От Матфея 3:17 - Новый Завет на эскимосском языке

¹⁷ Та̄хкын ма қилягмың пикақ: «Унаңӯқ пиниқыхкаҳлъяка Иӷнықа, ыфқуқыпихтақа».

От Матфея 3:17 Iomraidhean Croise

От Матфея 12:18

«Уна ысҳа накмикыхкақа̄ қыпҳаҳтыңулюку. Пиниқыхкақа уңувасигма ыфқуқыпихта̄. Таӷныӷахка лъңакун ныкыхлъықахка. Уңипа̄лъықӣ язычнигыт таўатыҳлъюўа̄қ нанқихтилъыҳқамның тамаҳа̄нун югнун.

От Матфея 17:5

Сялин акузималюку, қилягўа̄ӷым ниӷугракыхтам ся̄пыхкӣ, ынка̄м қиляўа̄ӷмың мым пикӣ: «Уна Иӷнықақа, пиниқыпихтақа, ыфқуқыпихтақа, нагатақитыху!»

От Марка 1:11

Мымлъю қилягмың пика̄: «Иӷнықамкын, пиниқыхкамни. Ыфқуқыпихтамкын».

От Марка 9:7

Та̄хкын қиляўа̄қ алӣӷлюни ся̄пыхкӣ. Қиляўа̄ӷмың мым пикӣ: «Унаңӯқ пиниқыпихтыкыхка Иӷнықа; нагатақитыху!»

От Луки 3:22

та̄хкын Аглыӷналӷӣк Таӷныӷак сюңаӷьюкыхталютык укикақ лъңанун. Қилягмың ма пикақ: «Иӷнықамкын, пиниқыпихкамкын, ыфқуқыпихтамкын».

От Луки 9:35

Қилягўа̄ӷмың мым пикӣ: «Уна Иӷнықақа, накмикыхкақа̄! Нагатақитыху!»

От Иоанна 5:20

Атам пиниқа̄ Иӷныни, ынка̄м кылгувикақа̄ сямың тамаҳа̄ның сялъыӷминың. Иўырңа та̄куның а̄ңатаӷалӷӣның кылгувиксяҳқақа̄ сяӷӣӷаюгысқылъюси.

От Иоанна 5:37

Каяхтикам хўаңамның, Атам лъминың катам а̄пҳўа̄ ипапиҳқылъық хўаңамның аюқылӷӣ. Нагақӣгатңўа̄ӷаҳси мыңа, ысҳӣгатңўа̄ӷаҳси натытуляңа,

К Ефесянам 1:6

Ынка̄м усюқаҳпут Кияӷнық қаюҳлъяк иӷлыхпынани наңлъыкыҳлъягӣлъю пиниқыхкамикун Иӷныӷмикун.

К Колоссянам 1:13

Лъңан югуликақӣлъю аҳтуӷьяҳқа̄нӷилъҳаның мамлыгым ынка̄м тагиткақӣлъю Атаныҳпагулъҳанун пиниқыхками Иӷныӷми.

2е Петра 1:17

Иисусым алъхыҳтақңагу қӯлвалъықлъю, ниӷуҳқылъықлъю Кияӷныӷмың Атамың, нагақуқақа̄ мыңа Кияӷныӷым, Қулиҳпига̄лӷӣ Ниӷуҳқыңъаҳлъяк. Атам пикақа̄: «Унаңӯқ пиниқыпихтыкыхка Иӷнықа, ыфқуқыпихтыкыхка».

1е Иоанна 5:9

Ухпықңукумтыки югыт а̄пқӣт хўаңкунъун, ипапыста̄қ ухпықатаӷаӷьяҳқақапут Кияӷныӷым а̄пқӣ. Кияӷныӷым апылъҳа Иӷныӷмун ипаңӯқ.

Откровение 14:2

Нагақуӷақалъю ма қилягмың. Нагатка̄люни лъяңақа қалъяңатун мыҳлъягыт, тыңъа̄гатунлъю калъюгым. Нагаткақа ма лъяңақа гуслистыт айңанаңалъҳӣстун гуслитхун аюқылӷӣ.