От Матфея 26:28 - Новый Завет на эскимосском языке

²⁸ Та̄на а̄кўақа, та̄хун Кияӷныӷым акықуся̄ апыӷӣӷьяҳқа̄гуқ. Туқукума а̄кўа кӯвылъықуқ угляпихлъыҳӣнун югнун сыӷывутусӣлюни сыӷлыҳқылъҳитнун.

От Матфея 26:28 Iomraidhean Croise

От Матфея 20:28

катам таўатын Иӷныӷан Югым пилъҳатун. Тагимаңитуқ қыпҳа̄тысқылъюни иўырңа тагика̄гуқ қыпҳа̄тиналюни, тӯналюкулъю уңувалъыни навыҳқылъисиқналюку угляпихлъыҳӣнун югнун».

От Матфея 26:27

Та̄хкын тугулюку қаю̄сиқ виномың ималык игамсиқаюгвиклъюку Кияӷнық тӯныхка̄ лъңитнун. Пикӣ: «Мыӷвика̄таҳтыху қамахлъюси.

От Матфея 26:29

Уңипа̄тамси, виномың алъя мыӷна̄нӷитуңа кынляңа аӷныӷми таўани, виноӷраӷаӷмың мыӷылгусиҳлъықамси Атама Атаныҳпагулъҳани».

От Матфея 6:12

Сыӷывутаҳтики сыӷлыҳқылъыпут, сыӷывусималюки сыӷлытун пистыпут.

От Марка 1:4

Та̄на уңипаҳта Иоанныңӯқ Креститель. Килга̄ни крестиӷақуқлъю, уңипаӷақуқлъю хўатын: «Авутыҳқылъюси, сыӷлыҳқынъаниӷлюси крестиӷытык, ынка̄м Кияӷныӷым сыӷывулъықӣси».

От Марка 14:24

Иисусым пикӣ: «Уна а̄кўақа, та̄хун Кияӷныӷым акықуся̄ апыӷӣӷьяҳқа̄гуқ. Туқукума а̄кўа кӯвылъықуқ угля̄пихлъыӷӣнун югнун.

От Луки 22:19

Та̄хкын тугулюку нықыкшаңлъяқ, игамсиқаюгвиклъюку Кияӷнық, а̄вгуӷлюку тунқуқӣ, хўатын пимӣта: «Уна югусиқақа тӯныхкыхка лъпыси апалъюқлъюси. Ныӷақитыху нықамикусӣлюку хўаңамнун».

От Луки 22:20

Ныныӷмың та̄қсямың таўатыҳпигақ тӯныхкӣ қаю̄симылңуӷмың виномың, хўатын пимӣта: «Уна қаю̄сиқ Кияӷныӷым нутаӷа̄гуқ акықуся̄ а̄мкун, кӯвылӷӣ лъпыси апалъюқлъюси.

К Римлянам 5:15

Иўырңа Кияӷныӷым тунуся̄ Адамым сыӷлыҳқылъҳатун аюқынӷитуқ. Ипаңӯқ угляпихлъыҳӣт югыт туқука̄гут апалъюқлъюку ата̄сим югым сыӷлыҳқылъҳа. Иўырңа Кияӷныӷым пиниқылъҳа сыӷлыҳлъягӯқ. Ынка̄м угля̄пихлъыӷӣт югыт алъхыҳтыкақа̄т Кияӷныӷым ақыҳқыңъалӷӣ акиңилңуқ тунуся̄, пиниқылъҳакун ата̄сим югым Иисус Христосым.

К Римлянам 5:19

Қа̄ткунъыӷитылъҳакун ата̄сим югым, угля̄пихлъыӷӣт югыт сыӷлыҳқыстыңуҳтыка̄гут. Таўатыҳпигақ, қа̄ткутылъҳакун ата̄сим югым, угля̄пихлъыӷӣт югыт налъҳусяӷьяҳқа̄гут Кияӷныӷым ылъқуӷутңалъҳанун.

1е Коринфянам 11:25

Ныныӷмың та̄қсямың, таўатыҳпигақ тугулюку қаю̄сиқ виноӷраӷаӷмың ималык, пикақ: «Уна қаю̄сиқ Кияӷныӷым нутаӷа̄гуқ акықуся̄ а̄мкун. Аўын мыӷақитыху нықамикусӣлюку хўаңамның».

К Ефесянам 1:7

Христосым а̄ўакун, Кияӷныӷым итымуткақӣлъю сыӷлыҳқылъымнъың. Сыӷывутӣ сыӷлыҳқылъыпут апалъюқлъюку наңлъыхталъыҳлъяни

К Колоссянам 1:14

Лъңан тукфиқақӣлъю, сыӷывуткақӣлъю сыӷлыҳқылъыпут.

К Колоссянам 1:20

Кияӷныӷым Иӷныӷмикун выӷутыстыкақӣ лъңанун сяңўа̄т қамахлъюки нунамилъю, қилягмилъю. Ынка̄м а̄ўакун Иӷныӷми туқа̄қңан қақӯрами илялӣӷутыстыкақӣ лъңанун.

К Евреям 10:29

Сюмыҳтаӷа̄ткаҳтыху натынми аңкаслъюган Кияӷныӷым аӷью̄ҳлъықагу ю̄к тутма̄сҳақӣқылӷӣ Иӷныӷаның Кияӷныӷым, пӣқылӷӣ сятңунӷинъилюку а̄ўк апыӷӣӷуткақ акықусяӷраӷаӷмың (қайўа Кияӷныӷым укмаңӣсиқыхкақыӷңа̄гу сыӷлыҳқылъҳанун), сыӷлықӯӷӣқылӷӣлъю наңлъыхталӷӣгнун Таӷныӷагнун.

К Евреям 13:20

Кияӷныӷым ныкыхмылъылитистым Атаныҳпут Иисус уңуваҳтыстыкақа̄ туқулъыӷмың. Ынка̄м а̄ўмикун Пынъӣӷнӣҳтыҳлъягуҳтыка̄гуқ пынъӣӷнун. А̄ўан атӯяҳқа̄ҳтыстыкақа̄ Кияӷныӷым қӯнпыкаҳқақ акықуся̄.

К Евреям 9:28

Таўатыҳпигақ ата̄сиҳаӷмың Христос аҳтуткыхка̄гуқ лъмитның иқинъалюки сыӷлыҳқылъҳит юлӷутыт. Иўырңа алъя тагикуми, аҳтуткысяҳтӯнӷитуқ лъминың сыӷлыҳқылъыӷмун. Йыӷлыги югулияҳтуҳлъықӣ қылянқилӷӣт лъңаның.

1е Иоанна 2:2

Лъңаңӯқ иқитусиқ сыӷлыҳқылъымнъун, хўаңкуңина̄мта сыӷлыҳқылъымнъун пиңунӷитуқ, иўырңа тамаҳаҳлъяган югым сыӷлыҳқылъҳанун аюқуқ.

Откровение 7:14

Кӣмсиӷақа: «Югунӣқ, лъпык лӣсимакатын». Утфам пӣңа: «Та̄куңӯт сюфлъюӷуткат сыӷлылӣӷрукута̄ҳлъягмың. Пынъӣӷаҳа̄м а̄ўакун аӷвиглюки қӣпаӷатың, қатыҳтыстыкақӣт.

Откровение 7:9

Та̄м киңуңаның ысҳаӷанка угляпыста̄ҳлъягыт юлӷутыҳлъягыт китум алңунак кыстыпагниңилъкаңи! Тамаҳӣтның пиңуфтут нуната̄ның, рамкының, югның, улюныңлъю. Ныкывӷатңуфтут умӣлгусим ақумутам, Пынъӣӷаҳа̄млъю сивухкынкун. Қӣпаӷа̄лъютың қатылӷӣның, тугумӣӷлютыңлъю пальмам уқфиган авайӣтның.