От Матфея 5:10 - Новый Завет на эскимосском языке

¹⁰ Тама̄кут амью̄ткылъыңылӷӣт атуқутмыхның Кияӷныӷым пиюкылъҳа, қа̄ткутңатмыхның қуястылъылгӯт, қаюҳлъяк юкӣ Атаныҳпагулъҳан Қилягым.

От Матфея 5:10 Iomraidhean Croise

От Матфея 10:23

Такукаҳпысини амью̄ткыхкаңиси, иляңанун нунамун қимаха̄си. Ипа уңипа̄тамси, қамахна̄нӷитаси Израилым нунаӷи, сивуңани Иӷныӷан Югым тагилъыҳқа̄н.

От Матфея 19:14

Иўырңа Иисусым пикӣ: «Йықай таӷнуҳа̄т тагилит хўаңамнун. Иныҳтыхпынаки, қаюҳлъяк Атаныҳпагулъҳа Қилягым таӷнуҳаӷыстун аюқылӷӣт пика̄т».

От Матфея 25:34

Та̄хкын Умӣлгым аӷынқигныӷминилңӯт пилъықӣ: “Тагитык, Атама қуястыкӣтни, пилӣтыху Атаныҳпагулъық ята̄ҳқыхка̄қ лъпысинун има нуна улима̄қңан.

От Матфея 5:3

«Тама̄кут лӣсимакилӷӣт аклъюкиңалъыӷмыхның Кияӷныӷым каюсилъҳаның қуястылъылгӯт, қаюҳлъяк юкӣ Атаныҳпагулъҳан Қилягым.

От Марка 10:14

Иисусым ысҳаӷлюки сыӷлыӷьягулъюки малихся̄ҳтыни пикӣ: «Таӷнуҳа̄т тагилит хўаңамнун. Иныҳтыхпынаки, қаюҳлъяк Атаныҳпагулъҳа Кияӷныӷым таӷнуҳаӷыстун аюқылӷӣт пика̄т.

От Марка 10:30

алъхыӷута̄ӷаӷьяҳқа̄гуқ хўани кияҳта̄лъыӷми. Мыңтыӷа̄, аңлыгутаңи, на̄ңа, авақутӣ, нунаңа, нуляҳлъягьяҳқа̄гут; тама̄кунун малигулъюку амью̄ткылъыңьяҳқа̄гуқ. Та̄хкын та̄кўаниңани кынлыңилңуӷмың уңувалъыңьяҳқа̄гуқ.

От Луки 21:12

Иўырңа қамахлъюки тама̄кут пистыхпынаки, тугулюси амьюқыта̄ткылъықӣси. Синагоганун агля̄лъюси нанқихлъықӣси ынка̄м анусимиңлъяҳлъықӣси. Агля̄лъықӣси умӣлыгнунлъю правителынунлъю нанқихтысқылъюси хўаңа апалъюқлъюңа.

От Луки 22:29

Тама̄кын апалъюқлъюку атаныҳпагулъылитамси катам Атама тагивалъҳатун хўаңамнун.

От Луки 6:20

Та̄хкын Иисусым ысҳаҳтыӷлюки малихся̄ҳтыни пикӣ: «Лъпыси аклъюмалӷӣни қуяслъылгӯси, қаюҳлъяк Атаныҳпагулъҳа Кияӷныӷым лъпыси пикаҳси!

От Луки 6:22

Қуяслъылгӯси югыт угумикынӷиси, иҳсякынӷиси, сыӷлықӯнӷиси, сыӷлыӷуникаңисилъю. Таўатын пӣқӣси қаюҳлъяк малихся̄ҳтыкыхкаңиси Иӷныӷан Югым!

От Иоанна 15:20

Нықамиклъюку а̄пқақа лъпысинун: Қыпҳаҳта а̄ңатаӷанӷитуқ умӣлыгминың. Амью̄ткумакумыхтыңъа лъпысилъю амью̄ткылъықӣси. Қа̄ткумакумыхтыки апыҳтӯсянка, лъпысилъю апыҳтӯсяси қа̄ткылъықӣт.

Деяния 5:40

Та̄хкын кылыңакистынун итҳутыслъюки апостолыт кахсягмихтыстыкӣт. Иныҳтыңъўа̄қӣтлъю уңипақнанӣсқылъюку Иисус. Апыӷӣӷьямыхтыки а̄ныстыкӣт.

Деяния 8:1

Савлам итагнақыхка̄ Стефаным туқутылъҳа. Югыт пиниқиңалӷӣт Кияӷныӷмың лъӣфқа̄т Стефан қиякыҳлъягума̄н. Та̄хкын аӷныӷмың кынляңа амью̄ткыҳлъягьягуткӣт ухпықат Иерусалимымылңӯт. Савлам ынңа̄талъ амью̄ткыхкӣ ухпықат на̄ңысқылъюки. Ӣтҳақлъюни ныңитнун қамуҳсӣӷмың а̄нуқуқӣ аӷнатлъю, югытлъю анусимиңлъяҳтысқуӷналюки. Қамахтыңъўа̄ӷлютың ухпықат, пылъыӷмун қимагӯткат нунанун Иудеямылңуӷнунлъю, Самариямылңуӷнунлъю, апостолыңинаҳа̄т қимагумаңилңӯт.

2е Коринфянам 4:17

Сыӷлылӣлъыпут сясқуҳа̄гут мулюяҳқа̄нӷитут. Иўырңа тама̄кут ята̄ҳқутңўӣлъю алъхыҳтысқылъюку Кияӷныӷмың кынлыңилңуқ қуялъыҳлъяк. Ынка̄м сыӷлылӣлъыпут аваңилңуӷыстун аюқут.

К Филиппийцам 1:28

Аликыхпынаки аңуяси, қӯнпың илютулъюси. Ынка̄м таўатын пилъыҳпыси ипапиҳқылъықа̄т лъңит кая̄лъқӣна̄нӷитут. Лъпыси кая̄лъқӣлъықуси қаюҳлъяк Кияӷныӷӯқ кая̄лъқӣстилӷӣ лъпысиның.

2е Тимофею 2:12

Ӣлъқаюнӷилъкумта, иглыӷутилгусиҳлъықаҳпут. Налъюнқыхкумтыху, лъңанлъю налъюнқылъықӣлъю.

2е Тимофею 3:11

Лӣсимакан амьюқыта̄ткысилъқа, икфиқылъқалъю. Лӣсимакан таўатын пикақа̄тңа Антиохиями, Икониями, Листрамилъю. Угляӷңа̄н амьюқыта̄ткылъыңыхка̄гуңа, таўалъӣма Атанӷым югуликақа̄ңа тамаҳӣтның.

От Иакова 1:12

Қуянаҳалык югым нанӷӣқулъыни нуқытуткаюги. Сюфлъюҳтыкумики алъхыҳсяҳқақа̄ акилыҳтӯсяни кынлыңилңуқ уңувалъық, Кияӷныӷым акықусяқыхка̄ тӯнылъықнилюку пиниқистыминун.

От Иакова 5:11

Қуяңанӣқапут ӯкналиқистыт қаюҳлъяк икфиқңуӷңа̄ӷмың паниның ныӷьюкумаңинақақа̄т Атанық. Нагақуқақаҳси Иовым нуқынъыҳтулъҳа, қуястылъҳалъю Атаныӷмың икфиқылъҳа алъпагьян. Ынка̄м Иовыкун Атанӷым лӣтыстӣси нафуҳталъыӷминыңлъю, наңлъыхталъыӷминыңлъю.

1е Иоанна 3:12

Каинтун аюқсяҳқа̄нӷитукут. Каин Туӷныӷа̄м пика̄ ынка̄м туқуткақа̄ лъми катам аңлыгутни. Сяңан туқутагу? Қаюҳлъяк сялъҳи анахутңалӷӣт нақам аңлыгутаңан сялъҳи ылъқуӷутңалӷӣт.

Откровение 2:10

Аликыхпынаки тама̄кут икфиқуткынъақыхкыси. Нагатык! Туӷныӷа̄м иляси анусимиңлъяҳтыснақӣ нанӷӣқуналюси. Ынка̄м икфиқылъықуси қуля аӷныӷнун. Иўырңа ата̄сӣӷмытык, қайўа туқуяҳқа̄ӷңа̄ҳпыси. Таўатын пикуфси, акилыҳтӯсялилъықамси кынлыңилңуӷмың уңувалъыӷмың.