От Матфея 27:40 - Новый Завет на эскимосском языке

⁴⁰ акилӷӯка̄т: «Лъпык пика̄гутын Храм на̄фқынъақнилюку ынка̄м пиңаюни аӷныӷни ныкыфнықихнақнилюку. Кияӷныӷым Иӷнықңукаңатын лъпынун катам югули, қақӯрамың укиги!»

От Матфея 27:40 Iomraidhean Croise

От Матфея 16:4

Аӷныӷым ӯм юги сыӷлыҳқумаңӯт, ата̄сӣӷныӷилңӯт Кияӷныӷмун, нақам алъя̄ҳлъюхўаҳтитысқут хўаңамнун. Йыӷлыгилъю! Та̄наңинаҳақ алъя̄ҳлъюхўаҳтилъық ысҳаҳлъықаҳси Кияӷныӷым алъя̄ҳлъюхўа̄ҳтилъҳа Ионамун». Та̄хкын Иисусым унилъюки аӷуляқыхкат.

От Матфея 26:61

пикак: «Уна ю̄к хўатын пика̄гуқ: “Храм на̄фқысяқлъыгўа̄қа ынка̄м ныкыфлъықақа пиңая̄ни аӷныӷым”».

От Матфея 27:41

Таўатыҳпигақ Первосвященнигыт, малигулъютың апыҳтуӷикаюгнун Лӣлиҳтӯсяның, сӣванлъыӷнунлъю, лыгасӣӷўа̄ткыхка̄т:

От Матфея 27:42

«Югулӣқӣ иляңи, нақам лъңаның катам югулипагниңитуқ! Умӣлгукуни Израилыӷмӣнун укигли қақӯраминың ынка̄м ухпықнаяӷаҳпут.

От Матфея 27:54

Таўани қақӯраӷвигми, умӣлўа̄ӷылъю пилъюўаҳтыкулъҳӣт кылыңакыхкаңат Иисус, ысҳаӷьямыхтыху нуна қапшахлъялӷӣ, тама̄налъю сяңўа̄ пиян, алиңрӯӷутыҳлъякат. Пикат: «Ипапыста̄қ уна Иӷнықумаяҳтагу Кияӷныӷым!»

От Матфея 4:3

Та̄хкын Туӷныӷа̄м такулюку пика̄: «Кияӷныӷым Иӷнықңукаңатын, нықңуҳтысқики тама̄кут уйӷагыт».

От Матфея 4:6

пика̄: «Кияӷныӷым Иӷнықңукаңатын, қытхыӷи тысямавык; қаюҳлъяк Акузитыт Игақыхкат пика̄гут: “Кияӷныӷымңуқ яқулыгминун пақнасиҳтысяҳтуҳлъықа̄тын; ӣхмыхның нуқнықылъықа̄тын лю̄рақ итыгаҳтын уйӷаҳқӯнъаюката”».

От Луки 16:31

Иўырңа Авраамым пика̄: “Лӣтфикумаңилъкумыхтыки игақуқӣт Моисейемлъю, ӯкналиқистытлъю, талўа ухпыҳтысна̄нӷитӣ туқумаслъӣӷым уңуваӷлюни уңипа̄скумики”».

Откровение 11:10

Та̄кук ӯкналиқистык икфиқыстиҳлъяка̄лӷӣк нунам югитнун. Ынка̄м югыт қуяҳлъяхлъықут, тунқӯлъықутлъю тунусямың илямыхнун, апалъюқлъюку туқулъҳыхкынун.