От Матфея 26:39 - Новый Завет на эскимосском языке

³⁹ Тазиңапиҳқа̄ӷлюни нунамун сикмӯлъюни юӷақақ: «Атамни, пияҳқа̄кан, мыӷынӷилъяңа хўакын қаю̄симың; иўырңа нака̄н пиюкылъымтун, лъпык пиюкылъыҳпытун пигу».

От Матфея 26:39 Iomraidhean Croise

От Матфея 20:22

Иўырңа Иисусым пикӣ: «Лӣгикынӷитаҳси сяңутаңа туңсиқаҳси. Мыӷвикнаяӷыстыхӯ қаю̄сиқ мыӷьяҳқақа?» Кӣмсиқа̄к: «Пияқлъыгӯкуң».

От Матфея 24:24

қаюҳлъяк Христосысиӷўа̄ӷытлъю, ӯкналиқистысиӷўа̄ӷытлъю тагилъықут. Алъя̄ҳлъюхўаҳтиҳлъяхлъықут, сяӷӣӷанаҳқыҳлъяхлъықутлъю пӯҳналюки югыт, талўа Кияӷныӷым накмикыхкӣ пӯҳсяқлъыгукумыхтыки.

От Матфея 26:42

Алъямың Иисус тазиңавык агляӷлюни юӷақақ: «Атамни, мыӷьяҳқақңукумкун уна қаю̄сиқ лъпык пиюкылъыҳпытун апыӷӣӷли».

От Марка 13:22

Христосысиӷўа̄ӷытлъю ӯкналиқистысиӷўа̄ӷытлъю алъхыҳтӯсяҳқа̄гут. Алъя̄ҳлъюхўаҳтиҳлъяга̄таӷьяҳқа̄гутлъю, сяӷӣӷанаҳқыҳлъяга̄таӷьяҳқа̄гутлъю пӯҳқуӷналюки югыт, талўа Кияӷныӷым накмикыхкӣ пӯҳсяқлъыгукумыхтыки пилъықӣт.

От Луки 17:16

Иисусым итыга̄н сивуңакун сыкылъюни нунамун игамсиқаюгвикыхка̄. Ю̄к та̄на Самарияӷмӣңуфтуқ.

От Иоанна 11:41

Та̄хкын иқитка̄т уйӷак па̄йңаның лъӣвӷым. Иисус қӯлмун ысҳаӷлюни пикақ: «Ата̄й, игамсиқаюгвикамкын нагатақыхкывңа.

От Иоанна 14:31

иўырңа Атам қылӷуткӣ писқылъҳўа̄ӷатун атуқақанка нунам юганун лӣтысқылъюку пиниқилъқа Атамун. Ныкывитык, аӷуляқылъта».

От Иоанна 18:11

Иисусым пика̄ Петр: «Сявихпагын канаҳтигу. Қаю̄сиқ мыӷынӷилъякӯн Атам тагивақа̄?»

От Иоанна 5:19

Иўырңа Иисусым пикӣ: «Ипа пӣмси, Иӷнық лъңинаӷми сяяҳқа̄нӷитуқ, Атаминың ысҳапакаҳӣнани пӣқа̄. Атами пилъҳатун пӣқуқ.

От Иоанна 5:30

«Нанқихсигатақа кина алңунак сивуклъюку а̄птылъңуна̄н Ата. Ынка̄м нанқихтӣқуңа лъңан писқылъҳинаҳа̄тун. Нанқихтилъқа ылъқуӷутңа̄қ, қаюҳлъяк нанқихтӣқуңа Атам каяхтикам хўаңамның пиюкылъҳатун. Хўаңа пиюкылъымтун пиңигатуңа.

От Иоанна 6:38

қаюҳлъяк укика̄гуңа қилягмың атуқналюку пиюкылъҳа Каяхтистыма. Хўаңа пиюкылъқа пияҳтӯнӷитақа.

Деяния 10:25

Петр ӣтҳақуқлъю Корнилийем пайыӷлюку сыгысқуҳфикыхка̄ манигуӷналюку.

К Филиппийцам 2:8

Югуҳсями қусывыхтыка̄гуқ ынка̄м қа̄ткутка̄гуқ туқулъыӷмун, талўа туқука̄гуқ қақӯракун.

К Евреям 5:7

Кияӷнық аҳтуӷьяҳқа̄нӷилъылгӯқ югулияҳқа̄люку Иисус туқулъыӷмың. Ынка̄м Иисус нунамытңулюни, игляхтулюни қунитӯмаӷми юӷақа̄лӷӣлъю, туңсиқа̄лӷӣлъю Кияӷныӷмун югулисқылъюни туқулъыӷмың. Кияӷныӷым нагаткақӣ юӷалъҳи, қаюҳлъяк қусывыхлъюни қа̄ткыхка̄ Кияӷныӷым пиюкылъҳа.

Откровение 19:10

Та̄хкын нӣнӷутуңа яқулгым итыга̄кун манигуӷналюку, иўырңа пӣңа: «Таўатын пихпынаң! Манигуҳу Кияӷнық! Қыпҳа̄тақақа Кияӷнық лъпытун, ухпықа̄лгутыфпытунлъю. Лъңаңут ата̄сӣӷмылңӯт ипалъыӷмун Иисусым апыҳтӯсяқыхка̄нун. Ипалъық Иисусым апыҳтӯсяқыхка̄ та̄наңӯқ ипалъық Кияӷныӷым Таӷныӷахкынка ӯкналиқистынун уңипақыстыка̄».