От Матфея 25:10 - Новый Завет на эскимосском языке

¹⁰ Ынка̄м налъю̄қат уқуҳқаңьяҳтӯткат. Авӣсималюки нулиҳтуӷнақылӷӣ ка̄ткақ. Та̄кут ята̄ҳқыңъалӷӣт итылгусиқа̄т ныңуӷутым нықынӷаҳқылъҳанун, ынка̄м амик ӯмка̄т.

От Матфея 25:10 Iomraidhean Croise

От Матфея 24:42

Ынка̄ңам кылыңалюси, қаюҳлъяк налъюкңўа̄ӷаҳси нани аӷныӷми Атаныҳпыси тагилъыҳқа̄.

От Матфея 24:43

Налъюнықнӣтуқ, мыңтыӷам юган лӣсимаксяқумигу тыглыгнӣҳтым тагилъыҳқа̄, қаваҳпынани кылыңанаяҳтуқ на̄фқулъюни итыӷнаюкан мыңтыӷаминун.

От Матфея 24:44

Ынка̄м тама̄кын апалъюқлъюку лъпысилъю апыӷӣҳсяӷлюси қӯнпың, қаюҳлъяк Иӷныӷа Югым тагияҳқа̄гуқ ўа̄кынӷилъҳаҳлъюси».

От Матфея 25:6

Унугым қука̄ни кина акилӷӯкақ хўатын: “Ука тагӣқуқ нулиҳтуӷьяҳқақ! А̄нлюси пайыҳтыху!”

От Матфея 7:21

Иисусым апыҳтӯсяни нагныӷуткӣ: «Иляңи югым хўаңамнун малихся̄ҳтыкнӣқут ынка̄м пӣқа̄тңа: “Атанқамкын” иўырңа итыӷна̄нӷитут Атаныҳпагулъҳанун Қилягым. Тама̄куңина̄т атуқилӷӣт пиюкылъҳаның Атама қилягмылңӯм итыӷьяҳқа̄гут Атаныҳпагулъҳанун Қилягым.

От Луки 12:35

«Сямун тамаҳа̄нун ятаҳқыңъўа̄ӷлюси, а̄ткаси а̄сяқлъыхӣна̄ӷлюки, кынылӷутаси кумаҳтыңъўа̄ӷлюки.

От Луки 13:25

Мыңтыӷам юган макылъюни амик умыгьяҳтуҳлъықа̄. Ынка̄м тысқакмани ныкывӷалъықуси, тыңлюхтуҳлъықусилъю хўатын пимаҳпыси: “Атанық, қылъпыӷутаҳтикут!” Кӣмсиҳлъықӣси: “Налъюкамси, налъюкақалъю накын пиңустык”.

К Колоссянам 1:12

Ынка̄м қуямалъылиҳлъяглюси игамсиқаюгвикылъықаҳси Ата. Лъңаңулӷӣ лъпысинун ныңилгутыстикақ сямың тамаҳа̄ның акықусяқыхкаминың тӯнылъықнилюки юни кияҳлъыҳӣт ниӷугми.

2е Тимофею 4:8

Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

1е Петра 1:13

Ынка̄ңам умьюгаси апыӷӣҳсяӷўа̄ӷлюки аюқитыки сялъыҳқамун. Умьюгаси хўатыҳлъюўа̄ӷулюки, сиӷимакңўа̄ҳтыхулъю тунусяқ югулилъыңылъық Кияӷныӷым тӯньяҳқа̄ Иисус Христос тагикан.

Откровение 1:7

Ӣи! Иисус тагӣқуқ қилягўа̄хтыхун. Тамаҳаӷми югым ысҳаҳлъықа̄т, талўа тама̄кут панасқылъюку пика̄т ысҳаҳлъықа̄т. Қамахлъютың нунам рамкыңи қия̄ӷӯтыҳлъяхлъықут апалъюқлъюку лъңа. А̄а, тама̄кут пияҳқа̄гут! Аминь.

Откровение 19:7

Қуятылъта, ынңа̄талъ қуяҳлъягылъталъю, усюқылътыхулъю! Пынъӣӷаҳа̄м ныңуҳтылъыҳқа̄ ка̄туқ, нулӣҳқа̄лъю ята̄ҳқума̄қ.

Откровение 22:20

Иисусыңӯқ а̄пҳилӷӣ тама̄кын қамахлъютың ипаңунилюки. Пӣқлъю: «Ипапыста̄қ тагияҳтуҳтуңа!» Аминь. Таги, Атанық Иисус!