От Матфея 5:18 - Новый Завет на эскимосском языке

¹⁸ Ипа пӣмси, қилягылъю нунамлъю кынлытҳӯтылъҳыхкынун кынляңа, талўа сясқувыгаҳақ алъяңуҳна̄нӷитуқ Лӣлиҳтӯсянилңуқ кынляңа қамахлъютың Лӣлиҳтӯсянилңӯт апыӷӣлъҳитнун.

От Матфея 5:18 Iomraidhean Croise

От Матфея 10:15

Ипа уңипа̄тамси, Нанқихтилъҳым Аӷныӷани, Содомыӷмӣтлъю, Гоморраӷмӣтлъю аӷью̄лъыҳқыста̄ҳа̄яҳқа̄гут та̄хкын юганың!»

От Матфея 10:23

Такукаҳпысини амью̄ткыхкаңиси, иляңанун нунамун қимаха̄си. Ипа уңипа̄тамси, қамахна̄нӷитаси Израилым нунаӷи, сивуңани Иӷныӷан Югым тагилъыҳқа̄н.

От Матфея 10:42

Китум алңунак ныңлыкыхлъыҳӣмың мыҳсикумигу укалиҳпигақ малихся̄ҳтыка апалъюқлъюку малихся̄ҳтыкутымның, ипа пӣмси акилыҳтӯсяңыпыста̄ӷьяҳқа̄гуқ».

От Матфея 11:11

Ипа уңипа̄тамси, Иоанн Крестителым мыгнуналъыҳпига̄гуқ югның алъхықаӷьяхаӷның. Иўырңа кина алңунак укалиҳпигақ Атаныҳпагулъҳани Қилягым Иоаннымың мыгнунаӷатаӷаҳтуқ.

От Матфея 13:17

Ипа уңипа̄тамси, ӯкналиқистылӷутытлъю, юлӷутаңанлъю Кияӷныӷым, ысҳаӷьюкақсяӷӣт ысҳақаси, иўырңа ысҳа̄маңитӣт. Нагақуӷьюкақсяӷӣтлъю нагақуқаси, иўырңа нагақӯмаңитӣт».

От Матфея 16:28

Ипа уңипа̄тамси, хўа̄нлыңӯт иляхпыси уңувалъыӷмыхни ысҳаӷьяҳқақа̄т Иӷныӷа Югым тагилӷӣ Умӣлгулюни».

От Матфея 17:20

Иисусым кӣмсиқӣ: «Қаюҳлъяк ухпықилъыҳқыста̄ҳа̄лӷӣси. Ипа уңипа̄тамси, ухпықилъылгуяқуфси горчицам пӣтутысқуҳан аңталңатун, уна на̄йӷақ пикуфсигу: “Иңавык нӯхтын!” нӯхнаяҳтуқ. Ынка̄м сяңўа̄ алңунак аҳтуӷнаянӷитаҳси!»

От Матфея 18:18

Ипа уңипа̄тамси, сяңўа̄ алңунак асиҳтыкуфсигу нунами хўани, асиҳсяҳқа̄гуқ қилягмилъю. Сяңўа̄ алңунак итымускуфсигу нунами хўани, итымусяҳқа̄гуқ қилягмилъю.

От Матфея 18:3

Пикӣ: «Ипа уңипа̄тамси, итыӷна̄нӷитңўа̄ҳтуси Атаныҳпагулъҳанун Қилягым ўытқукун таӷнуҳаӷыстун лъӣқуфси.

От Матфея 19:23

Та̄хкын Иисусым малихся̄ҳтыни пикӣ: «Ипа пӣмси, пияқнаӷьяҳқа̄гуқ аклъюңилңуӷмун югмун итылъыҳқа̄ Атаныҳпагулъҳанун Қилягым.

От Матфея 19:28

Иисусым пикӣ: «Ипа пӣмси, нутаӷами нунами Иӷныӷа Югым ақумылъықуқ умӣлгусигныкун ақумутагмикун ниӷуҳқылъыӷмини. Та̄хкын лъпысилъю малигуткани хўаңамнун ақумлюси қуля ма̄лӷук сӣпнықлъюку умӣлгым ақумутӣтхун, иглыӷутилъықуси қуля ма̄лӷук сӣпнықлъюку рамкыни Израилым.

От Матфея 21:21

Иисусым кӣмсиқӣ: «Ипа пӣмси, малӷуклъилъңуна̄н ухпықилъылгукуфси, хўаңамтун пилъықуси, ысҳапалъыҳпысистун смоквам уқфига. Таўатыңинақ пина̄нӷитуси талўа уна на̄йӷақ каяхтыкуфсигу: “Ӣклъютын лъпынун мыӷмун милю̄тын”, лыган пилъықуқ.

От Матфея 21:31

Иисусым а̄птыкӣ: «Налӣм иӷныӷан қа̄ткыхкақагу атани?» Кӣмсиқа̄т: «Сивулӣм». Ынка̄м Иисусым пикӣ: «Уңипа̄тамси налогмың қырңуҳтыстытлъю, аӷнатлъю акикикаюгыт югусимыхның сивухпысини итыӷа̄тңӯт Атаныҳпагулъҳанун Кияӷныӷым.

От Матфея 23:36

Ипа уңипа̄тамси, лъпыси уңувалӷӣни ма̄тын Кияӷныӷым аӷью̄ӷьяҳқақӣси тама̄кунун сыӷлытун пилъыӷнун!»

От Матфея 24:2

Пикӣ: «Ысҳаӷаси тама̄кут мыңтыӷат. Ипа пӣмси, талўа ата̄сиқ уйӷак нымининъа̄нӷитуқ. Қамахлъютың улъыҳқуӷьяҳқа̄гут».

От Матфея 24:47

Ипа уңипа̄тамси, та̄на қыпҳаҳта умӣлган афлъыңакистыңлъяӷьяҳқақа̄ сяминун тамаҳа̄нун.

От Матфея 25:12

Иўырңа нулиҳтуӷнақылӷӣм кӣмсиқӣ: “Ипа уңипа̄тамси, налъюкамси кинкуңустык”».

От Матфея 25:40

Умӣлгым кӣмсиҳлъықӣ: “Ипапыста̄қ уңипа̄тамси, сяңўа̄ алңунак пикаҳси укалиҳпигаӷнун аңлыгутымнун, хўаңамнун пӣқаси!”

От Матфея 25:45

Та̄хкын Умӣлгым кӣмсиҳлъықӣ: “Ипапыста̄қ уңипа̄тамси, таўатын пинӷитылъыҳпысистун налиҳӣнӣтнун укут укалиҳпига̄т, хўаңа пинӷитақаҳпысиңа”.

От Матфея 5:26

Ипа пӣмкын, анусимиңлъяҳтысимакаңатын а̄на̄нӷитутын кынляңа нанқихтистым лъивикысқылъҳа қамахлъюку лъивикыхкувгу».

От Матфея 6:16

«Постаныҳпысини ӣлъқысюгниҳқыхпынаси пинӣюгныӷыстун. Аӷмигигатут, мысю̄наңигатут лӣгикысқылъютың постаңунилютың. Ипа уңипа̄тамси, акилыҳтӯсяңўа̄ӷлютың аюқут.

От Матфея 6:2

Ынка̄м тӯникувык аклъюмалӷӣнун, пинӣюгныӷыстун пихпынаң. Қалӷиҳтаҳтыстикаюгӯт тӯнивагилгамың ысҳӣсқылъютың. Таўатын пӣқут, синагоганилъю, тумынилъю усюқысқылъютың. Ипа уңипа̄тамси акилыҳтӯсяңўа̄ӷлютың аюқут.

От Матфея 8:10

Иисусым нагалъюку сяӷӣӷаюкақ, ынка̄м югыт малигулъҳӣт лъңанун пикӣ: «Ипа уңипа̄тамси, налъя̄сигатуңа китумың алңунак Израилыӷмӣмың, ӯтун юхтун ухпықиныҳтуткалӷӣмың.

От Марка 10:15

Ипа уңипа̄тамси, китум алңунак тугуклъинӷилъкумигу Атаныҳпагулъҳа Кияӷныӷым таӷнуҳаҳтун, итыӷна̄нӷитуқ».

От Марка 10:29

Иисусым пикӣ: «Ипа уңипа̄тамси, китум алңунак унискумики мыңтыӷани, аңлыгутни, на̄ни, атани, авақутани, нунани апалъюқлъюңа хўаңа, Пинилӷӣтлъю Уңипат,

От Марка 11:23

Ипа уңипа̄тамси, китум алңунак малӷуклъилъңунани илюмикун, ухпықыхкумикилъю акузитни пияҳқа̄таңи, уна на̄йӷақ хўатын пикумигу: “Кылъӣнун а̄тҳи”, та̄ўа апыӷӣӷьяҳқа̄гуқ лъңанун.

От Марка 12:43

Иисусым малихся̄ҳтыни туқлъюӷлюки пикӣ: «Ипа уңипа̄тамси, ӯм аклъюмалӷӣм угиңиӷам тӯныхкакык қа̄йӷутиңӯк аклъюңилңӯт тӯныхкӣтның.

От Марка 13:30

Ипа уңипа̄тамси, ма̄тын уңувалӷӣт туқуна̄нӷитут сивуңани қамахлъютың тама̄кут пилъыҳқӣта.

От Марка 14:18

Ныӷӯтңулютың қаюӷвыгми Иисусым пикӣ: «Ипа уңипа̄тамси, налиҳпыси ныӷылгусиӷилӷӣм хўаңамның увыҳпагунъақңўа̄ңа».

От Марка 14:25

Ипа уңипа̄тамси, виномың алъя мыӷна̄нӷитуңа кынляңа аӷныӷми таўани виноӷраӷақ мыӷыхкумкун Атаныҳпагулъҳани Кияӷныӷым».

От Марка 14:30

Иисусым пика̄ Петр: «Ипа уңипа̄тамкын, унукун петухым қалӷилъыни алӷиҳтыстыхпына̄н налъюнқылъықаҳпыңа кытхўылъ пиңаюның».

От Марка 14:9

Ипа уңипа̄тамси, нани алңунак нунатаҳа̄ни тамаҳа̄ни Пинилӷӣт Уңипат уңипақныӷмыхтыки, а̄пҳақна̄ӷа̄т аӷнам таўатын пилъҳа югнун нықамикысқылъюку».

От Марка 3:28

Ипа уңипа̄тамси, югыт сыӷывутылъыңьяҳқа̄гут сыӷлыҳқылъҳитның, сыӷлытунлъю акузиткылъҳитның Кияӷнық.

От Марка 6:11

Нынун ка̄скуфси упуӷатиңигалңуӷнун, налиӷмың нагасюгигалңуӷнун, унинъакыси та̄на нуна итыгаси пагуляңӣмӣта. Таўатын пикуфси кылыңася̄ҳлъықаси Кияӷныӷым аӷью̄лъыҳқа̄ның!»

От Марка 8:12

Иисусым аныҳпаглюни пикӣ: «Сяңамың ма̄тын аӷныӷым юги алъя̄ҳлъюхўаҳтилъыӷмың туңсиӷақат? Ипа уңипа̄тамси, алъя̄ҳлъюхўаҳтинъа̄нӷитамси».

От Марка 9:1

Нагныӷуткӣлъю хўатын: «Ипа уңипа̄тамси, иляси ныкывӷалъҳӣт хўани туқуна̄нӷитут кынляңа ысҳалъыӷмыхнун Атаныҳпагулъҳа Кияӷныӷым тагикан аҳтуӷьяҳқа̄нӷилъыҳтӯмаӷми».

От Марка 9:41

Ипа уңипа̄тамси, китум алңунак мыҳсикаңиси хўаңа пикутымның, ипапыста̄қ акилыҳтӯсяңьяҳқа̄гуқ».

От Луки 11:51

та̄хкын има Авелым туқутылъҳаның Захариям туқутылъҳанун. Захария туқуткақыхкаңат акулыхкыни аҳқыфигымлъю, Аглыӷналӷӣмлъю Ныңан. А̄а, уңипа̄тамси, кияҳлъыӷӣт аӷныӷни ма̄тын аӷью̄лъыңьяҳқа̄гут таўатын пилъыӷнун.

От Луки 12:37

Қуянапихтут қыпҳаҳтыт тыҳумаӷмың апыӷӣӷўа̄ӷлютың аюқылӷӣт умӣлгита ка̄скумики! Ипа уңипа̄тамси, умӣлгым қыпҳаҳтыни ақумӯтыслъюки қаюӷвикыгныкун, та̄хкын кынигни тафсӣлъюкык кыпсӣқулъықӣ нықмың.

От Луки 13:35

Нагатын, мыңтыӷа̄н па̄ҳқӣлъықа̄ қаюҳлъяк Кияӷныӷым унинъақа̄тынлъю, пақнӣҳсяӷнаниӷнақа̄тынлъю. Уңипа̄тамкын, ысҳаӷна̄нӷитаҳпыңа кынляңа хўатын пилъыҳқаҳпынун: “Кияӷныӷым қуяслъигу тагилӷӣ а̄тҳакун Атанӷым!”»

От Луки 16:17

Иўырңа пияқнаӷатаӷаҳтуқ иқитылъыҳқа̄ ата̄сиқ тагнықшаҳақ Лӣлиҳтӯсяның, қилягылъю, нунамлъю авӣӷутылъыҳқахкының.

От Луки 18:17

Ипа уңипа̄тамси, китум алңунак тугуклъинӷилъкумигу Атаныҳпагулъҳа Кияӷныӷым таӷнуҳаҳтун, итыӷна̄нӷитуқ».

От Луки 18:29

Иисусым пикӣ: «Ипа уңипа̄тамси, китум алңунак унискумигу ныни, нулӣни, аңлыгутыни, аңаюқагни, авақутани апалъюқлъюку Атаныҳпагулъҳа Кияӷныӷым,

От Луки 23:43

Иисусым пика̄: «Ипа уңипа̄тамкын, аӷныӷми хўани хўаңамнилъықутын Райеми».

От Луки 4:24

Пикӣлъю: «Ипа пӣмси, ӯкналиқиста тугуклъиҳтыңитуқ лъми катам аңливигмини.

От Иоанна 1:51

Та̄хкын пикӣ: «Ипа уңипа̄тамси, ысҳаҳлъықаҳси қиляк қылъпылӷӣ, Кияӷныӷымлъю яқулги маюлӷӣт, укилӷӣт Иӷныӷакун Югым».

От Иоанна 10:1

Иисусым пикӣ: «Ипа уңипа̄тамси, ю̄к нагун алңунак маюӷлюни пынъӣлӷутамун ӣтқуми амигунӷилңуҳқун, тыглыгнӣҳтыңӯқлъю, ўаяҳтыңӯқлъю.

От Иоанна 10:7

Ынка̄м Иисусым пиля̄тақӣ: «Ипа уңипа̄тамси, хўаңа амигӯңа пынъӣӷнун.

От Иоанна 12:24

Ипа уңипа̄тамси, ўыткуқун пӣтун ифкаҳлъюни нунамун итыӷлюни туқукуми пӣтысқуҳлъягьяҳқа̄гуқ, а̄мта̄м туқунӷилъкуми та̄ўа ата̄сиҳа̄лъықуқ пӣтун.

От Иоанна 13:16

Ипа уңипа̄тамси, қыпҳаҳта а̄ңатаӷанӷитуқ умӣлыгминың, уңипаҳталъю а̄ңатаӷанӷитуқ каяхтистыминың.

От Иоанна 13:38

Иисусым кӣмсиқа̄: «Ипа туқуткылъықсиңа̄? Ипа уңипа̄тамкын, пиңаюның налъюнқылъықаҳпыңа петух қалӷиҳтыстыхпына̄н».

От Иоанна 14:12

Ипа уңипа̄тамси, китум ухпықыхкумиңа, та̄кут ата̄сит қыпҳақанка пилъықӣ. Талўа а̄ңатаӷалӷӣт тама̄куның пилъықӣ қаюҳлъяк агляӷнақуңа Атамун.

От Иоанна 16:20

Ипа уңипа̄тамси, қияяҳқа̄гусилъю қивӷуяҳқа̄гусилъю иўырңа нунам юги қуяяҳқа̄гут. Лъпыси қивӷуяҳқа̄гуси иўырңа қивӷулъыси қуялъҳуҳсяҳқа̄гут.

От Иоанна 16:23

Таўани аӷныӷми а̄пна̄нӷитаҳпысиңа сямың алңунак. Ипа уңипа̄тамси, Атама тӯнылъықӣси сямың алңунак а̄птыкуфси Атымкун.

От Иоанна 21:18

Ипа уңипа̄тамкын, нукалъпига̄лютын лъпынун тафсилютын навык пиюкылъыҳпынун пӣқсин. Иўырңа нанывгақувык, ӣхытын кывыглюки, китум тафсилютын агля̄лъықа̄тын такуюкыхкақынӷилъкыхпынун».

От Иоанна 3:11

Ипа пӣмкын, акузиткақаҳпут лӣсимакыхкаҳпут, а̄пҳақаҳпут ысҳақаҳпут, паниның налиҳӣнаҳпыси ухпықигата̄ уңипаҳпут.

От Иоанна 3:3

Иисусым пика̄: «Ипа уңипа̄тамкын, китум алңунак ысҳаӷна̄нӷита̄ Атаныҳпагулъҳа Кияӷныӷым ўыткуқун алъхынқихтыкуми».

От Иоанна 3:5

Иисусым кӣмсиқа̄: «Ипа пӣмкын, кина алңунак итыӷна̄нӷитуқ Атаныҳпагулъҳанун Кияӷныӷым ўыткуқун алъхынқихтыкуми мыҳқунлъю, Таӷныӷагныкунлъю.

От Иоанна 5:19

Иўырңа Иисусым пикӣ: «Ипа пӣмси, Иӷнық лъңинаӷми сяяҳқа̄нӷитуқ, Атаминың ысҳапакаҳӣнани пӣқа̄. Атами пилъҳатун пӣқуқ.

От Иоанна 6:26

Иисусым кӣмсиқӣ: «Ипа уңипа̄тамси, иваӷаҳпысиңа қаюҳлъяк ныӷылӷӣси нықыкшаңлъямың кыпсюӷа̄ӷлюси. Иванӷитаҳпысиңа алъя̄ҳлъюхўаҳтилъҳынка апалъюқлъюки.

От Иоанна 6:32

Иисусым пикӣ: «Ипа уңипа̄тамси, қилягмың памакын Моисейеңунӷитуқ тӯникақ нықыкшаңлъямың. Қилягмың памакын Атакақа тӯникаюк нықыкшаңлъяпигмың лъпысинун.

От Иоанна 6:47

Ипа уңипа̄тамси, лъңа та̄на ухпықилӷӣ кынлыңилңуӷмың уңувалъылгӯқ.

От Иоанна 6:53

Иисусым пикӣ: «Ипа уңипа̄тамси, Иӷныӷан Югым кымыкшага ныӷьяҳқақаҳси, а̄ўалъю мыӷьяҳқақаҳси. Таўатын пинӷилъкуфси, уңувалъыпигитуси илюхпысини.

От Иоанна 8:34

Иисусым кӣмсиқӣ: «Ипа уңипа̄тамси, кина алңунак сыӷлыҳқыңъалӷӣ, сыӷлыҳқылъыӷмун қыпҳаҳтыля̄ӷыстун аюқуқ.

От Иоанна 8:51

Ипа уңипа̄тамси, китум алңунак қа̄ткыхкумики апыҳтуӷилъҳынка, туқуна̄нӷитңўа̄ҳтуқ».

От Иоанна 8:58

Иисусым пикӣ: «Ипа уңипа̄тамси, талўа сивуңани Авраамым Хўаңаңӯңа».

1е Петра 1:25

иўырңа акузитаңи Кияӷныӷым қӯнпыкаҳқа̄гут». Та̄куста акузитыт Пинилӷӣт Уңипат уңипақыхкаңит лъпысинун.

Откровение 20:11

Та̄хкын ысҳаӷақа Кияӷнық ақумгалӷӣ қатылӷӣгныкун умӣлгусигныкун ақумутаҳлъягыгныкун. Нуналъю, қилягалъю қима̄гӯтук Кияӷныӷым таўантылъҳаның, алъялъю ысҳаӷьяҳқа̄хпынатык.