От Матфея 28:9 - Новый Завет на эскимосском языке

⁹ Иисусым алӣӷаҳфиклъюкык пики: «Ныкыхмылъық лъпытыгнилъи». Ынка̄м та̄кук аӷнак такулюку, итыгӣ нуқнықлъюки манигуқа̄к.

От Матфея 28:9 Iomraidhean Croise

От Матфея 14:33

Ынка̄м аңьямылңӯт манигуқа̄т Иисус. Пика̄т: «Ипапыста̄қ Кияӷныӷым Иӷнықа̄тын!»

От Матфея 23:7

Қӯлваҳтысюгақут акилъпыгаӷвигни, атӣсқысюгақутлъю: “Апыҳтуӷистымың”.

От Матфея 28:10

Та̄хкын Иисусым пики: «Алиңыхпынатык. Уңипа̄сяҳтуҳтыки малиҳся̄ҳтынка аңлыгусӣтканка, Галилеямунңуқ агляӷлит та̄ганиңуқ ысҳаҳлъықа̄тңа».

От Матфея 28:17

Ысҳаӷьямыхтыху Иисус манигуқа̄т, иўырңа иляңита айгуӷикыхка̄т лъңаңутаңа.

От Матфея 28:8

Ынка̄ңам таўаниңинақ лъивыӷмың аӷуляқыхкақ, алиңума̄гмыклъю, қуяҳлъягума̄гмыклъю, кытанқуснақ уңипа̄сяҳтуқит малихся̄ҳтыңи.

От Луки 1:28

Яқулгым такулюку пика̄: «Ныкыхмылъық лъпынилъи! Атанӷым накмикума̄тын аӷнат акулңитның».

От Луки 24:52

Таўани манигуӷлюку утыӷниқат Иерусалимымун қуялъылиҳлъяглютың,

От Луки 7:38

Итыӷлюни ныкывыхкақ тунутаңакун Иисусым итыга̄н. Қияткылъюку қуниминың аӷистыкӣ итыгӣ, ынка̄м нуяминың сяңиҳқуқӣ. Та̄хкын на̄ӷақлъюки, аңиҳыхкӣ тыпыңлъя̄симың.

От Иоанна 12:3

Та̄хкын Мариям тагиткакык акитупихлъыҳӣк тыпыңлъя̄сик нардопигмың улима̄ӷык. Иисусым итыгӣ кӯвиклъюки сяңихтыкӣ нуяминың. Ынка̄м мыңтыӷам илюңа тыпыңлъя̄сиҳпагниҳқўа̄кақ.

От Иоанна 20:19

Сивулӣлӷӣ аӷныӷа неделям. Иӷивга̄ни таўани малихся̄ҳтыт қырңуӷуткат. Алиңлютың Иудеит иглыӷутистыңитның, амигыт маҳқатңастыкӣт. Иисус тагилюни акуляңитхун ныкывлюни пикӣ: «Ныкыхмылъық лъпысинилъи».

От Иоанна 20:28

Фомам пика̄: «Атанымни, Кияӷнымни!»

2е Коринфянам 13:11

Ухпықа̄лгутымни, таўатынңам пӣңа. Қуяңатык. Выӷутык кияҳтысқысюлъҳанун Кияӷныӷым. Писқысюлъымтун питык. Кияҳтык итагнақулъюси, ныкыхмытулъюси. Ынка̄м Кияӷнық тынымыңа пиниқылъҳымлъю, ныкыхмылъҳымлъю лъпысинилъи.

Откровение 3:9

Ӣи! Тама̄кут қырңуӷулъҳӣт Туӷныӷа̄м синагогаңани, Иудеяңунӣқут. Иўырңа иқлъыңиқыстыңӯт; Иудеяңунӷитут. Лъпысинун пислъюки қуңуҳтыснақанка сивухпысигун. Та̄хкын лӣлъықа̄т пиниқыхкымси.