От Матфея 27:32 - Новый Завет на эскимосском языке

³² А̄нумалютың ныҳлъягмың ысҳаӷлюку ю̄к, Киринеяӷмӣ, а̄тҳа Симон, қылъқа̄т уямигысқылъюку Иисусым қақӯра̄.

От Матфея 27:32 Iomraidhean Croise

От Матфея 16:24

Та̄хкын Иисусым малихся̄ҳтыни пикӣ: «Китум алңунак малихсюкумиңа, лъми катам пиюкылъыни пыхлъюку, қақӯрани уямиглюку малихлъиңа.

От Матфея 5:41

Китум алңунак қылӷускагу акмахтани иглыӷутысқылъюку ата̄симун километрамун, алъя ата̄сиқ километра илянъакын.

От Марка 15:21

Тумыни та̄кўани налъяқа̄т ю̄к, а̄тқылӷӣ Симонымың, Киринеяӷмӣ, атаңат Александрым, Руфым. Накын қантаӷаның тагиңуфтуқ Иерусалимымун. Пилъюўаҳтыт қылӷутка̄т Симонымун уямигысқылъюку Иисусым қақӯра̄.

От Луки 23:26

Та̄хкын Римым пилъюўаҳтыңита Иисус а̄нутка̄т. Иглыҳсималютың налъяқа̄т ю̄к, а̄тҳа Симон, Киринеяӷмӣ, тагиңулӷӣ Иерусалимымун та̄гыхкын нунамың. Пилъюўаҳтыт акуқаӷлюку, Иисусым қақӯра̄ ӣсқаӷмихтыслъюку малихтыстыка̄т киңуңаның.

От Иоанна 19:17

Та̄хкын пилъюўаҳтыт а̄нутка̄т Иисус уямихтыслъюку қақӯра̄. Агля̄тка̄т таўавык атилъқылӷӣмун: «Югым На̄сқўан Ныңа». (Та̄на Еврейистун, Голгофаңулӷӣ.)

Деяния 11:20

Иўырңа иляңи ухпықат Кипрымыңлъю, Киринеямыңлъю Антиохияткат, ка̄лъютың уңипақыхка̄т Атанық Иисус талўа Иудеяңунӷилңуӷнун.

Деяния 13:1

Антиохиями ухпықам иляңи ӯкналиқистыңуфтутлъю, апыҳтуӷистыңуфтутлъю. Та̄куңуфтут Варнава, Симеон, атилъқылӷӣ Нигерымың, Луций (Киринеямың пи), Манаил (аңлилгутаңа умӣлгым Иродым), Савлалъю.

Деяния 2:10

Фригияӷмӣт, Памфилияӷмӣт, Египетыӷмӣт, Ливияӷмӣт Киринеям туңаңаның пикат, Критыӷмӣт, Аравияӷмӣт, хўа̄ хўа̄нтутлъю Римымың ля̄лиҳтат Иудеит, язычнигытлъю манигӯткаюгыт Иудеястун. Нагатапут акузилъымтыстун уңипаҳтут Кияӷныӷым апыӷӣлъыҳлъяганың».

Деяния 6:9

Та̄хкын иляңита Иудеит, Киринеяӷмӣңуялӷӣтлъю, Александрияӷмӣңуялӷӣтлъю а̄ҳтӣра̄ӷьяҳтуқа̄т Стефан. Та̄кут югыт синагогаңита а̄тқыфта̄: «Итымуткат Қыпҳаҳтыля̄ӷыт». Югыт Киликияӷмӣңуялӷӣтлъю, Асияӷмӣңуялӷӣтлъю иляткат та̄кунун.

Деяния 7:58

Сӣңвага̄тамың аӷуляқутка̄т Иерусалимымың, туқунъалюку милюҳпага̄таҳӣнақ. Та̄хкын Стефаным авуткистыңита қа̄слъитың матаҳлъюки нукалъпигам Савлам ся̄ӷўакун лъилюки милюҳпага̄таӷьюха̄қа̄т. Тама̄кутлъю иляңита милюҳпага̄тақа̄т.