От Матфея 5:14 - Новый Завет на эскимосском языке

¹⁴ Ниӷугыстун аюқуси нунам югани. Ныҳлъяк қымим қа̄йңанилңуқ талюӷңаяҳқа̄нӷитуқ.

От Матфея 5:14 Iomraidhean Croise

От Иоанна 12:36

Ынка̄м ниӷук паниның лъпысинилъюку ухпықитыху, авақуталӣтысқылъюси ниӷугмун». Иисус таўатын пилюни кахтаҳтыкақ лъңитның.

От Иоанна 5:35

Иоанн кынылӷутастун кумаңаяҳтуқлъю, кӯкхутңаяҳтуқлъю. Акузитаңи ниӷугыстун аюқсяҳтут ынка̄м лъпыси натыңӣҳақ акузитаңакун қуястысюка̄гуси.

От Иоанна 8:12

Та̄кўаниңани Иисусым алыҳқуӷля̄тақӣ югыт. Пикӣ: «Хўаңа ниӷугӯңа нунам юганун. Китум малихтыкумиңа мамлыгми кияҳна̄нӷитуқ, кынылгулъықуқ уңувалъылитикаюгмың».

От Иоанна 9:5

Паниның нунамылъюңа ниӷука̄ңа нунам юган».

2е Коринфянам 6:14

Иңлюкыхпынаки ухпықа̄нӷилңӯт. Ылъқуӷутңанӷилңуқлъю, сыӷлыӷықлъю иңлюкутыпагниңитук. Ниӷуклъю мамлыклъю қырңаӷмытыпагниңитук.

К Филиппийцам 2:15

Ынка̄м авутңилъықусилъю, пылюңилъықусилъю. Кияӷныӷым авақутӣ авутңисяҳқа̄гут кияҳтыңъулютың акулңитни пӯҳтинӷытлъю, сыӷлыҳқыстытлъю. Кӯкхутыпыста̄ӷьяҳқа̄гуси иӷалықыта̄ӷыстун нунами,

1е Фессалоникийцам 5:5

Қамахлъюси авақутақӣси ниӷугым, авақутақӣсилъю аӷныӷым. Унугым пикынӷитӣлъю налиӷмың мамлыхлъягым.

Откровение 1:20

Ысҳаӷатын ма̄ӷраӷвинлык иӷалықыта̄ӷыт аӷынқигныӷма ӣханилңӯт, ма̄ӷраӷвинлыклъю золотат кынылӷутат тунымӣт, та̄кут сямың писӣтаңи сялин қайвиҳтылъҳитут. Хўатын писӣгут: Ма̄ӷраӷвинлык иӷалықыта̄ӷыт яқулгӯт. Кияӷныӷым уңипаҳтыкӣ ухпықанун қырңуӷуткаюгның ма̄ӷраӷвинлыгни юӷаӷвигни. Ма̄ӷраӷвинлык кынылӷутам тунымӣ та̄куңӯт ма̄ӷраӷвинлык юӷаӷвигыт».

Откровение 2:5

Тама̄кын апалъюқлъюку пуйгухпына̄н пиниқыҳлъягьяқыфсиңа, ухпықа̄лгутысилъю. Пиниқнаниӷаҳпысиңа пӣқылъыҳпысистун. Ынка̄м авутыҳқитык. Пиниқынқихтикут пиниқсюххуа̄лъыҳпысистун. Авутыҳқынӷилъкуфси, такулюси иқилъықақа кынылӷутаҳпыси туныма̄ ныңаның.