От Матфея 28:6 - Новый Завет на эскимосском языке

⁶ Хўа̄нъыӷитуқ; уңува̄ма̄қ пинақнилъыӷмитун. Тагитык, ысҳаӷьяҳтуҳтыху лъивиксяқаңа.

От Матфея 28:6 Iomraidhean Croise

От Матфея 12:40

Иона иқалъюгрухлъягым ақсяқҳўанитка̄гуқ пиңают аӷныӷыт, пиңают унугыт. Таўатыҳпигақ Иӷныӷа Югым сямансяҳқа̄гуқ нунами пиңают аӷныӷыт, пиңают унугыт.

От Матфея 16:21

Та̄хкын кынляңа Иисусым лӣгикыснақыхкӣ малихся̄ҳтыни, Иерусалимтыпыста̄ӷьяҳқа̄нилюни, таўани алъя̄ҳӣнакун икфиқыслъықнилюни Старейшинынун, первосвященнигнун, апыҳтуӷикаюгнунлъю Лӣлиҳтӯсямың. Уңипа̄ткӣ туқусяҳқа̄нилюни та̄хкын пиңая̄ни аӷныӷым Кияӷныӷмун уңуваҳсяҳқа̄нилюни.

От Матфея 17:23

ынка̄м туқулъықа̄т. Иўырңа пиңайӣтаңани аӷныӷым уңуваҳтысяҳқа̄гуқ». Та̄хкын малихся̄ҳтыт қивӷуҳлъякат.

От Матфея 17:9

Укигуткылъюку на̄йӷамың Иисусым иныҳтыңъўа̄қӣ: «Китумун алңунак апыӷьяқуна̄н ысҳаӷўа̄лъық пинакыси кынляңа Иӷныӷа Югым уңуваҳтыкан туқулъыӷмың».

От Матфея 20:19

Та̄хкын язычнигнун тӯнылъықа̄т. Таўани лыгасӣӷўа̄ткылъықа̄т, кахсягмихлъықа̄т, қақӯраҳлъықа̄тлъю. Иўырңа пиңайӣтаңани аӷныӷым уңуваҳтысяҳқа̄гуқ».

От Матфея 27:63

Пика̄т: «Югунӣқ, нықамикаҳпут та̄на пӯҳтиста сялин уңувалюни пика̄гуқ: “Пиңают аӷныӷыт атуӷлюки уңуваҳтыслъықуңа”.

От Марка 16:6

Нукалъпигам пикӣ: «Сяӷӣӷаюхпынаси, лӣсимакамси ива̄ңўа̄ҳси Иисус Назаретыӷмӣ, қақӯрақа̄ялӷӣ. Хўа̄нъыӷитуқ, уңуваҳтыстыка̄гуқ! Ысҳақаҳтыхуқун, хўагун лъикақсяӷа̄т.

От Марка 8:31

Та̄хкын Иисусым апыҳтуқыстақӣ малихся̄ҳтыни: «Иӷныӷа Югым ынңа̄талъ икфиқыпыста̄ӷьяҳқа̄гуқ, иҳсяксяҳқақа̄тлъю сӣванлъыӷыт, первосвященнигыт, апыҳтуӷикаюгытлъю Лӣлиҳтӯсяның. Та̄хкын туқулъықа̄т иўырңа пиңайӣтаңани аӷныӷым уңуваҳлъықуқ».

От Луки 24:12

Нақамынрақ Петр ныкывлюни лъивыӷмун кытанқукақ. Ка̄сями лъивыӷмун қиныҳтыкақ, ысҳақӣ қӣпаӷара̄ӷина̄т лёныт лъилютың. Та̄хкын агляқақ сюмыҳтаӷа̄ткума̄н Иисус сяматаңа.

От Луки 24:23

авӣлңа̄макаңат Иисусым югусӣ. Тагилютың а̄пҳа̄т яқулгыгның ысҳаӷўа̄лъыҳтың, яқулгык уңипа̄симакаңит аӷнат уңува̄манилюку.

От Луки 24:44

Та̄хкын Иисусым пикӣ: «Лъпысинитңулюңа хўатын уңипа̄ткақамси: Сяңўа̄т қамахлъютың хўаңамның аюқылӷӣт игақыхкат апыӷӣӷьяҳқа̄гут, Моисейем Лӣлиҳтӯся̄нилңӯт, ӯкналиқистыт игақыхкӣтңилңӯт, псалмынилңӯтлъю».

От Иоанна 10:17

Атам пиниқа̄ңа қаюҳлъяк уңувалъқа тӯньюкыстаӷлюку аюқақа выҳнықихналюку.

От Иоанна 2:19

Иисусым кӣмсиқӣ: «На̄фқитыху уна храм, пиңаюни аӷныӷни ныкыфлъықақа».

Деяния 2:24

Иўырңа Кияӷныӷым туқулъыӷмың уңуваҳтыстыкақа̄, итымуткақа̄ туқулъҳым асиҳқутылъҳаның, талўа туқулъҳым нуқныҳпагниңиткақа̄.