныӷым ылъқуӷутңалъҳанун, нака̄н Фарисей. Қаюҳлъяк кина алңунак лъминың аңлислъыҳӣ укаваҳсяҳқа̄гуқ, ынка̄м кина алңунак лъминың укаваҳлъыҳӣ аңлистылъыңьяҳқа̄гуқ».

От Луки 22:29

Тама̄кын апалъюқлъюку атаныҳпагулъылитамси катам Атама тагивалъҳатун хўаңамнун.

От Луки 22:30

Ынка̄м Атаныҳпагулъымни ныӷылъықусилъю мыӷылъықусилъю қаюӷвигымни. Ақумылъықусилъю умӣлгусим ақумутӣтхун нанқихсяҳқа̄люки қуля ма̄лӷук сӣпнықлъюку Израилым рамкыңи».

От Луки 4:18

«Атанӷым Таӷныӷакык хўаңамнитуқ, қаюҳлъяк накмикыхкақа̄ңа Пинилӷӣның Уңипаның уңипақисқылъюңа аклъюмалӷӣнун. Каяхта̄ңа анусимиңлъяӷат итымутысқылъюки, ая̄катлъю ысҳа̄сягутысқылъюки, амьюқыта̄ткысилӷӣтлъю итымутысқылъюки амьюқыта̄ткистыңитның.

От Иоанна 20:29

Та̄хкын Иисусым пика̄: «Ухпықӣтын қаюҳлъяк ысҳақывңа. Қуянаҳалык тама̄кут ухпылӷӣт ысҳаҳпынаңа».

От Иакова 1:10

Йықай аклъюңилңуқ ухпықа̄лгун қуяли қусывыхтыстыңъалъыӷминың, қаюҳлъяк авӣӷусяҳқа̄гуқ пӣтысиӷаӷыстун.

От Иакова 1:12

Қуянаҳалык югым нанӷӣқулъыни нуқытуткаюги. Сюфлъюҳтыкумики алъхыҳсяҳқақа̄ акилыҳтӯсяни кынлыңилңуқ уңувалъық, Кияӷныӷым акықусяқыхка̄ тӯнылъықнилюку пиниқистыминун.

От Иакова 2:5

Пиниқыхкамни ухпықа̄лгутымни, нагатаҳтыкқун. Кияӷныӷым накмикыхкақӣ аклъюма̄лӷӣт нунами хўани ухпықилъыҳтусқылъюки. Накмикыхкақӣ тугуклъиҳтыңулюки Атаныҳпагулъыӷминың, акықусяқыхкаминың югминун, пиниқиңалӷӣнун лъңаның.

Откровение 19:9

Та̄хкын яқулгым пӣңа: «Уна игақигу: Пынъӣӷаҳа̄м ныңуҳтылъҳан нықынӷаҳқылъҳанун ныӷьяҳтӣсқыхкат қуястыка̄гут». Хўатынлъю пӣңа: «Укут ипаңӯт акузитаңи Кияӷныӷым».

Откровение 22:14

Қуястыка̄гут тама̄кут аткуя̄тың аӷвикӣт иқаңӣтыслъюки. Тама̄кын апалъюқлъюку ныӷьяҳқа̄ҳтыка̄гут пӣтыстыка̄ның уңувалъылитикаюгым уқфигым. Итыӷьяҳқа̄ҳтыка̄гутлъю ныҳлъягым амихлъягитхун.

Откровение 3:17

Пӣқуси аклъюңинъилюси, алъхыӷутыҳлъягақнилюси, аклъюңиганъилюсилъю. Иўырңа налъюкуси сыӷлыӷўа̄ӷӯси, наңлъыгнаҳтуси, аклъюма̄си, ая̄ңа̄си, амсикаӷмытусилъю.