От Матфея 26:24 - Новый Завет на эскимосском языке

²⁴ Ипапыста̄қ Иӷныӷа Югым туқуяҳқа̄гуқ Акузитыт Игақыхкат пинақнилъҳистун. Иўырңа сыӷлыӷўа̄ӷунақңӯқ та̄на ю̄к увыҳпагутилӷӣ Иӷныӷаның Югым! Итагнаӷнаяҳтуқ алъхыӷумаңисяқуми!»

От Матфея 26:24 Iomraidhean Croise

От Матфея 18:7

«Сыӷлыӷўа̄ӷунақңӯт югыт қаюҳлъяк нунами хўани нанӷӣқулъыҳтупихтут сыӷлыҳқылъыӷмун. Нанӷӣқулъҳыт сыӷлыҳқистимун пияҳқа̄гут, иўырңа сыӷлыӷўа̄ӷунақңӯқ кина сыӷлыҳқыстилӷӣ югның!

От Матфея 26:31

Та̄хкын Иисусым пикӣ: «Унугми хўани, хўаңа апалъюқлъюңа униқаӷа̄лъықаҳпысиңа, қаюҳлъяк Акузитни Игақыхкани Кияӷнық пика̄гуқ: “Туқулъықақа пынъӣӷнӣҳта ынка̄м пынъӣӷыт миңиқылъықут”.

От Матфея 26:54

Иўырңа таўатын пина̄нӷитуңа қаюҳлъяк Акузитыт Игақыхкат апыӷӣӷьяҳқа̄лӷӣт игақылъыӷмыгыстун».

От Матфея 26:56

Иўырңа қамахлъютың тама̄кут таўатын пиңӯт, апыӷӣӷналюки ӯкналиқистыт игақыхкӣт Акузитни Игақыхкани». Та̄хкын қамахлъютың малихся̄ҳтыт унилъюку қимагӯткат.

От Марка 14:21

Иӷныӷа Югым туқуяҳқа̄гуқ Акузитыт Игақыхкат пинақнилъҳистун. Иўырңа сыӷлыӷўа̄ӷунақңӯқ та̄на ю̄к увыҳпагутилӷӣ Иӷныӷаның Югым! Итагнаӷнаяҳтуқ алъхыӷумаңисяқуми!»

От Марка 9:12

Кӣмсиқӣ: «Ипаңӯқ Илия сивуклъюни тагипыста̄ӷьяҳқа̄гуқ ята̄ҳқынъалюку сяңўа̄ тамаҳа̄н. А̄птаҳлъямси, нақам сяңан Акузитыт Игақыхкат пикақатху, Иӷныӷа Югым икфиқыҳлъягьяҳқа̄нилюку, сясӣнӷилңуӷыстунлъю кияӷусяҳқа̄нилюку?

От Луки 22:22

Кияӷныӷым таўатын успықылъқа̄ Иӷныӷан Югым туқулъыҳқа̄. Иўырңа сыӷлыӷўа̄ӷунақңӯқ та̄на ю̄к увыҳпагутияҳқақ лъңаның!»

От Луки 24:46

Пикӣ: «Хўатын игақыхка̄гуқ: “Христос икфиқыпыста̄ӷьяҳқа̄гуқ, та̄хкын пиңая̄ни аӷныӷым уңувапыста̄ӷьяҳқа̄гуқ туқулъыӷмың”.

От Иоанна 17:12

Лъңитнилъюңа афлъыңакыхкақанка аҳтуӷьяҳқа̄нӷилъҳакун атыҳпык, тагивақаҳтын хўаңамнун. Кылыңакыхкақанка, ынка̄м талўа ата̄сиқ ифлъялъҳитуқ, иўырңақун ата̄сиқ ю̄к ифлъяяҳқақ, Акузитыт Игақыхкат апыӷӣӷысқылъюки.

От Иоанна 19:24

Пилъюўаҳтыт пикат: «Та̄кук ӣӷўӣхкынка атыҳтӣра̄ӷусиқылътыкык». Таўатын пилъыӷмыхтыхун Акузитыт Игақыхкат апыӷӣҳтыстыкӣт хўатын пилъҳит: «А̄тканка ныңӣткақӣт, ынка̄м та̄кук аткуя̄ӷыхка атыҳтӣра̄ӷусиқыхкақахкыт».

От Иоанна 19:28

Та̄м киңуңаның Иисусым лӣсимакыхка̄ сяңўа̄ тамаҳаӷми хўа̄ апыӷӣлӷӣ. Ынка̄м Акузитыт Игақыхкат апыӷӣӷысқылъюки хўатын пикақ: «Мықсюхтуңа».

Деяния 2:23

Кияӷныӷым лӣсималъыӷмикун тӯныхкақа̄ Иисус лъпысинун пиюкылъыҳпысистун писқылъюку. Та̄хкын лъпыси қақӯраҳтыстаҳси тама̄кунун ўа̄кигалңуӷнун Кияӷныӷым Лӣлиҳтӯся̄мнъун.

Деяния 28:23

Та̄хкын накмикыхка̄т аӷнық ата̄сиқ қырңуӷутфигулюку. Та̄на аӷнық ка̄сян угляпихлъютың тагиляӷа̄ткат Павелым кияҳфиганун. Уна̄ҳа̄ның унулъҳанун кынляңа апыҳтуқӣ Атаныҳпагулъҳаның Кияӷныӷым, лӣгикыстыңъўа̄ӷнақуткыхкӣлъю Иисусымың атуқлъюки Лӣлиҳтӯсӣ Моисейем, ӯкналиқистытлъю игақыхкӣт.

Деяния 4:28

Атанық лӣсимакңўа̄қынлъю, ята̄ҳқыхкақыхкынлъю таўатын пилъыҳқа̄ ынка̄м таўатын пика̄гут.

1е Коринфянам 15:3

Апыҳтуқақамси апыҳтӯсяқыхкамың хўаңамнун. Та̄кут ухпықсяҳқақаси: Христосым туқуткыхкақӣ сыӷлыҳқылъыпут, катам Акузитыт Игақыхкат пинақнилъҳистун.