От Матфея 5:19 - Новый Завет на эскимосском языке

¹⁹ Ынка̄ңам китум алңунак қа̄ткынӷилъкумигу ата̄сиқ Лӣлиҳтӯсяқ, апыҳтӯсяқыхкумигулъю югнун қа̄ткыфқа̄н писқылъюку, Кияӷныӷым пилъықа̄ укалиҳпига̄нилюку Атаныҳпагулъҳани Қилягым. Нақамынрақ китум алңунак қа̄ткыхкумики Лӣлиҳтӯсят, апыҳтуқумикилъю иляңи югыт қа̄ткысқылъюки, Кияӷныӷым пилъықа̄ а̄ңьяҳқа̄нилюку Атаныҳпагулъҳани Қилягым.

От Матфея 5:19 Iomraidhean Croise

От Матфея 11:11

Ипа уңипа̄тамси, Иоанн Крестителым мыгнуналъыҳпига̄гуқ югның алъхықаӷьяхаӷның. Иўырңа кина алңунак укалиҳпигақ Атаныҳпагулъҳани Қилягым Иоаннымың мыгнунаӷатаӷаҳтуқ.

От Матфея 19:28

Иисусым пикӣ: «Ипа пӣмси, нутаӷами нунами Иӷныӷа Югым ақумылъықуқ умӣлгусигныкун ақумутагмикун ниӷуҳқылъыӷмини. Та̄хкын лъпысилъю малигуткани хўаңамнун ақумлюси қуля ма̄лӷук сӣпнықлъюку умӣлгым ақумутӣтхун, иглыӷутилъықуси қуля ма̄лӷук сӣпнықлъюку рамкыни Израилым.

От Матфея 20:26

Иўырңа лъпыси таўатысяҳқа̄нӷитуси. Налиҳси иглыӷутистыңуюкуми қыпҳаҳтыңуҳлъи лъпысинун.

От Матфея 28:20

Апыҳтӯсяқитыки қа̄ткысқылъюки қамахлъюки қылӷутканка лъпысинун. Лъпысинитыпыста̄ҳлъықуңа қӯнпың кынляңа кынлытҳӯтылъҳанун нунам».

От Луки 1:15

қаюҳлъяк лъңа қыпҳаҳтыкыҳлъяхлъықа̄ Атанӷым. Мыӷьяҳқа̄нӷитуқ виномың, налиӷмың сю̄мналӷӣмың ақимлымың, имиӷңаяҳқа̄гуқлъю Аглыӷналӷӣгның Таӷныӷагның талўа алъхылъҳилъюни.

От Луки 11:42

Сыӷлыӷўа̄ӷунақңӯси лъпыси Фарисеини! Тӯнақаси қуляҳқылъыси Кияӷныӷмун, талўа мятаси, рутаси, алңунаклъю нықым нықниҳся̄таңи. Иўырңа авылӷасиңўа̄ӷақаҳси пинитун пилъық юлгутыхпысинун, пиниқиңалъықлъю Кияӷныӷмун. Та̄кук пияҳқапыста̄қахси малигулъюкык тӯнилъыҳпысистун қуляҳқылъыҳпысиның.

От Луки 9:48

Пикӣ: «Китум алңунак атымкун тугуклъиқумигу уна таӷнуҳақ, тугуклъиҳлъықа̄ңа. Ынка̄м китум алңунак тугуклъиқумиңа, тугуклъиҳлъықа̄ каяхтистыка. Кина алңунак укалиҳпигақ акулыхпысинилңуқ, аңылъыҳпига̄гуқ».

Деяния 1:1

Феофил, игаңлъяқақсюхўа̄мкун игақыхкақақа қамахтыңъўа̄ӷлюку Иисусым қыпҳалъҳалъю, апыҳтуӷилъҳалъю, пӣнлиӷьюхўа̄лъҳаның кынляңа Кияӷныӷым қилягмун маюҳтыслъыӷанун. Сивуклъюни накмӣқа̄гуқ апостолкаҳқамың ынка̄м апыҳтуҳлъякақӣ угляпихлъыҳӣмың аҳтуӷьяҳқа̄нӷилъҳакун Аглыӷналӷӣм Таӷныӷам. Та̄кўаниңани аңуягита қақӯраӷлюку туқуткақа̄т иўырңа пиңают аӷныӷыт атуӷлюки уңувақа̄гуқ. Уңувалъыӷми киңуңаның ю̄к мальӷук аӷнық нунамытка̄гуқ, ынка̄м угля̄пихлъюку апостолытун ысҳаҳтыста̄тақа̄гуқ ипапыста̄қ уңува̄манилюни, алыҳқуӷналюкилъю Атаныҳпагулъҳаның Кияӷныӷым. Алъямың қырңуӷусята Иисусым лӣлиҳтуқӣ апостолыт: «Ўатаҳлъяк аӷуляқыхпынаси Иерусалимымың кынляңа алъхыҳтылъыҳпысинун Аглыӷналӷӣк Таӷныӷак. Атама акықусяқыхкақа̄к тӯнылъықнилюкык лъпысинун катам таўатын апылъымтун. Иоанн крестиӷика̄гуқ мыҳқун, иўырңа Атама крестиӷияҳтуңыстаӷӣси Аглыӷналӷӣгның Таӷныӷагның». Та̄куста игақыхканка игаңлъяқақсюхўа̄мкун.

К Римлянам 3:8

Ю̄к пинаялӷӣлъю: «Сыӷлытун пилъта сяңўа̄ пинилӷӣ апыӷӣӷысқылъюку сыӷлытун пилъымнъың». Иляңи югыт тымңимың пӣқут хўаңкута апыҳтуӷӣқнилюта таўатын. Нанқихтылъыңьяҳқа̄гут аӷью̄ӷьяҳқа̄лютың, аӷью̄лъыҳқамыгыстун.

К Римлянам 6:1

Сямыңʼңам пилъықыста? Сыӷлыҳқумаңина̄лъта̄а Кияӷныӷым наңлъыхталъҳа нулясқылъюку?

К Римлянам 6:15

Ынка̄м сянақыстаңам? Итагнаҳта̄а сыӷлыҳқылъыҳқаҳпут қаюҳлъяк Кияӷныӷым пиниқылъҳан иглықатақңукаңилъю нака̄н Лӣлиҳтӯсят? Нака̄, итагнанӷитуқ!

1е Тимофею 6:11

Иўырңа лъпык Кияӷныӷым юка̄тын, ынка̄м иқитңалютын тама̄куның. Сягиқутики ылъқуӷутңалъық, кияҳтын Кияӷныӷым кияҳтысқылъҳатун, ухпықилъылиӷлютын, пиниқилъылиӷлютын, нуқынъыҳтулютын, наңлъыхтаӷлютын.

К Титу 3:8

Тама̄кут пилъҳыт ипаңӯт. Тама̄кут апыҳтӯсят лъпынун сягиқутысқысюганка югнун қа̄ткысқылъюки. Та̄хкын ухпылъылгыт Кияӷныҳқун аныӷныҳқипыста̄ҳлъықут. Тама̄кут аныӷныҳқилъҳыт пинилӷӣңӯтлъю, каютңӯтлъю тамаңанун.

1е Петра 5:4

Ынка̄м Иглыӷутистыңат Пынъӣӷнӣҳтыт тагикан алъхыӷулъықуси пиниӷнапихлъыҳӣмың қаҳпамың қылмыӷӣсяҳқа̄нӷилңуӷмың.

1е Иоанна 3:4

Кина алңунак сыҳлъыҳқыхкаюк қа̄ткусигатуқ Кияӷныӷым Лӣлиҳтӯся̄мнъун. Сыӷлыҳқылъҳӯқ қа̄ткунъыӷитылъық Кияӷныӷым Лӣлиҳтӯся̄мнъун.

Откровение 2:20

Иўырңа укуңӯт тыңвимун аюқыхканка лъпысинун: Аӷулӣҳнъыӷитаҳси аӷнақ Иезавель апыҳтуӷилӷӣ ипаңунӷилңуӷның. Ӯкналиқыстыңунӣқуқ Кияӷныӷмун. Иўырңа апыҳтуӷилъыӷмикун пӯҳтақӣ югынка развратысқылъюки, ныӷысқылъюкилъю нықыт аҳқуткыхкат кияӷныңлъяқанун.